इफिसियां 2:19 - बिलासपुरी नौआं नियम

¹⁹ इस खातर हुण तुहें अन्यजाति लोक अंजाण कने पराये नींए, पर पवित्र लोकां सौगी स्वदेशी कने परमेशरा रे परिवारा रे हुईगरे।

इफिसियां 2:19 ပူးပေါင်းရင်းမြစ်များ

मत्ती 10:25

चेले जो गुरुये रे, कने दास्सा जो अपणे स्वामिये रे बराबर हुणे ची सन्तोख करना चाहिन्दा; तां जे सै मिन्जो यनि घरा रे मालका जोई शैतान बोलां ये, तां तुहें तिन्हांते केढ़े व्यवहारा री आशा रक्खां ये?

गलातियां 6:10

इस खातर तियां जे कोई मौका मिलो, अहांजो सारयां ने भलाई करनी चाहिन्दी, खास कर अपणे विश्वासी भाईयां सौगी।

इफिसियां 2:12

याद करा तिस बगत तुहें लोक मसीह ते लग थे, तुहें इस्राएल रिया बरादरिया ते बाहर थे, कने तिसरे वायदे रिया वाचां रे हिस्सेदार नीं थे कने इस संसार च बगैर आशा ते कने बगैर परमेशरा ते थे।

इफिसियां 3:15

सै इक इ आ जेह्ड़ा स्वर्ग कने धरतिया रे सारे परिवाराँ जो जिऊंदा रखां।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

फिलिप्पियां 3:20

पर अहांरी नागरिकता स्वर्गा ची, कने तित्थी तेई अहें अपणे छुटकारा देणे औल़े प्रभु यीशु मसीह रे औणे रा बेसब्रिया ने इन्तजार कराँ ये।

इब्रानियों 11:13

ये सारे लोक तिन्हेंजे परमेशरा पर विश्वासा कित्या कने परमेशरा रे जरिये वायदा कित्ती रियां चीजां जो बगैर पाये मरीगे। पर सै दूरा तेई देखीने खुश हुये कने ये बी समझीगे भई अहें धरतिया पर परदेशी कने अंजाण ये।

इब्रानियों 13:14

काँह्भई ये संसार अहांरा पक्का घर नींआ, पर अहें येढ़े घरा जो पाणे री उम्मीद कराँ ये सै जे भविष्य च अहांरा हूणा।

1 पतरस 2:11

मेरे प्यारे मित्रो, हऊँ तुहांजो विनती कराँ भई तुहें अप्पूँजो परदेशी कने मुसाफर समझीने तिन्हां शरीरा री बुरियां इच्छां ते दूर रौआ सै जे हमेशा तुहांरिया आत्मा रे बरोधा च लड़ाई कराँ इयां।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।