कुलुस्सियां 3:10 - बिलासपुरी नौआं नियम

¹⁰ कने तुहें नया माहणु बणी चुक्कीरे। तुहें अपणे रचणे औल़े साई जादा ते जादा बणी राँये कने तुहें तिस्सो अच्छे तरिके ने समझगे।

कुलुस्सियां 3:10 ပူးပေါင်းရင်းမြစ်များ

यूहन्ना 17:3

कने अनन्त जीवन येआ, भई लोक तिस इकलौते सच्चे परमेशरा जो पैहचाणो, कने सै मिन्जो यनि यीशु मसीह जो बी पैहचाणो, तिस्सो जे तिने भेज्जीरा।

रोमियो 12:2

हुण होर अग्गे इस संसारा रिया रीता पर मता चलदे; पर परमेशर तुहांरे मना जो बदलने रे जरिये तुहांजो नया दिल देओ। ताकि तुहें परमेशरा रियां इच्छां जो जाणी सकगे, यानि सै जे भली, सै जे तिस्सो खुश कराँ इ कने सै जे उत्तम इ।

रोमियो 13:12

ये येढ़ा भई रात तकरीवन खत्म हुई चुक्कीरी, कने दिन सिरने जोआ; इस खातर अन्धकारा ने जुड़ीरे सारयां कम्मां जो करना बन्द करा कने जोतिया च रैहणे खातर त्यार हुई जावा।

रोमियो 13:14

बल्कि प्रभु यीशु मसीह साई जीओ, कने जिस्मा री इच्छां जो पूरा करने री कोशिश नीं करा।

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

2 कुरिन्थियों 3:18

पर ताहली जे अहें सब अपणे खुल्हे चेहरे ने प्रभुये री महिमा रा ध्यान कराँ ये, तां परमेशर अहौं हौल़यां-हौल़यां अपणे स्वरूपा च बधदी हुई महिमा सौगी बदल़ां, ये महिमा प्रभु तेई मिलां इ, सै जे पवित्र आत्मा।

2 कुरिन्थियों 4:16

इस खातर अहें निराश नीं हुन्दे: अहांरे बाहरी शरीर कमजोर हुन्दे जाई कराँ ये, तां बी अहांरी अंतरात्मा हर रोज नौंईं त नौंईं हुन्दी जाई कराँ इ।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

2 कुरिन्थियों 5:17

इस खातर जे कोई मसीह पर विश्वास कराँ, तां हुण सै नया माहणु आ; पुराणा जीवन गुजरिग्या; कने नया जीवन शुरु हुईग्या।

गलातियां 3:27

काँह्भई तुहें सारे तिन्हें जे मसीह रा बपतिस्मा लेई लरा, मसीह रे चरित्रा जो धारण करी लरा।

गलातियां 6:15

काँह्भई नांत खतने रा कोई महत्व हाया कने नां बगैर खतने रा, जे महत्व हाया तां सै नौंईयां सृष्टिया रा।

इफिसियां 2:10

काँह्भई परमेशर अहांरा बनाणे औल़ा, तिने मसीह यीशु च अहांरी सृष्टि इस खातर कित्ती भई अहें भले काम्म करो, तिन्हांजो जे परमेशरे पैहले ते अहांरे खातर त्यार कित्तिरा।

इफिसियां 2:15

व्यवस्था रे बौहत नियम थे, पर मसीहे अपणिया मौती रे जरिये सारे यहूदी नियमां जो मटाया, तिसते जे यहूदी कने अन्यजातियां जो मसीह अप्पूँ सौगी मेल कराईने इक नया समूह बणाए। इस तरिके ने तिने तिन्हांरे बिच मेल-मलाप कित्या।

कुलुस्सियां 3:12

काँह्भई तुहें परमेशरा रे चुणीरे पवित्र कने प्यारे लोक ये इस खातर सहानुभूति रखणे औल़े, दया करने औल़े, नरम दिल, तसल्ली रखणे औल़े कने नम्र बणा।

कुलुस्सियां 3:14

इन्हां गल्लां ते बधीने प्यार इ सब्बीं ते खास आ, सै जे सब्बीं जो पूरे तरिके ने जोड़ां।

फिलेमोन 1:6

हऊँ प्राथना कराँ भई तेरी सारी खरियां गल्लां जो जाणने रिया वजह ने सै जे परमेशरे अहांजो दित्ति रियां तेरी संगती बधी सक्को सै जे विश्वासियां ने सौगी। ये मसीह रिया महिमा खातर हुई सक्को।

इब्रानियों 6:6

कने जे हुण तिन्हें अपणा विश्वास छड्डीतरा! इस खातर तिन्हौं मन फिराव री तरफ ल्यौणा मुश्किल आ, काँह्भई सै खुद परमेशरा रे पुत्रा जो भीं ते क्रूसा पर चढ़ाई राँये कने लोकां रे सामणे तिसरी बेज्जति करी राँये।

1 यूहन्ना 2:3

जे अहें परमेशरा रे हुक्मा रा पालन करगे, येई सै रस्ता तिसते जे अहांजो निश्चा भई अहांरा तिसने अच्छा सम्बन्ध आ।

1 यूहन्ना 2:5

पर जे कोई परमेशरा रे वचना रा पालन करो, तां तिसच परमेशरा रा प्यार साबित हुईरा, अहांजो इसते पता चलां, भई अहें तिस सौगी संगती रक्खां ये।

प्रकाशितवाक्य 21:5

सै जे संघासणा पर बैट्ठया था, तिने बोल्या, “हऊँ सब किछ नया करी देआं।” फेरी तिने बोल्या, “लिखी लै, काँह्भई ये वचन विश्वास करने लायक कने सच्चा।”