कुलुस्सियां 1:17 - बिलासपुरी नौआं नियम

¹⁷ सृष्टिया री कोई बी चीज बणने ते पैहले मसीह था कने सब किछ मसीह रिया वजह ते अपणिया जगह पर टिक्कीरा रैयां।

कुलुस्सियां 1:17 ပူးပေါင်းရင်းမြစ်များ

यूहन्ना 17:5

हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 8:58

यीशुये तिन्हाने जबाब दित्या, “हऊँ तुहांजो सच्च बोलां, भई अब्राहम रे पैदा हुणे ते पैहले, हऊँ था कने हऊँ आ।”

प्रेरितां 17:28

काँह्भई अहें तिसच इ ज्यूंदे रैयां ये, कने चलां-फिराँ ये, कने टिकिरे रैयां ये; ठीक तियां इ जियां जे तुहांरे कितणेयां कवियें बी बोलीरा, ‘अहें तिसरे इ वंशा रे।’

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:17

ताहली जे मैं तिस्सो देख्या, तां हऊँ इकदम तिसरे पैराँ पर मुड़दयां साई पईग्या। फेरी तिने अपणा सज्जा हाथ मांह पर रखीने मेरने बोल्या, “डरदा मत; हऊँ इ पैहला कने आखिरी आ।

प्रकाशितवाक्य 1:8

प्रभु परमेशर बोलां, “हऊँ इ अल्फा कने ओमेगा। सर्वशक्तिमान इ हाया सै जे था, सै जे हया, कने सै जे औणे औल़ा।”

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां: