कुलुस्सियां 4:12 - बिलासपुरी नौआं नियम

¹² इपफ्रास रा बी तुहांजो नमस्कार हो, सै जे तुहांरे नगरा चते इक आ कने यीशु मसीह रा दास आ, कने सदा तुहांरे खातर लगना ने प्राथनां च कोशिश करदा रैयां, ताकि तुहें सिद्ध हुईने पूरे विश्वासा सौगी परमेशरा रिया इच्छा च टिक्कीरे रौओ।

कुलुस्सियां 4:12 ပူးပေါင်းရင်းမြစ်များ

मत्ती 5:48

तुहौं तिन्हां लोकां ने प्रेम करने री जरूरत इ सै जे तुहांजो प्यार नीं करदे, इस इ तरिके ने तुहां सिद्ध हूणा तियां जे स्वर्गा च रैहणे औल़ा तुहांरा पिता परमेशर सिद्ध आ।”

लूका 1:1

आदरणीय थियूफिलुस जी! मतयां लोकें तिन्हां गल्लां रा ब्योरा लिखणे री कोशिश किति सै जे अहांरे बिच हुईयां।

लूका 22:44

यीशु बड़ा बेचैन हुईने प्राथना करने लगया। तिसरिया आत्मा रा दर्द इतणा बधीग्या भई तिसरा परसीन्ना खून्ना रे टेपयां साई धरतिया पर टपकणे लगया।

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

रोमियो 15:30

मेरे साथी विश्वासियो, यीशु मसीह सै जे अहांरा प्रभु आ कने पवित्र आत्मा रे प्यारा रे जरिये हऊँ तुहांजो विनती कराँ भई मेरे खातर परमेशरा ते प्राथना करने च मेरे सौगी जुड़ी जावा।

1 कुरिन्थियों 14:20

अरे साथी विश्वासियो, तुहें अपणिया समझा च बालकां साई नीं बणा। फेरी बी बुराईया च त बालक रौआ, पर समझा च सयाणे बणा।

1 कुरिन्थियों 2:6

फेरी भीं परिपक्व विश्वासियां च अहें ज्ञाना रा सन्देश सणवांयें, पर इस संसारा रे हाक्मां रा ज्ञान नीं; सै जे नाश हुणे औल़े;

2 कुरिन्थियों 13:11

हुण आखिर च मेरे साथी विश्वासियो, हऊँ तुहांते बिदा लेआं। अपणा व्यवहार ठीक रखा; तियां इ करदे रौआ तियां जे मैं करने जो गलाया; इक्को जेआ सोच्चा; शान्तिया ने रौआ; कने परमेशर सै जे शान्ति कने प्यार देआं तुहांजो सौगी रैहणा।

गलातियां 1:10

साफ तौर पर, हऊँ लोकां जो खुश करने री कोशिश नीं करदा, पर परमेशरा जो खुश करना चाँह। हकीकत च हऊँ लोकां जो खुश नीं करना चाहन्दा, जे हऊँ हुण तक लोकां जोई खुश करदा रैहन्दा, तां हऊँ मसीह रा सेवक नीं हुन्दा।

गलातियां 4:19

मेरे प्यारे बच्चो, तियां जे इक औरत बच्चा जणने रे वगत पीड़ा जो अनुभव कराँ इ, तियां इ हऊँ भीं तुहांरे खातर इक बार पीड़ सैईराँ। मांह तिसा पीड़ा च तदुआं तक रैहणा तदुआं तक जे तुहें पूरे तरिके ने मसीह साई नीं बणी जान्दे।

कुलुस्सियां 1:22

पर तां जे मसीह अपणे संसारिक शरीरा च था, तां मसीह रिया मौती रे जरिये हुण परमेशरे तुहांरा बी मेल करी लरा, ताकि तुहांजो अपणे सामणे पवित्र, निष्कलंक, कने निर्दोष बणाईने हाजर करो।

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।

कुलुस्सियां 1:7

ये सन्देश तुहें अहांरे प्यारे साथी इपफ्रास ते सिक्खया, सै जे अहांरे खातर मसीह रा विश्वास लायक सेवक आ।

