कुलुस्सियां 3:8 - बिलासपुरी नौआं नियम

⁸ पर हुण तुहें इन्हां सारियां गल्लां यनि गुस्सा, झुंझलाहट, बैर-बरोध, निंध्या-चुगली कने मुँआं ते गाल़ी देणा छडी दे।

कुलुस्सियां 3:8 ပူးပေါင်းရင်းမြစ်များ

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

मरकुस 7:22

लोभ, दुष्टता, छल, लुचपन, बुरी नज़र, निंध्या, घमण्ड, कने मूर्खता निकलां इ।

रोमियो 13:13

इस खातर औआ अहें तिन्हां लोकां साई ठीक ढंगा ने व्यवहार करना शुरु करिये सै जे जोतिया च रैं कने अन्धकारा च नीं। कने तुहांजो हरेक किस्मा री नशाखोरी कने दुराचारा च शामिल नीं हूणा चाहिन्दा; कने तुहांजो इक्की दूये ने लड़ाई कने हिरख नीं करना चाहिन्दा।

1 कुरिन्थियों 3:3

काँह्भई तुहें हुण बी अपणे पापी स्वभावा रे मुतावक जींआं ये। हऊँ ये जाणाँ काँह्भई तुहां चते बौहत सारे हिरखल़े कने इक दूये ने लड़ां-झगड़ां ये, तां क्या ये साबित नीं करदा भई तुहें अपणे पापी स्वभावा रे मुतावक जी राँये? कने क्या तुहें इस संसारे रे लोकां साई नीं जीआ राँये?

2 कुरिन्थियों 12:20

काँह्भई मिन्जो डर आ भई ताहली जे हऊँ तुहांले आऊं, तां किति तुहांजो तेढ़ा नीं पाऊँ, तेढ़ा जे पाणा चाँह था, कने तुहें बी मिन्जो तेढ़ा इ पावा तेढ़ा जे पाणा चाँये। मिन्जो डर आ भई तुहांरे बिच मिन्जो किति लड़ाईया, जल़ण, गुस्सा, विरोध, हिरख, चुगली, घमण्ड कने बखेड़े नीं मिलो।

गलातियां 5:15

पर जे तुहें इक्की दूये जो जानबराँ साई दन्दा ने बड्डीने खान्दे रैहन्गे तां सावधान रौआ भई, तुहें अप्पूँ बाटियें इक्की दूये जोई नीं खत्म करी दो।

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

गलातियां 5:26

अहें घमण्डी नीं हो, अहांरा इक्की दूये ने चिड़-चिड़ा स्वाभाव नीं हो, कने नांई अहें अप्पूँ चियें नफरत करो।

इफिसियां 4:22

तुहांरे गुरुये तुहौं तुहांरे पुराणे स्वभावा जो छडणे खातर सखाया, तुहांरी बुरी भलाखें तुहांजो भटकाया कने तुहांरी जिन्दगी बरबाद करीती।

इफिसियां 4:25

इस खातर तुहें झूट्ठ बोलणा छड्डिने, हरेक अपणे पड़ोसिये ने सच्च बोल्लो, काँह्भई अहें सारे इक्की शरीरा रे अंग ये।

इफिसियां 4:26

तुहें गुस्सा त कराँ, पर गुस्से च आईने पाप नीं करना, दिन घरने ते पैहले तुहांरा गुस्सा खत्म हुईजो।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

इफिसियां 5:4

तुहां च नांत गन्दियां गल्लां रा इस्तेमान हूणा चाहिन्दा, नांईं मूर्खां औल़ा खप्प खान्ना या फालतू हसी-मजाक नीं हूणा चाहिन्दा; ये गल्लां तुहांजो शोभा नीं देन्दियां, बल्कि तुहांरे बिच धन्यवाद इ सुणया जाओ।

कुलुस्सियां 3:5

इस खातर सै किछ जे तुहां च संसारिक आ, तिसजो खत्म करी देआ, यनिके व्यभिचार, अपवित्रता, वासनां, बुरी इच्छां कने लालच सै जे मूर्तियां री पूजा करने रे बराबर आ,

कुलुस्सियां 3:9

अप्पूँ चियें झूट्ठ मता बोलदे काँह्भई तुहें अपणे पुराणे स्वाभावा जो छड्डी चुक्कीरे।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

1 तिमुथियुस 1:20

मैं तिन्हां चते हुमिनयुस कने सिकन्दर जो कलीसिया ते बाहर करित्या कने तिन्हांजो शैतान्ना जो सौपीत्या ताकि सै परमेशरा री निंध्या करना नीं सिखो।

इब्रानियों 12:1

इस वजह ते ताहली जे बौहत लोकां रे विश्वासा रियां गवाहीयें अहांजो इतणे बड्डे बद्दल़ा साई घेरीरा ओ, तां औआ, हरेक रोकणे औल़ियां चिज़ां कने उलझाणे औल़यां पापां जो दूर करीने, तिसा दौड़ा च जे अहां दौड़णा तिसाजो धैर्य ने दौड़िये।

याकूब 2:7

क्या ये सैई लोक नींये, सै जे मसीह रे तिस उत्तम नौआं री निंध्या कराँ ये, सै जे तुहांजो दित्तिरा?

1 पतरस 2:1

इस खातर हरेक बुराईया ते दूर रौआ। दुज्यां जो धोखा मत देआ कने कपटी मत बणा, जल़ण करने औल़े मत बणा कने किसी री बेईज्जति मत करा,

2 पतरस 2:18

ये तिन्हांजो सै जे भटकीरेयां लोकां चाते बचीने निकल़णे री शुरुआत इ करीराँ थे, अपणी बेकारा री घमण्डी गल्लां ते तिन्हां लोकां जो शारीरिक इच्छां च फसाई लें।

2 पतरस 2:7

कने तिने भले माहणु लूता जो बचाईल्या, सै जे बुरयां लोकां रे चाल-चलना ते बौहत दुखी था।

यहूदा 1:13

तियां जे समुद्रा रियां तेज लैहराँ गन्दा झाग निकाल़ां इयां तियां इ ये लोक बेशर्मिया रा काम्म कराँ ये। ये लोक किछ तारयां साई ये सै जे अम्बरा च भटकदे रैं, तिन्हांरे खातर जे परमेशरे सदा काल रा घोर अन्धकार रक्खीरा।

यहूदा 1:8

तियां इ परमेशरा रा हुक्म नीं मनणे औल़े ये लोक ये बोलीने पाप कराँ ये भई तिन्हें दर्शण देखीरा। सै अपणे शरीरा जो अशुद्ध कराँ ये, प्रभुये रे अधिकारा रा इन्कार कराँ ये कने स्वर्गा रे प्राणियां री बुराई कराँ ये।

प्रकाशितवाक्य 16:9

माहणु भयंकर गर्मिया ते झुलसिगे, कने तिन्हें परमेशर रे नौआं री निंध्या कित्ती, तिसजो जे इन्हां विपत्तियां पर अधिकार आ; कने तिन्हें मन फिराणे कने तिसरी महिमा करने ते इन्कार कित्या।