कुलुस्सियां 2:10 - बिलासपुरी नौआं नियम

¹⁰ कने तुहें तिस ची भरपूर हुईगे, सै हरेक प्रधान्नां कने अधिकारियां ते बी ऊपर आ।

कुलुस्सियां 2:10 ပူးပေါင်းရင်းမြစ်များ

मत्ती 28:18

यीशुये तिन्हांले आईने बोल्या, “स्वर्ग कने धरतिया रा सारा अधिकार मिन्जो देई दित्तिरा।

यूहन्ना 1:16

तिसरिया दया री परिपूर्णता ते अहें सब्बीं आशीषां पर आशीष पाई।

1 कुरिन्थियों 15:24

इसते बाद अन्त हूणा, तिस वगत मसीहे सारी प्रधानता कने सारा अधिकार कने सामर्था रा अन्त करीने राज्जा जो परमेशर पिता रे हत्था च सौंपी देणा।

इफिसियां 3:10

तिसरा मकसद था भई सै हुण कलीसिया रे जरिये परमेशरा रे कई तरह रे ज्ञाना जो तिन्हां प्रधानां कने अधिकारियां जो परगट करे सै जे स्वर्गा रिया जगहां चे।

इफिसियां 3:19

कने तुहें मसीह रे तिस प्यारा जो जाणी सक्को सै जे हरेक किस्मा रे ज्ञाना ते ऊपर आ, ताकि तुहांरा चाल-चलण परमेशरा रे चाल-चलना साई बणी सक्को।

कुलुस्सियां 2:15

परमेशरे क्रूसा रे जरिये शासकां कने अधिकारियां जो हराया कने क्रूसा रे जरिये तिन्हां पर जय पाईने तिन्हांरा लोकां रे सामणे तमाशा बणाया।

कुलुस्सियां 3:11

तिसच नांत यूनानी रैया, नां यहूदी, नां खतना, नां खतने ते बगैर, नां विदेशी कने नां असभ्य, नां दास कने इक अजाद माहणुये च कोई फर्क आ: सिर्फ मसीह सब किछ आ कने सारे विश्वासियां च तिसरा इ वास आ।

इब्रानियों 5:9

ताहली जे तिने बो सब कित्या सै जे तिस्सो करना चाहिन्दा था, तां सै तिन्हां सारयां रे खातर सदा काल रे छुटकारे री वजह बणया सै जे तिसरे हुक्मां जो मन्नां ये।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।