कुलुस्सियां 2:8 - बिलासपुरी नौआं नियम

⁸ ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

कुलुस्सियां 2:8 ပူးပေါင်းရင်းမြစ်များ

मत्ती 10:17

पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।

मत्ती 16:6

यीशुये तिन्हाने गलाया, “देक्खा, फरीसियां कने सदूकियां रे मलेड़े ते कने तिन्हांरे अविश्वासा कने झुट्ठिया शिक्षा ते बचीने रौआ।”

मत्ती 7:15

“झूट्ठे भविष्यवक्तयां ते बचीने रौआ! सै तुहांले आमतौर पर भेड्डां रे रुपा च औआं यें, पर हकीकत च सै खूँखार भेड़िये सै जे लोकां पर हमला करां ये।

प्रेरितां 17:18

फेरी इपिकूरी कने स्तोईकी दार्शनिकां चते किछ तिसने तर्क करने लगे, कने कईयें गलाया, “ये बकवादी क्या बोलणा चाँह?” पर दुज्जेयां गलाया, “ये होरसी रा प्रचारक लगया राँ” काँह्भई सै यीशुये रा कने भीं ते जिऊंदा हुणे री खुशखबरी सुणावां था।

प्रेरितां 17:32

मूईरयां चते जिऊंदा हुणे री गल्ल सुणीने किछ लोक मजाक उड़ाणे लगे, कने कईयें गलाया, “ये गल्ल अहें तेरते फेरी कदीं सुणगे।”

रोमियो 16:17

हुण मेरे साथी विश्वासियो, हऊँ तुहांते विनती कराँ, भई तुहें सै जे शिक्षा लेई, तिसरे उलट तुहां च सै जे पंघोल़ पां कने दुज्जेयां रे विश्वासा जो बगाड़ां ये, तिन्हांते खबरदार हुई जावा कने तिन्हांते दूर रौआ।

1 कुरिन्थियों 10:12

इस खातर सै जे समझां भई, “हऊँ विश्वासा च मजबूत आ,” सै चौकन्ने रौ भई किति पापा च नीं पई जाओ।

1 कुरिन्थियों 8:9

पर सावधान रौआ! येढ़ा नीं हो भई तुहांरी ये अजादी किति कमजोराँ खातर पापां री वजह नीं बणी जाओ।

2 कुरिन्थियों 10:5

कने इस खातर अहें लोकां रियां गल्लां रा कने तिस हरेक बिरोधा रा, सै जे परमेशरा रे ज्ञाना रे बिरोधा च खढ़िरा खण्डन कराँ ये; कने हर इक भावना जो कैद करीने मसीह रा आज्ञाकारी बणाई दें।

गलातियां 1:14

हऊँ यहूदी धर्मा च अपणी जाति औल़यां ते सै जे मेरिया उम्रा रे थे, जादा बधदा गया कने मेरे पूर्वजां ते सै जे रिवाज मिन्जो मिले, तिन्हां च मेरी बौहत आस्था थी।

गलातियां 4:3

तियां इ अहें बी, ताहली जे बच्चयां साई थे, तां दास्सां साई संसारा रे बेकार नियमां रा पालन कराँ थे।

गलातियां 4:9

पर हुण परमेशरा सौगी तुहांरा रिश्ता, कने मिन्जो बोलणा चाहिन्दा भई परमेशरे तुहां सौगी रिश्ता बनाणे च पैहल कित्ती, तां तुहें तिन्हां कमजोर कने नकम्मी परम्परा खा जो कजो वापस जाया राँये? क्या तुहें भीं ते तिन्हांरे दास बणने री इच्छा कराँ ये?

गलातियां 5:15

पर जे तुहें इक्की दूये जो जानबराँ साई दन्दा ने बड्डीने खान्दे रैहन्गे तां सावधान रौआ भई, तुहें अप्पूँ बाटियें इक्की दूये जोई नीं खत्म करी दो।

इफिसियां 2:2

तिन्हां च जे पैहले तुहें संसारा रिया रितिया रे मुतावक कने तिसा बुरी आत्मा रा अनुशरण करदे हुये जीआं थे सै जे इसा धरतिया रे उपरा री आत्मिक शक्तियां रा मालक आ। सैई बुरी आत्मा हुण तिन्हां माहणुआं च काम्म करी राईं सै जे परमेशरा रा हुक्म नीं मनदे।

इफिसियां 4:20

पर ये सै नींआ सै जे तुहें मसीह रिया शिक्षा ते सिक्खया।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

