कुलुस्सियां 1:5 - बिलासपुरी नौआं नियम

⁵ तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

कुलुस्सियां 1:5 ပူးပေါင်းရင်းမြစ်များ

लूका 12:33

अपणी संपत्ति बेच्चीने गरीबां च बंडी दे; कने अपणे खातर येढ़े बटुये बणावा, सै जे पुराणे नीं हुन्दे, यनिके स्वर्गा च येढ़ा धन कट्ठा करा सै जे घटदा नींआ कने तिसरे नेड़े चोर नीं जान्दा, कने कीड़ा नीं बगाड़दा।

प्रेरितां 10:36

सै जे वचन तिने इस्राएलियां ला भेज्या, ताहली जे तिने यीशु मसीह रे जरिये सै जे सब्बीं रा प्रभु आ शान्तिया री खुशखबरी सुणाई,

प्रेरितां 13:26

“हे भाईयो, तुहें अब्राहमा रे खानदान्ना ते; कने तुहें परमेशरा ते डरने औल़े अन्यजातियां रे लोको, तुहांले परमेशरे छुटकारे रा वचन भेजीरा।

प्रेरितां 23:6

तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 24:15

कने परमेशरा ते आशा रखां तेढ़ी जे सै खुद बी रखां ये, भई धर्मिये कने अधर्मिये दुईं जो परमेशरा मौती ते जिऊंदा करना।

रोमियो 10:8

पर पवित्रशास्त्र ये बोल्लां, “परमेशरा रा बचन तेरे नेड़े आ, तेरे मुँआं पर आ कने तेरे मना चा,” ये सै वचन आ, सै जे अहांजो परमेशरा पर विश्वास करने रे बारे च बोलां, तिसरा जे अहें प्रचार कराँ ये।

1 कुरिन्थियों 13:13

पर हुण ये तिन्नो ये: विश्वास, आशा कने प्यार। पर इन्हा च सब्बीं ते बड्डा प्यार आ।

1 कुरिन्थियों 15:19

जे अहें सिर्फ इसा इ जिन्दगिया च मसीह ते आशा रक्खां ये, तां अहें दुज्यां सब माहणुआं ते जादा बदनसीब ये।

2 कुरिन्थियों 5:19

यनिके परमेशरे मसीह च हुईने अप्पूँ सौगी संसारा रा मेल-मलाप करील्या, कने तिन्हांरे पापां रा इल्जाम तिन्हां पर नीं लगाया कने तिने मेल-मलापा रा वचन अहांजो सौंपीत्या।

2 कुरिन्थियों 6:7

सच्चे बचना ने, कने परमेशरा रिया सामर्था ने, धार्मिकता रे हत्थियार सै जे अपणे सज्जे कने खब्बे हत्थां चे,

गलातियां 2:14

मैं ताहली जे ये देख्या भई खुशखबरिया रिया सच्चाईया रे मुतावक सै सिधे रस्ते पर नीं चलीरे, तां मैं सारयां रे सामणे कैफा जो गलाया, “तां जे तू यहूदी हुईने बी अन्यजातियां साई जीवन जीआं, तां फेरी अन्यजातियां जो यहूदियां रे रीति-रिवाजा पर चलने जो कजो बोलां?”

गलातियां 2:5

पर अहें इक पल बी तिन्हांरे अधीन नीं हुये, ताकि तुहें लगातार खुशखबरिया रिया सच्चाईया च जी सक्को।

गलातियां 5:5

पर अहौं पवित्र आत्मा रिया तरफा ते पूरा भरोसा भई परमेशर अहांजो धर्मिये रे रुपा च ग्रहण करगा, काँह्भई अहें यीशु मसीह पर विश्वास कराँ ये।

इफिसियां 1:13

परमेशरे तुहौं बी अपणे लोक बणाया ताहली जे तुहें सच्चाईया रा सन्देश यनि तुहांरे छुटकारे री खुशखबरी सुणी। तां तुहें तिस पर विश्वास कित्या कने मसीह च परमेशरे तुहां पर छाप लाई सै छाप जे वायदा कित्तिरा पवित्र आत्मा।

