कुलुस्सियां 3:16 - बिलासपुरी नौआं नियम

¹⁶ मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

कुलुस्सियां 3:16 ပူးပေါင်းရင်းမြစ်များ

मत्ती 26:30

फेरी सै फसह रा भजन गाई ने जैतून पहाड़ा पर चलिये।

लूका 2:51

फेरी सै तिन्हां सौगी नासरत जो वापस आईग्या, कने तिन्हारा हुक्म मनदा रैया; कने तिसरी माते ये सारी गल्लां अपणे मना च रखी।

यूहन्ना 15:7

जे तुहें मेरेने जुड़ीरे रौ कने मेरे उपदेशा रे मुतावक चलदे रौ, तां जो किछ तुहें चाँह यें मंगा, सै तुहांजो मिली जाणा।

रोमियो 10:17

इस खातर ताहली जे तुहें सन्देश सुणां ये, तां विश्वास औआं, कने सन्देश यीशु मसीह रा बचन आ।

रोमियो 15:14

मेरे साथी विश्वासियो, मिन्जो खुद तुहांरे ऊपर भरोसा भई तुहें भलाईयां कने परमेशरा रे ज्ञाना च पूरे भरीरे, कने इक्की दूये जो सखाई सक्कां ये।

1 कुरिन्थियों 14:15

इस खातर, हऊँ क्या करगा? हऊँ आत्मा ते बी प्राथना करगा, कने बुद्धिया ने बी प्राथना करगा; माह आत्मा ते बी गाणा, कने बुद्धिया ने बी गाणा।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

इफिसियां 1:17

हऊँ प्राथना कराँ भई अहांरे प्रभु यीशु मसीह रा परमेशर सै जे महिमा रा पिता, तुहांजो ज्ञान कने प्रकाशा रा आत्मा देओ तिसते जे तुहें परमेशरा जो अच्छे तरिके ने जाणी सक्को।

इफिसियां 5:17

इस खातर मूर्ख मत बणा, पर ये जाणा भई प्रभुरी क्या इच्छा इ।

इफिसियां 5:19

कने अप्पूँ बाटियें भजन कने स्तुति रे गीत कने आत्मिक गीत गाया करा, कने अपणे-अपणे मना च प्रभुरे सामणे गान्दे कने कीर्तण करदे रौआ।

इफिसियां 5:26

ताकि सै तिसाजो वचना रे जरिये पाणिये ने नैहलाईने शुद्ध करो कने पवित्र बणाओ,

कुलुस्सियां 1:28

तिसरा प्रचार करीने अहें हर इक माहणुये जो मसीह जो ग्रहण करने रे बारे सावधान कराँ ये कने सारे ज्ञाना ते हरेक माहणुये जो सखां ये, भई अहें हरेक माहणुये जो मसीह च सिद्ध करीने परमेशरा रे सामणे हाजर करिये।

कुलुस्सियां 1:9

इस खातर जिस दिना ते अहें तुहांरे बारे च ये सुणया, अहें तुहांरे खातर लगातार प्राथना कराँ ये कने परमेशरा ने ये विनती कराँ ये भई परमेशरा रा आत्मा तुहांजो ज्ञान कने समझ देओ ताकि तुहें तिसरिया इच्छा जो पूरे तरिके ने समझी सक्को।

कुलुस्सियां 4:6

तुहांरी बोल्ली सदा मिठी रौ कने तिसते जे समझदारिया री पछयाण लगो कने तुहें जाणी सक्को भई किसी माहणुये जो कियां जबाब देणा चाहिन्दा।

1 थिस्सलुनीकियां 1:8

काँह्भई तुहांरे येत्थीते न सिर्फ मकिदुनिया कने अखाया प्रदेशा च प्रभुरा वचन सुणाया गया, पर तुहांरे विश्वासा री, सै जे परमेशरा पर आ, हर जगह येढ़ि चर्चा फैलीगी इस खातर, अहांजो तुहांरे बारे च किसी जो किछ बी गलाणे री जरूरत नीं।

1 थिस्सलुनीकियां 4:18

इयां इ इन्हां गल्लां ते इक्की दूये जो हौंसला देआ करा।

2 थिस्सलुनीकियां 3:15

तां बी तुहें तिस्सो दुश्मण नीं समझा, पर विश्वासी जाणीने खबरदार करा।

1 तिमुथियुस 6:17

इस संसारा रे अमीर लोकां जो हुक्म देओ भई सै घमण्डी नीं हो कने सै धना पर आशा नीं रखो सै जे किछ वगता रे खातर आ, पर सै परमेशरा पर आशा रखो सै जे अहांरे सुखा खातर सब किछ ईमानदारिया ने अहांजो देआं।