फिलिप्पियां 3:2

सै बुरै लोक सै जे कुत्तयां साई ये तिन्हांते सावधान रौआ, काँह्भई सै लोक बुरा काम्म कराँ ये कने मर्दां रा खतना करने पर जोर दें।

कुलुस्सियां 2:18

सै जिस्मा रा सिर आ। तिसते जिस्मा रा सारा हिस्सा पालन-पोषण पाईने इक साथ रैयां ये। तां ये तियां इ बधां तियां जे परमेशर इसजो बधाणा चाँह। कोई माहणु तुहौं खुद अप्पूँजो बेईज्जत करने कने स्वर्गदूतां री पूजा करने जो जोर देईने तुहांजो तुहांरा ईनाम पाणे ते दूर नीं करो। येढ़ा माहणु अपणे देखीरे दर्शणां रा बर्णन करने च लगीरा रैयां कने अपणिया संसारिक सोच्चा रिया वजह ने झूट्ठे घमण्डा च भरीरा रैयां, कने सै मसीह ने जुड़ीरे नींये।

कुलुस्सियां 2:20

काँह्भई तुहें मसीह सौगी मरी चुक्कीरे कने तुहांजो संसारिक आदी शिक्षां ते छुटकारा मिली चुक्कीरा, तां फेरी काँह तुहें संसारा रे नियमां रा लगातार पालन करी राँये? तियां जे भई

कुलुस्सियां 2:22

ये सारे नियम त कम्मां च औन्दे-औन्दे खत्म हुई जाणे, काँह्भई ये माहणुआं रे हुक्मां कने शिक्षां रे मुतावक आ।

कुलुस्सियां 2:23

ये नियम हकीकत च ज्ञाना साई लगां ये, काँह्भई ये लोकां जो परमेशरा ने बौहत प्यार करने रे खातर कने अप्पूँजो नम्र करने, कने अपणे शरीरा जो दुख देणे रे खातर सखां, पर ताहली जे भई लोक इन्हां सारयां नियमां रा पालन कराँ ये फेरी बी अपणियां बुरियां इच्छां जो रोकी नीं सकदे।

1 तिमुथियुस 6:20

अरे तिमुथियुस, तू ये निश्चा कर भई सै जे परमेशरे तिज्जो सौंपीरा तू सैई कराँ। कने तिन्हां लोकां री मत सुणयां सै जे लगातार मूर्ख गल्लां कराँ ये तिन्हांते जे परमेशरा रे खातर आदर नींआ कने बेकार च बैहस कराँ ये कने सै बोलां ये भई ये ज्ञान आ, पर सच्चीजो ये नींआ।

2 तिमुथियुस 3:13

पर बुरे लोक कने बैहकाणे औल़यां होर जादा बुरा काम्म करना, तिन्हां लोकां जो धोखा देणा कने खुद तिन्हां दुज्यां रे जरिये धोखा खाणा।

इब्रानियों 13:9

लग-लग किस्मा रे विचित्र उपदेशां ते नीं भरमाये जाओ, काँह्भई तुहांरे मना रे खातर ये बधिया भई सै परमेशरा रे अनुग्रह रे जरिये मजबूत बणे, नां की खाणे रे बारे च नियमां रा पालन करने रे जरिये। काँह्भई जितने लोक इस नियमा रा पालन कराँ ये सै अपणे खातर किछ बधिया नीं करदे।

इब्रानियों 3:12

साथी विश्वासियो, चौकन्ने रौआ भई तुहां च येढ़ा बुरा कने अविश्वासी मन नीं हो, सै जे तुहांजो जिऊंदा परमेशरा ते दूर करी दो।

1 पतरस 1:18

काँह्भई तुहें जाणाँ ये भई तुहांरा निकम्मा चालचलन सै जे पूर्वजां रे वगता ते चलया आई कराँ तिसते तुहांरा छुटकारा चान्दी, सोने साई या नाशवान चिज़ां ते नीं हुई;

2 पतरस 3:17

मेरे प्यारे मित्रो, काँह्भई तुहें इन्हां गल्लां जो पैहले तेई जाणाँ ये इस खातर सावधान रौआ भई तुहें बुरयां लोकां रियां गल़त शिक्षां च बैहकीने विश्वासा ते नीं भटकी जाओ,

2 यूहन्ना 1:8

इस खातर तुहें चौकस रौआ भई ये लोक तुहांजो भरमाओ नीं, ताकि परमेशरा री सेवा करने खातर तुहांरी मेहणत बेकार नीं हुईजो, पर तुहें इसरा पूरा ईनाम पाई सक्को।