इफिसियां 1:1 - बिलासपुरी नौआं नियम

¹ हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

इफिसियां 1:1 ပူးပေါင်းရင်းမြစ်များ

लूका 16:10

ताहली जे तुहां छोट्टी ते छोट्टी गल्लां च विश्वास लायक रैहणा, तांई तुहें बड्डियां गल्लां च बी विश्वास लायक हुई सक्कां ये। जे तुहें छोट्टी गल्लां च धोखेवाजी करगे, तां तुहां बड्डिया जिम्मेवारिया च बी ईमानदार नीं हुई सकदे।

प्रेरितां 16:15

तां जे तिसे अपणे घराने समेत बपतिस्मा लया, तां तिसे अहांने विनती किति, जे तुहें मिन्जो प्रभुये री विश्वासी समझां यें तां, चलीने मेरे घरा च रौआ, “कने सै अहांजो मनाई ने लई गई।”

प्रेरितां 18:19

तिन्हें इफिसुस नगरा च पुज्जी ने प्रिस्किल्ला कने अक्विला जो छडया, कने अप्पूँ यहूदी सभा घर च जाईने यहूदियां ने वाद-विवाद करने लगया।

प्रेरितां 18:21

पर सै येढ़ा बोलीने तिन्हांते विदा हुआ, “जे परमेशरे चाहया तां हऊँ तुहां ला फेरी औंगा।” तां सै इफिसुस ते जहाजा खोली ने चलीप्या;

प्रेरितां 9:13

हनन्याह ये जवाब दित्या, “हे प्रभु, मैं इस माहणुये रे बारे च बौहतीं ते सुणीरा भई इने यरूशलेम च तेरे पवित्र लोकां ने सौगी बौहत-बौहत बुराईयां किति रियां;

रोमियो 1:1

हऊँ पौलुस यीशु मसीह रा दास आ कने प्रेरित होणे रे खातर परमेशरा रे जरिये चुणया गया, कने परमेशरा रिया खुशखबरिया रा प्रचार करने खातर लग कित्या गया।

रोमियो 1:7

हऊँ ये चिट्ठी रोम नगरा च रैहणे औल़े तुहां सारयां जो लिखिराँ तिन्हौं जे परमेशर प्यार कराँ कने अपणे पवित्र लोक हुणे खातर चुणीरा। अहांरे पिता परमेशर कने प्रभु यीशु मसीह रिया तरफा ते तुहांजो अनुग्रह कने शान्ति मिलदी रौ।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

1 कुरिन्थियों 4:12

कने अहें अपणे हात्थां ने अप्पूँ मेहणत कराँ ये। ताहली जे लोक अहांजो गाल़ी दें, तां अहें तिन्हांजो आशीष देआंये; ताहली जे लोक अहांजो सतायें, तां अहें सही लैं।

1 कुरिन्थियों 4:17

इस खातर मैं तिमुथियुसा जो तुहांले भेज्जी राँ, सै जे मेरा प्यारा पुत्र कने प्रभुये च बफादार पुत्र आ। तिस तुहांजो मसीह च मेरा चरित्र याद दिलाणा, तियां जे हऊँ हर जगह हरेक कलीसिया च उपदेश देआं।

2 कुरिन्थियों 1:1

हऊँ पौलुस, परमेशरा रिया इच्छा ते मसीह यीशुये रा प्रेरित आ कने अहांरे साथी विश्वासी तिमुथियुस रिया तरफा ते। ये चिट्ठी हऊँ कुरिन्थुस नगरा च परमेशरा री कलीसिया कने अखाया प्रदेशा च रैहणे औल़े सारे पवित्र लोकां जो लिखिराँ।

गलातियां 1:1

हऊँ पौलुस, तुहांजो ये चिट्ठी लिखां कने हऊँ इक प्रेरित आ। हऊँ न माहणुआं रिया तरफा ते कने न माहणुआं रे जरिये चुणीरा, बल्कि यीशु मसीह कने परमेशर पिता रे जरिये चुणया गईरा, तिने जे मसीह यीशुये जो मूईरयां चते जिऊंदा कित्या।

गलातियां 3:26

यीशु मसीह पर विश्वास करने रे जरिये तुहें सारे परमेशरा री सन्तान ये।

गलातियां 3:28

हुण नां कोई यहूदी रैया कने नां यूनानी, नां कोई दास रैया, नां अजाद, नां मर्द नां जनाना, काँह्भई मसीह यीशुये च तुहें सारे इक ये।

गलातियां 3:9

इस खातर सै लोक सै जे विश्वास कराँ ये, विश्वासी अब्राहमा सौगी आशीष पायें।

इफिसियां 1:15

इसा वजह ने, हऊँ बी तिस विश्वासा जो सै जे तुहां लोकां च प्रभु यीशुये पर आ कने सारे पवित्र लोकां रे प्रति तुहांरे प्यारा री खबर सुणीने,

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

इफिसियां 2:13

इक वगत था ताहली जे तुहें परमेशरा ते दूर थे, पर हुण मसीह यीशु च तिसरे खून्ना रे जरिये नेड़े लन्दे।

इफिसियां 2:6

काँह्भई परमेशरे अहौं मसीह साई मूईरयां चते जिऊंदा कित्या कने मसीह सौगी अहांरे रिश्ते रिया वजह ने स्वर्गा च तिस सौगी बठाल़या।

इफिसियां 6:21

प्रभुये च अहांरे साथी विश्वासी कने बफादार सेवक तुखिकुस तुहां लोकां जो ये सब दस्सी देंगा तिसते जे तुहें मेरी हालत जाणी सक्को भई हऊँ केढ़ा कने क्या करीराँ।

कुलुस्सियां 1:2

हऊँ कुलुस्से नगरा च रैहणे औल़े पवित्र लोकां जो कने मसीह रे सच्चे विश्वासी भाईयां जो ये लिखिराँ। अहांरे पिता परमेशरा तुहांजो अनुग्रह कने शान्ति देन्दे रौ।

प्रकाशितवाक्य 17:14

“तिन्हां सारयां मेमने ने लड़ना, पर मेमने तिन्हां पर जय पाणी; काँह्भई सै प्रभुआं रा प्रभु कने राजयां रा राजा, सै जे सद्दीरे, चुणीरे कने बफादार ये, तिस सौगी ये, तिन्हां बी जय पाणी।”

प्रकाशितवाक्य 2:10

सै दुख जे तिज्जो झलणे पौणे, तिन्हांते मत डर; काँह्भई, शैतान दुज्जे किछ लोकां रे जरिये तुहांजो परखणे खातर तुहां चते किछ लोकां जो जेल्ला च पाई देणा; कने तुहौं दस्सां दिनां तक दुख सैहणे पौणा। आखरी सांस तक बफादार बणीने रै, फेरी मांह तिज्जो जीवना रा मुकट देणा।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।