कुलुस्सियां 2:4 - बिलासपुरी नौआं नियम

⁴ येढ़ा हऊँ इस खातर बोलीराँ भई कोई तुहांजो अपणी मिठी-मिठी गल्लां ने धोखा नीं देई दो।

कुलुस्सियां 2:4 ပူးပေါင်းရင်းမြစ်များ

मत्ती 24:24

“काँह्भई झूट्ठे मसीह कने झूट्ठे भविष्यवक्ते उट्ठीने आई जाणे, कने बड़े हैरान करने औल़े नशाण दसणे, कने अजीब काम्म करने, भई जे हुई सक्को तां चुणी रयां जो बी चकमा देई दो।

मत्ती 24:4

यीशुये तिन्हांजो जबाब दित्या, “हऊँ सिर्फ तुहांजो येई बोलणा चाँह भई हुणे औल़ियां घटनां रे बारे च तुहांजो कोई धोखे च नीं रक्खो,

मरकुस 13:22

काँह्भई झूट्ठे मसीह झूट्ठे भविष्यवक्ता औणे, कने नशाण कने हैरानिया रे काम्म दस्से जाणे भई जे हुई सक्को, तां परमेशरा रे चुणी रयां जो बी भरमाई दो।

प्रेरितां 20:30

तुहां बिच्चा ते बी येढ़े-येढ़े माहणु औणे, तिन्हांजे चेलयां जो अप्पूँ खौ खिंजणे खातर गल़त फल़त गल्लां करनियां।

1 कुरिन्थियों 2:4

मेरी शिक्षा, कने मेरे प्रचारा च माहणुये रे ज्ञाना री चलाकिया रियां गल्लां नीं थिआं, पर पवित्र आत्मे तुहां पर सामर्थी तरिके ने दस्या,

2 कुरिन्थियों 11:3

पर हऊँ डराँ भई तियां जे शैताने सर्पा रे रुपा च अपणिया चतुराईया ने हव्वा जो बैहकाया था, तियां इ किति तुहांरे मना जो मसीह रे प्रति तुहांरिया ईमानदारिया कने पवित्रता जो दूर नीं करी दो।

गलातियां 2:4

पर ये तिन्हां झूठयां भाईयां रिया वजह ने समस्या हुई, सै जे अहांरे बिच चोराँ साई आईने घुसीगरे थे, भई तिसा अजादिया रा सै जे यीशु मसीह च अहांजो मिलीरी, तिसारा भेत पाईने अहांजो फेरी भीं यहूदी व्यवस्था रा दास बणाई सक्को।

इफिसियां 4:14

तां हुण ते अहौं बच्चे साई नीं रैहणा चाहिन्दा। अहें तिसा किश्तिया साई नींये सै जे समुद्रा रियां लहराँ सौगी इतखा-उतखा भटकीने रस्ता बदलदी रैईं। इसरा मतलब येआ भई चलाक कने छली लोक अहांजो अपणिया झुट्ठिया शिक्षां ते बैहकाई नीं सक्को।

इफिसियां 4:17

इस खातर मिन्जो प्रभुये रे दित्ते गये अधिकारा ने हऊँ ये बोलां भई तुहें अविश्वासियां साई जिन्दगी नीं जीआ तिन्हांरी सोच जे बेकार इ।

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

कुलुस्सियां 2:18

सै जिस्मा रा सिर आ। तिसते जिस्मा रा सारा हिस्सा पालन-पोषण पाईने इक साथ रैयां ये। तां ये तियां इ बधां तियां जे परमेशर इसजो बधाणा चाँह। कोई माहणु तुहौं खुद अप्पूँजो बेईज्जत करने कने स्वर्गदूतां री पूजा करने जो जोर देईने तुहांजो तुहांरा ईनाम पाणे ते दूर नीं करो। येढ़ा माहणु अपणे देखीरे दर्शणां रा बर्णन करने च लगीरा रैयां कने अपणिया संसारिक सोच्चा रिया वजह ने झूट्ठे घमण्डा च भरीरा रैयां, कने सै मसीह ने जुड़ीरे नींये।

कुलुस्सियां 2:8

ध्यान रखा, भई कोई तुहांजो अपणे तिस संसारिक ज्ञाना च कने बेमतलब गल्लां च नीं फसाओ सै जे माहणुआं रियां बणाईरी रीतियाँ ते कने संसारा रिया आदी शिक्षा रे मुतावक त हाया, पर मसीह रे मुतावक निआं।

2 तिमुथियुस 2:16

पर बेकार कने मूर्ख गल्लां ते दूर रै, काँह्भई ये गल्लां सिर्फ लोकां जो परमेशरा ते दूर लेई जांईयां।

2 तिमुथियुस 3:13

पर बुरे लोक कने बैहकाणे औल़यां होर जादा बुरा काम्म करना, तिन्हां लोकां जो धोखा देणा कने खुद तिन्हां दुज्यां रे जरिये धोखा खाणा।

1 यूहन्ना 2:18

मेरे प्यारे बच्चो, संसारा रा अन्त समय आई पुज्जीरा, कने तियां जे तुहें सुणया, भई मसीह रा बैरी औणे औल़ा, तिसरे मुतावक हुण बी मते सारे लोक ये सै जे मसीह रे बरोधी हुईगरे। इस कारण अहें जाणाँ ये भई यीशु मसीह जल़दी वापस औणा।

1 यूहन्ना 2:26

हऊँ तुहांजो तिन्हां लोकां रे बारे च खबरदार करया राँ, सै जे तुहांजो झुट्ठिया शिक्षा ते भरमाणे रा जतन करी राँये।

1 यूहन्ना 4:1

मेरे प्यारे मित्रो, हर किसी आत्मा रा विश्वास मता करदे, पर हमेशा तिन्हारी परख करीने देक्खा भई क्या सै परमेशरा रिया तरफा ते आ कि नीं? ये हऊँ तुहांजो इस खातर गलाईराँ काँह्भई मते सारे झूट्ठे भविष्यवक्ता इस संसारा च फैलीरे।

2 यूहन्ना 1:7

हऊँ इस खातर ये बोलां, काँह्भई बौहत सारे भरमाणे औल़े संसार च आईरे सै जे ये नीं मनदे भई यीशु मसीह इक माहणु बणीने इसा संसारा च आया। जे कोई माहणु ये बोलां, तां सै मसीह रा बैरी आ सै जे हमेशा लोकां जो भरमां।

प्रकाशितवाक्य 12:9

कने बड्डा अजगर यनि सैई पुराणा सर्प तिस्सो जे इबलिश कने शैतान बोलां ये कने सै जे सारे संसारा रा भरमाणे औल़ा। सै धरतिया पर तिसरे दूतां समेत सट्टि दित्या गया।

प्रकाशितवाक्य 13:8

कने धरतिया पर रैहणे औल़े सारे लोकां इस पशुये री पूजा करनी, यनिके सै लोक तिन्हांरा नौं जे बल़ि कित्ते गये मेमने रिया जीवना रिया कताबा च, संसारा रिया शुरुआता रे बगता ते नीं लखोईरे।

प्रकाशितवाक्य 20:3

कने तिस्सो अथाह कुण्डा च पाईने बन्द करित्या कने इक सील लगाईती ताकि तदुआं तक जे हजार साल नीं बित्तो, सै जाति-जाति रे लोकां जो भरमाई नीं सक्को। इसते बाद जरूरी आ भई तिस्सो थोड़िया देरा खातर फेरी खोल्या जाओ।

प्रकाशितवाक्य 20:8

कने तिस तिन्हां जातियां रे लोकां जो सै जे सारिया धरतिया पर हुणे, यनि गोग कने मगोग तिन्हांरी गिणती जे समुद्रा रे रेता रे बराबर हूणी, भरमाई ने लड़ाईया खातर कट्ठा करने जो निकलणा।