कुलुस्सियां 2:13 - बिलासपुरी नौआं नियम

¹³ ताहली जे तुहें अपणे पापां च मुड़दा थे कने तुहें अपणे पापी स्वाभावा रिया शक्तिया ते अजाद नीं थे, फेरी परमेशरे तुहांजो मसीह सौगी जिऊंदा कित्या, कने अहांरे सारे अपराधां जो माफ कित्या,

कुलुस्सियां 2:13 ပူးပေါင်းရင်းမြစ်များ

लूका 15:24

काँह्भई मिन्जो येढ़ा लगया भई मेरा ये मुण्डु मरीगरा था, पर ये जिऊंदा। ये गवाच्छी गरा था, पर हुण मिलीग्या। कने सै नन्द करने लगे।

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

लूका 9:60

यीशुये तिसने गलाया, “सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे, पर तू जाईने परमेशरा रे राज्जा रा प्रचार कर।”

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।

यूहन्ना 6:63

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

रोमियो 4:17

तियां जे पवित्रशास्त्र बोलां, भई “अब्राहम कई जातियां रा पूर्वज हूणा।” ये वायदा अब्राहमा ने इस खातर कित्या गया था, काँह्भई तिसरा विश्वास परमेशरा पर था, सै जे मूईरयां जो जिन्दगी देआं कने नई चीजां री सृष्टि कराँ।

रोमियो 6:13

कने अपणे शरीरा रे अंगाँ जो अधर्मा रे कम्मां खातर पापां रे हवाले नीं करा, वल्कि मुड़दयां चते जिऊंदा हुणे साई परमेशरा रे हवाले करा, कने अपणे शरीरा रे अंगाँ जो धार्मिकता रे कम्मां खातर परमेशरा जो सौंपा।

रोमियो 8:11

कने जे परमेशरा रा आत्मा तिने जे यीशु मसीह जो मूईरेयां चते जिऊंदा कित्या, तुहांरे अन्दर वास कराँ। तां सै परमेशर तिने जे यीशु मसीह जो मूईरयां चते जिऊंदा कित्या था, तुहांरे नाशवान शरीरा जो अपणी आत्मा ते सै जे तुहांरे अन्दर बसीरा, जिऊंदा करना।

1 कुरिन्थियों 15:36

अरे मूर्ख! जो किछ तू बांह, तदुआं तका जे सै नीं मरो जिऊंदा नीं हुंदा।

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

2 कुरिन्थियों 3:6

तिने इ अहांजो नई वाचा रा सेवक हुणे रे काविल बी बणाया, ये कोई लिखिरी मूसा री व्यवस्था निआं बल्कि आत्मा री वाचा इ, काँह्भई ये व्यवस्था मौत ल्यौईं, पर परमेशरा रा आत्मा जीवन देआं।

2 कुरिन्थियों 5:19

यनिके परमेशरे मसीह च हुईने अप्पूँ सौगी संसारा रा मेल-मलाप करील्या, कने तिन्हांरे पापां रा इल्जाम तिन्हां पर नीं लगाया कने तिने मेल-मलापा रा वचन अहांजो सौंपीत्या।

इफिसियां 2:1

तुहें पैहले अपणयां अपराधां कने पापां रिया वजह ने आत्मिक रुपा च मरीगरे थे।

इफिसियां 2:11

इस खातर याद करा, भई तुहें लोक सै जे जन्मा ते अन्यजाति ये तिन्हौं यहूदी लोक नफरत करीने बगैर खतने औल़े बोलां ये, पर खतना माहणुआं रे जरिये शरीरा च कित्या जां।

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

कुलुस्सियां 2:12

ताहली जे तुहें बपतिस्मा लेआ था, तां मसीह साई गड्डे गये थे कने मसीह साई तुहें जी उठे थे। ये इस खातर हुया काँह्भई परमेशरे अपणिया सामर्था रे जरिये मसीह जो मरने ते बाद जिऊंदा कित्या।

1 तिमुथियुस 5:6

पर सै जे विधवा भोग विलासा रे खातर जीआं इ, सै मूईरे माहणुये साई, हलाँकि सै जिऊंदा इ।

1 तिमुथियुस 6:13

परमेशरा जो गवाह मन्नीने सै जे सब्बीं जो जिन्दगी देआं, कने यीशु मसीह जो बी गवाह मन्नीने तिने जे पुन्तियुस पिलातुसा रे सामणे अपणे बारे च सच्च बोल्या था, हऊँ तिज्जो हुक्म देआं,

इब्रानियों 6:1

इस खातर औआ मसीह रियां शिक्षां री शुरु रियां गल्लां जो दोहराईये नीं पर विश्वासा च परिपक्व हुन्दे जाईये। अहांजो भीं ते पैहलकिया शिक्षा रे बारे च यनिके मौती रिया तरफा जो लेई जाणे औल़े कम्मां ते मन फिरावा, कने परमेशरा पर विश्वास करना,

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

याकूब 2:17

देख्या तुहें, सिर्फ विश्वास रखणा काफी नींआ, तिस विश्वासा सौगी जे काम्म जुड़ीरे नींये, सै विश्वास नीं कहलाया जाणा सै बेकार कने मरीरा।

याकूब 2:20

पर ओ! निकम्मे माहणुआ, तू ये कदीं सोचणा भई सै विश्वास बेकार आ, तिस सौगी जे अच्छे काम्म नींये?

याकूब 2:26

तियां जे बिणा साह ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।

1 यूहन्ना 2:12

प्यारे बच्चो, हऊँ तुहांजो इस खातर लिखिराँ, काँह्भई यीशु मसीह रिया बजह ने तुहांरे पाप माफ हुईरे।