इफिसियां 4:21

सै जे तुहें मसीह रे बारे च सुणीरा कने सिक्खीरा हकीकत च सै खुशखबरिया रा सच्चा सन्देश आ सै जे मसीह यीशुये रे बारे चा।

कुलुस्सियां 1:23

ये तांई हुई सक्कां तां जे तुहें अपणे विश्वासा च मजबूतिया ने टिक्कीरे रैहन्गे, कने खुशखबरिया रे जरिये दित्ति रिया तिसा आशा रा त्याग नीं करी दो, तिसौ जे तुहें सुणया। ये खुशखबरी इसा धरतिया पर रैहणे औल़े सारयां लोकां जो प्रचार कित्या गईरा, कने हऊँ पौलुस तिसरा इ सेवक बणीरा।

कुलुस्सियां 1:27

परमेशरे अपणयां लोकां जो ये परगट करने रा फैसला कित्या भई तिसरी योजना होरीं जातियां रे लोकां खातर सही माईने च कितणी अदभुत इ, कने मसीह तुहां च वास कराँ ताकि तुहें भरोसे सौगी स्वर्गा च परमेशरा री महिमा च भागीदार हुई सक्को।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

2 थिस्सलुनीकियां 2:16

खुद अहांरे प्रभु यीशु मसीह, कने अहांरे पिता परमेशर तिने जे अहांने प्यार कित्या, कने अपणे अनुग्रह ते अनन्त प्रोत्साहन कने उत्तम आशा दित्तिरी,

1 तिमुथियुस 1:15

ये गल्ल सच्च कने हर तरिके ने मनणे लायक इ भई मसीह यीशु पापियां रा छुटकारा करने खातर संसारा च आया, तिन्हां सब्बीं च हऊँ बड़ा पापी आ।

2 तिमुथियुस 4:8

हुण जीता रा मुकुट स्वर्गा च मेरे खातर इन्तजार करया राँ, काँह्भई मैं परमेशरा जो खुश कित्तिरा। प्रभु सै जे न्याय ने सारयां लोकां रा न्याय कराँ तिस न्याय रे दिन मिन्जो ये मुकट देणा, मिन्जो इ नीं वल्कि तिन्हां सारयां लोकां जो बी देणा सै जे तिसरे दोवारा औणे रा बेशबरिया ने इन्तजार करया राँये।

तीतुस 1:2

सच्चे सन्देशा रा ये ज्ञान तिन्हांजो ये आशा देआं भई तिन्हां अनन्त जीवन पाणा तिसजो जे परमेशरे सै जे कदीं झूट्ठ नीं बोलदा संसारा रिया सृष्टिया ते पैहले देणे रा वायदा कित्तिरा।

इब्रानियों 7:19

(काँह्भई मूसा री व्यवस्था किसी गल्ला री सिद्धि नीं करी सक्की) पर हुण अहांले इक उत्तम आशा इ तिसरे जरिये अहें परमेशरा रे सामणे औआं ये।

1 पतरस 2:2

पर तियां जे नये जम्मीरे बच्चे अपणिया मौआ रे असली दुधा खातर तरसां ये तियां इ तुहांजो बी परमेशरा रे वचना जो सिखणे खातर तरसणा चाहिन्दा, ताकि तिसरे जरिये पूरे तरिके ने छुटकारा पाणे खातर तुहें बधदे जाओ।

1 पतरस 3:15

बल्कि मसीह जो अपणी जिन्दगिया रा प्रभु जाणीने आदर करा। जे कोई तुहांते तुहांरिया आशा रे बारे च पुछो, तां तिस्सो जबाब देणे रे खातर हमेशा त्यार रौआ, पर बिनम्र कने आदरा ने ये करा;

2 पतरस 1:12

हलाँकि तुहें लोक पैहले तेई ये गल्लां जाणाँ ये कने सखाई री सही शिक्षां च मजबूतिया ने टिक्कीरे, फेरी बी हऊँ लगातार इन्हांरे बारे च याद कराँगा।

1 यूहन्ना 3:3

कने सै जे कोई यीशु मसीह पर ये आशा रक्खां, सै खुद अप्पूँजो तियां इ पवित्र कराँ, तिआं जे मसीह पवित्र आ।