कुलुस्सियां 2:5 - बिलासपुरी नौआं नियम

⁵ हलाँकि हऊँ तुहांते दूर आ, पर तियां जे भई हऊँ तुहांरे सौगी इ हया, काँह्भई हऊँ तुहांरे बारे च सोचदा रैयां, कने हऊँ खुश आ भई तुहांजो तियां जे जीणा चाहिन्दा था तुहें तियां इ जीया कराँ ये कने मसीह च तुहांरा विश्वास मजबूत आ।

कुलुस्सियां 2:5 ပူးပေါင်းရင်းမြစ်များ

प्रेरितां 2:42

कने सै प्रेरितां ते शिक्षा पाणे, कने संगती रखणे, प्रभु भोज, कने प्राथना करने च लगीरे रै।

प्रेरितां 20:21

पर यहूदी कने यूनानी लोकां रे सामणे गवाही देन्दा रैया भई परमेशरा खौ मन फिरावा कने अहांरे प्रभु यीशु मसीह पर विश्वास करना चाहिन्दा।

1 कुरिन्थियों 11:34

जे कोई भूखा हो तां अपणे घरा च खाई लो, ताकि तुहांरा कट्ठा हूणा सजा री वजह नीं बणो। बाकी गल्लां जो हऊँ आईने ठीक करगा।

1 कुरिन्थियों 14:40

पर सारियां गल्लां सै जे कलीसिया च तुहें कराँ ये, सै सारियां ठीक ढंगा ने कने बारी-बारी कित्तियां जाओ।

1 कुरिन्थियों 15:58

इस खातर अरे मेरे प्यारे साथी विश्वासियो, अपणे विश्वासा च मजबूत रौआ कने गल़त शिक्षां ते भरमाये नीं जाओ, कने प्रभुये रे कम्मा च हमेशा बधदे जाओ, काँह्भई तुहें जाणाँ ये भई तुहांरी मेहणत प्रभु च बेकार नीं।

1 कुरिन्थियों 16:13

जागदे रौआं, विश्वासा च बणीरे रौआ, निडर बणा, विश्वासा च मजबूत रौआ।

कुलुस्सियां 2:1

हऊँ चाँह भई तुहें ये जाणी लो भई हऊँ तुहांरे खातर कने तिन्हां सारयां विश्वासियां रे खातर सै जे लौदीकिया नगरा चे कने तिन्हां सब्बीं विश्वासियां खातर सै जे आमतौर पर मांहने कदीं नीं मिले, हऊँ तुहांरी मदद करने रे खातर जो किछ करी सक्कां सै सब किछ करी रां,

1 थिस्सलुनीकियां 2:17

हे भाईयो, तित्थी तक जे अहांरी गल्ल इ, अहें थोड़े बगता खातर तुहांते बिछड़ी गरे थे, विचाराँ ते नीं, सिर्फ शरीरा ते, इस खातर अहें तुहांजो मिलणे जो बड़े काहल़े हुईगरे अहांरी लालसा बधी गरी।

1 थिस्सलुनीकियां 3:8

हाँ, हुण अहें भीं साह लेईराँ ये काँह्भई अहें जाणीगे भई प्रभु च तुहें अटल खढ़िरे, ये अहांरे खातर नये जीवना साई आ।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

इब्रानियों 6:19

अहांरी आशा मजबूत इ कने ये हिल्ली नीं सकदी कने ये अहांजो परमेशरा ते भटकणे नीं देन्दी, वल्कि ये अहांजो परमेशरा रे मन्दरा रिया पवित्र जगह तक लेई जांई,

1 पतरस 5:9

अपणे विश्वासा पर मजबूत रैईने तिसरा मुकाबला करा कने ये जाणी लो भई तुहांरे साथी विश्वासी सै जे इस संसारा चे, इस इ तरिके री पीड़ा सैई रायें।