कुलुस्सियां 3:1 - बिलासपुरी नौआं नियम

¹ काँह्भई परमेशरे तुहांजो मसीह ने सौगी मूईरयां चा ते जिऊंदा करीने खड़ा कित्या, तां तिन्हां चिज़ां रे खातर कोशिश करदे रौआ, सै जे स्वर्गा च मौजूद इयां तित्थी जे मसीह परमेशरा रे सज्जे पास्से बैठिरा।

कुलुस्सियां 3:1 ပူးပေါင်းရင်းမြစ်များ

मत्ती 22:44

‘प्रभुये मेरे प्रभुये ने गलाया, मेरे सज्जे पासे बैठीने राज कर, तदुआं तक जे हऊँ तेरे सारयां दुश्मणां जो नीं हराई दूँ।’

मत्ती 26:64

यीशुये जबाब दित्या, “तैं अप्पूँ इ बोल्या; पर हऊँ तुहांजो बोलां भई तुहां माहणुये रा पुत्र सर्वशक्तिमान परमेशरा रे सज्जे पासे बैठिरा कने अम्बरा रे बद्दल़ां पर बड़े छोड़ औन्दे देखणा।”

मत्ती 6:20

जे तुहें खरे काम्म करगे तां सै स्वर्गा च धन कट्ठा करने साई हूणा, तित्थी नांत कीड़ा, कने न जंग खराब करी पान्दे, कने तित्थी चोर न सेंध लगान्दे कने न चोरी पान्दे।

मत्ती 6:33

इस खातर तुहें परमेशरा रे राज्जा कने सच्चाईया ने जीणे जो तियां जे परमेशर चाँह सब्बीं ते पैहला दर्जा देआ, तां ये सारी चिज़ां तुहांजो मिली जाणियां।

मरकुस 12:36

राजा दाऊदे अप्पूँ इ पवित्र आत्मा च हुईने मसीह रे बारे च बोल्या : “ ‘परमेशरे मेरे प्रभुये ने गलाया, “मेरे सज्ज़े पासे बैठ, तदुआं तकौ जे भई हऊँ तेरे सारयां दुश्मणां जो, तेरे बशा च नीं करी दूँ।” ’

मरकुस 14:62

यीशुये गलाया, “हऊँ हया : कने तुहां माहणुये रे पुत्रा यनि मिन्जो सर्वशक्तिमाना रे सज्जे पासे बैठिरा, कने अम्बरा ते बद्दल़ां पर उतरदा हुया बी देखणा।”

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

लूका 20:42

काँह्भई राजा दाऊद खुद भजन संहिता रिया कताबा च बोल्लां : भई परमेशरे मेरे प्रभुये जो गलाया,

लूका 22:69

पर सै बगत जल्द आईराँ, ताहली जे माहणुये रे पुत्रा, सर्वशक्तिमान परमेशरा रे सज्जे पासे बैठणा।

प्रेरितां 2:34

काँह्भई दाऊद त स्वर्गा परा हनी चढ़या; पर सै अप्पूँ बोलां, “ ‘परमेशरे मेरे प्रभुये ने गलाया, मेरे सज्जे पासे बैठ,

प्रेरितां 7:55

पर तिने पवित्र आत्मा ते भरी ने स्वर्गा खौ देख्या कने परमेशरा रे चमकदे तेज्जा जो कने यीशुये जो खबिया खौ खढ़िरे देख्या,

रोमियो 8:34

कोई बी अहांरी निन्दा नीं करी सकदा, काँह्भई ये यीशु मसीह आ सै जे अहांरे खातर मरया कने मूईरयां चते जिऊंदा हुया, हुण परमेशरा रे सज्जे पासे आ कने सै जे अहांरे खातर विनती बी कराँ।

रोमियो 8:6

जे अहांरा मन अहांरे पापी स्वभावा रे जरिये चलां तां अहां मरना, पर जे अहांरा मन आत्मा रे जरिये चलां तां अहांले जीवन कने शान्ति हूणी।

2 कुरिन्थियों 4:18

सै जे किछ देख्या जाई सक्कां अहां रियां आक्खीं तिस पर नीं टिकि रियां, बल्कि अणदेखी चिज़ां पर टिकिरी; काँह्भई देक्खी रियां चिज़ां थोड़े इ दिनां रियां, पर अणदेखी चिज़ां सदा बणीरी रैईंयां।

इफिसियां 4:10

सै जे हेठ उतरी रा था, ये सैई हाया, सै जे ऊपर बी चढ़ीरा था इतणे ऊपर भई स्वर्गा च सब्बींते ऊच्चिया पदबिया पर, ताकि सै सारिया सृष्टिया जो अपणिया मौजूदगिया ने भरी दो।

इफिसियां 5:22

अरे पत्नियो, अपणे-अपणे पतियां रे प्रति इयां समर्पित रौआ, तियां जे तुहें प्रभुये जो समर्पित हुआं इयां।

कुलुस्सियां 2:20

काँह्भई तुहें मसीह सौगी मरी चुक्कीरे कने तुहांजो संसारिक आदी शिक्षां ते छुटकारा मिली चुक्कीरा, तां फेरी काँह तुहें संसारा रे नियमां रा लगातार पालन करी राँये? तियां जे भई

कुलुस्सियां 3:2

स्वर्गा रियां चिज़ां रे बारे च लगातार सोचदे रौआ, पर धरतिया री चिज़ां रे बारे च मता सोचदे,

इब्रानियों 1:13

कने परमेशरे कदीं किसी स्वर्गदूता जो ये नीं बोल्या, “तू मेरे सज्जे पास्से आदर कने अधिकारा रिया जगह बैठ, तदुआं तकौ जे हऊँ तेरे बैरियां जो पूरी तरह तेरे बशा च नीं करी दूँ।”

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

इब्रानियों 10:12

पर मसीहे अप्पूँजो पापां रे खातर बलिदान्ना रे रुपा च इक्को इ बार हमेशा खातर चढ़ाया, कने परमेशरा रे सज्जे पासे आदरा रिया जगह जाई बैट्ठया।

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।

इब्रानियों 8:1

हुण सै जे गल्लां अहें गलाया रायें तिन्हां चते सब्बीं ते बड्डी गल्ल येई, भई अहांले येढ़ा महायाजक आ, सै जे स्वर्गा च परमेशरा रे महामहिमन संघासणा रे सज्जे पासे बैठिरा,

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।