कुलुस्सियां 1:9

इस खातर जिस दिना ते अहें तुहांरे बारे च ये सुणया, अहें तुहांरे खातर लगातार प्राथना कराँ ये कने परमेशरा ने ये विनती कराँ ये भई परमेशरा रा आत्मा तुहांजो ज्ञान कने समझ देओ ताकि तुहें तिसरिया इच्छा जो पूरे तरिके ने समझी सक्को।

कुलुस्सियां 4:9

हऊँ अपणे विश्वास लायक कने प्यारे विश्वासी उनेसिमुस जो बी तिसने सौगी भेज्जी राँ सै जे तुहांरे नगरा ते आ; सै तुहांजो येत्थी री सारियां गल्लां दस्सी देन्गे।

1 थिस्सलुनीकियां 5:23

हऊँ परमेशरा ने प्राथना कराँ सै जे शान्ति देआं भई सै तुहांजो पूरे तरिके ने पवित्र करो; कने तुहांरी आत्मा, प्राण कने देह अहांरे प्रभु यीशु मसीह रे वापस औणे तक पूरे तौर पर निर्दोष कने सुरक्षित रौआ।

फिलेमोन 1:23

इपफ्रास, सै जे मसीह यीशुये री सेवा करने खातर मेरे सौगी जेल्ला चा,

इब्रानियों 5:14

पर रोटी तिन्हां लोकां रे खातर इ सै जे विश्वासा च परिपक्व ये, कने सै जे अनुभवा रे जरिये सही कने गल़ता च फर्क करना जाणाँ ये।

इब्रानियों 5:7

ताहली जे यीशु इस संसारा च था तां तिसरे जीवन काला च ऊच्चिया अवाज़ा च पुकारदे हुये कने रोन्दे हुये आँसुआं ने परमेशरा रे सामणे प्राथना कने विनती कित्ती सै जे तिस्सो मौती ते बचाई सक्कां था; काँह्भई सै नम्र कने परमेशरा रे प्रति समर्पित था इस खातर परमेशरे तिसरी प्राथना सुणीने तिसजो जबाब दित्या।

याकूब 1:1

हऊँ याकूब, परमेशर कने प्रभु यीशु मसीह रा दास आ। हऊँ ये चिट्ठी यहूदी मसीह विश्वासियां रे बारा गोत्राँ जो लिखिराँ सै जे सारे संसारा च खिण्डीरे।

याकूब 1:4

पर सैहण शक्तिया जो अपणा पूरा काम्म करने देआ भई आत्मिकता च तुहें पूरे तरिके ने परिपक्व हुईजो कने तुहां च किसी बी गल्ला री कोई बी कमी नीं रौ।

याकूब 5:16

इस खातर तुहें अप्पूँ चियें इक्की दुज्जे रे सामणे अपणे-अपणे पापां जो मन्नी लौआ, कने इक्की दूये रे खातर प्राथना करा, ताकि तुहें भले चंगे हुई जाओ : धर्मी माहणुये रिया प्राथना रे असरा ने बड़ा किछ हुई सक्कां।

2 पतरस 1:1

हऊँ शमौन पतरस, यीशु मसीह रा सेबक कने प्रेरित आ। हऊँ ये चिट्ठी तुहां सब्बीं जो लिखया राँ तिन्हें जे अहांरे परमेशर कने छुटकारा करने औल़े यीशु मसीह रिया धार्मिकता रे जरिये अहां साई बौहत कीमती विश्वास पाईरा।

यहूदा 1:24

परमेशर तुहांजो रुढ़णे ते बचाणे च सक्षम आ, सै तुहांजो निर्दोष कने आनन्द दायक बनाणे च सक्षम आ, ताहली जे सै तुहांजो अपणिया महिमा च तिसरे सामणे खड़ा हुणे खातर ल्यौआं। तिने अहांरे प्रभु यीशु मसीह रे जरिये अहांरा छुटकारा कित्तिरा। महिमा, गौरव, प्राक्रम कने अधिकार वगता रे शुरु ते तिसरा इ हाया कने हुण बी तिसरा इ हाया कने जुगां-जुगां तक तिसरा इ रैहणा। आमीन।