2 तिमुथियुस 3:15

कने तू बचपना तेई पवित्रशास्त्रा जो जाणाँ, सै जे मसीह यीशुये पर विश्वास करने कने छुटकारा पाणे खातर तिज्जो बुद्धि देई सक्कां।

तीतुस 3:6

परमेशरे मुख्ता च अहांजो अहांरा छुटकारा करने औल़े यीशु मसीह रे जरिये पवित्र आत्मा दित्या,

याकूब 1:5

पर जे तुहां चते किसी च बुद्धिया री कमी हो, तां सै परमेशरा ते प्राथना करो, तिस्सो सै मिलणी; काँह्भई सै सारयां जो खुशी-खुशी पूरे दिला ते देआं।

याकूब 3:17

पर सै ज्ञान जे परमेशरा रिया तरफा ते औंआं सै पवित्र, मिलणसार, कोमल, दुज्जेयां रे अधीन रैहणे औल़ा। ये दया कने खरयां कम्मां ने भरीरा, इसच कदीं पक्षपात नींआ, कने हमेशा ईमानदार होता है।

याकूब 5:13

जे तुहां चते कोई दुखी हो, तां तिस्सो प्राथना करनी चाहिन्दी कने जे कोई खुश आ, तां तिस्सो स्तुति रे भजन गाणे चाहिन्दे।

1 यूहन्ना 2:14

परिपक्व विश्वासियो, मैं तुहांजो इस खातर लिखिरा, भई सै जे शुरु तेई हाया तिस्सो तुहें जाणी चुक्कीरे। नौजवानो, मैं तुहांजो इस खातर लिखिरा, भई तुहें ताकतवर ये, कने परमेशरा रा वचन तुहां च बास कराँ, कने तुहें तिस शैतान्ना जो हराई तरा।

1 यूहन्ना 2:24

जो किछ जे अहें यीशुये रे बारे च तुहांजो सखाईरा तिस पर भरोसा बणाईने रखा। सै जे तुहें शुरु ते सुणीरा, तिस पर तुहें विश्वास बणाईने रखा, तां तुहां बी पुत्रा च, कने पिता परमेशरा च बणी रयां रैहणा।

1 यूहन्ना 2:27

पर तुहांरे खातर यीशु मसीह पवित्र आत्मा दित्तिरा कने सै पवित्र आत्मा तुहां चा; इस खातर सच्चाईया रे बारे च कोई होर माहणु तुहांजो सखाओ इसरी जरूरत नीं। बरन पवित्र आत्मा सारी सच्चाईया रे बारे जाणने च तुहांरी मदद करो। जो किछ पवित्र आत्मा तुहांजो सखां सै विल्कुल सच्च आ, तिसच कोई झूट्ठ निआं। इसी खातर तियां जे पवित्र आत्मा तुहांजो बोलीरा, तियां इ तुहें मसीह च बणीरे रौआ।

2 यूहन्ना 1:2

अहें तुहांजो प्यार कराँ काँह्भई सच्ची शिक्षा अहांरे दिला च वास कराँ इ कने हमेशा रे खातर अहांने रैहणी;

प्रकाशितवाक्य 14:3

कने सै संघासणा रे सामणे कने चऊँ जिऊंदे प्राणियां कने प्राचीनां रे सामणे मन्नो इक नया गीत गाया राँ थे, कने सै जे धरतिया ते कीमत देईने छडवाईरे थे, तिन्हां इक लाख चौताली हज़ार लोकां जो छड्डिने कोई तिस गीता जो सिक्खी नीं सकदा था।

प्रकाशितवाक्य 15:3

कने सै परमेशर रे दास मूसा रा गीत, कने मेमने रा गीत गां थे, “हे सर्वशक्तिमान प्रभु परमेशर, तेरे काम्म महान कने अदभुत ये; हे युग-युग रे राजा, तेरी चाल ठीक कने सच्ची।”

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”

प्रकाशितवाक्य 5:9

कने सै ये नया गीत गाणे लगे भई, “तू इसा कताबा जो लेणे, कने इस रियां सीलां खोलणे लायक आ; काँह्भई तैं बध हुईने अपणे खून्ना ने हरेक कुल़, भाषा, लोक कने जातियां चते परमेशरा खातर लोकां जो खरीदी लरा,