कुलुस्सियां 1:16 - बिलासपुरी नौआं नियम

¹⁶ काँह्भई परमेशरे तिसरे इ जरिये सारिया सृष्टिया जो बणाया, स्वर्गा री ओ या धरतिया री, देखी या अणदेखी चीजां ओ, संघासण या राज ओ, राजा या अधिकारी ओ, सारा किछ तिसरे जरिये कने तिसरे इ खातर बणाया गईरा।

कुलुस्सियां 1:16 ပူးပေါင်းရင်းမြစ်များ

यूहन्ना 1:10

यनिके सै, सै जे ज्योतिया साई आ संसारा ची था, कने संसार कने तिसरी हरेक चीज़ तिसरी ही बणाईरी, पर लोकें फेरी भीं तिस्सो नीं पछयाणया।

यूहन्ना 1:3

दुनियां री हर इक चीज़ परमेशरे तिसरे जरिये बणाई, कने येढ़ि कोई चीज नीं सै जे परमेशरे तिसते बगैर बणाई।

रोमियो 11:36

काँह्भई सब किछ परमेशरा तेई औंआं। तिने सब किछ बणाईरा कने सब किछ तिसरा इ हाया। तिसजो सदा आदर मिलदा रौ। आमीन।

रोमियो 8:38

काँह्भई हऊँ निश्चित आ भई परमेशरा रा प्यार सै जे अहांरे प्रभु यीशु मसीह चे तिसते किछ बी अहांजो लग नीं करी सकदा; इसते कोई फर्क नीं पौन्दा भई अहें मरी जायें या जिऊंदा रैं; स्वर्गदूत, राजा, उपरा रियां या थल्ले रियां शक्तियां अहांजो परमेशरा रे प्यारा ते लग करने च सामर्थी नींआ, हुण क्या हुया राँ कने भविष्य च क्या हूणा कने नां कोई सृष्टि अहांजो तिसरे प्यारा ते लग करी पांगे।

रोमियो 9:5

अब्राहम, इसहाक कने याकूब तिन्हांरे पूर्वज ये, कने सै जे यीशु मसीह रे बी पूर्वज थे, सै जे परमेशर आ कने सै जे सब्बीं रे ऊपर राज कराँ, तिसरी हमेशा प्रशंसा ओ! आमीन।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

इफिसियां 1:10

ताहली जे ये योजना पूरी करने रा सही वगत औंगा, तां परमेशरा स्वर्ग कने धरतिया री सारियां चिज़ां जो मसीह रे अधीन करना, ताकि मसीह सारियां चीजां रा मुखिया हो।

इफिसियां 6:12

काँह्भई अहांरी लड़ाई लहू कने मास्सा ने बणाईरे माहणुआं ने नीं, पर प्रधानां, अधिकारियां, कने इस संसारा रे अन्धकारा रे हाकिमां कने तिस दुष्टता री आत्मिक सेनां सौगी सै जे अम्बरा चियां।

फिलिप्पियां 2:10

ताकि सब प्राणी यीशुये रा आदर करने खातर गोडयां रे भार झुको, चाये सै स्वर्गा रे हो, चाये धरतिया परा रे, या धरतिया रे थल्ले रे हो।

कुलुस्सियां 1:15

कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

कुलुस्सियां 1:20

तिसरे इ जरिये सारे ब्रह्माण्डा जो परमेशरे खुद अपणे ते दोबारा मिलाणा चाहया, तिन्हां सब्बीं जो सै जे धरतिया रे कने स्वर्गा रे, तिसरे खून्ना रे जरिये परमेशरा ने मेल-मलाप करवाया तिसजो जे मसीहे क्रूसा पर बहाया था।

कुलुस्सियां 2:10

कने तुहें तिस ची भरपूर हुईगे, सै हरेक प्रधान्नां कने अधिकारियां ते बी ऊपर आ।

कुलुस्सियां 2:15

परमेशरे क्रूसा रे जरिये शासकां कने अधिकारियां जो हराया कने क्रूसा रे जरिये तिन्हां पर जय पाईने तिन्हांरा लोकां रे सामणे तमाशा बणाया।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

इब्रानियों 2:10

परमेशरे सब किछ बणाईरा कने तिसजो सै लगातार अपणे खातर बणाईने रखां। परमेशरे सही कित्या ताहली जे तिने दुखा रे जरिये यीशुये जो सिद्ध कित्या ताकि सै बौहत सारयां बच्चयां जो महिमा च पहुँचाये। काँह्भई यीशु इ हाया सै जे तिन्हौं छुटकारे च लेई जां।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।