कुलुस्सियां 2:17 - बिलासपुरी नौआं नियम

¹⁷ काँह्भई ये सारे नियम औणे औल़ी गल्लां री छाया साई ये, पर मसीह इ सच्च आ।

कुलुस्सियां 2:17 ပူးပေါင်းရင်းမြစ်များ

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

इब्रानियों 10:1

मूसा री व्यवस्था त औणे औल़ियां गल्लां री सिर्फ परछाई। पर तिसरा असली रुप निआं, इस खातर तिन्हां इक्को जेईयां बल़ियां रे जरिये तिन्हौं जे हर साल लगातार चढ़ाई जाईयां, तिन्हां लोकां जो सै जे परमेशरा ले अराधना करने खातर औआं ये तिन्हांजो कदीं बी सिद्ध नीं करी सकदियां।

इब्रानियों 8:5

ये याजक सै जे काम्म कराँ ये सै सिर्फ स्वर्गा रिया चिज़ां री नकल कने परछाई ये। इस खातर ताहली जे मूसा तम्बू बनाणे जो त्यार था, तां परमेशरे तिस्सो ये चेतावनी दित्ति, “देख, सै जे नमुना तिज्जो पहाड़ा पर दस्या गईरा था, तिसरे मुतावक सब किछ बनाणा।”

इब्रानियों 9:9

ये सब अहांजो आज्ज के वगता रे बारे च किछ दस्सां ये; इस सारे रा मतलब येआ भई भेन्टां कने बलिदान तिन्हौं जे याजकें परमेशरा जो चढ़ाया, अराधना करने औल़े रिया अन्तरात्मा जो शुद्ध नीं करी सकदे।