कुलुस्सियां 1:15 - बिलासपुरी नौआं नियम

¹⁵ कोई बी परमेशरा जो देखी नीं सकदा, पर ताहली जे तिसरा पुत्र माहणु बणया तां तिने लोकां पर परमेशरा जो परगट कित्या, कने परमेशरे जो किछ बणाईरा तिसरे ऊपर तिसरा इ प्रधान अधिकार आ।

कुलुस्सियां 1:15 ပူးပေါင်းရင်းမြစ်များ

यूहन्ना 1:1

सृष्टिया ते बौहत पैहले बचन था, कने बचन परमेशरा सौगी था, कने बचन इ परमेशर था।

यूहन्ना 1:14

कने वचन शरीरा रा रुप लेईने आया; तिने अनुग्रह कने सच्चाईया ने भरी ने अहांरे बिच बास कित्या, कने अहें तिसरी येढ़ि महिमा देक्खी, तेढ़ी जे पिता रे इकलौते पुत्रा री महिमा हुआं इ।

यूहन्ना 1:18

परमेशरा जो किने बी कदीं नीं देख्या, इकलौता पुत्र सै जे मसीह यीशु आ, तिसरा जे पिता ने बड़ा गैहरा रिश्ता, तिने इ अपणे पिता जो अहां सब्बीं पर परगट कित्या।

यूहन्ना 14:9

यीशुये तिस्सो गलाया, “फिलिप्पुस, क्या हऊँ तुहांजो सौगी लम्बे वगता तक नीं रया, कने तुहें मेरे बारे च हुण मनी जाणदे? तिने जे मिन्जो देखील्या तिने पिता जो देखील्या। तुहें काँह बोलां ये, भई ‘अहांजो पिता जो दस?’

यूहन्ना 15:24

जे हऊँ तिन्हां बिच सै चमत्कार नीं करदा सै जे किन्हिये बी नीं कित्ते, तां सै पापां रे दोषी नीं हुंदे; पर हुण तंजे तिन्हें सब किछ देखीने बी मेरने कने मेरे पिता ने बैर रखया।

यूहन्ना 3:16

“काँह्भई परमेशरे संसारा रे लोकां ने इतणा प्यार कित्या भई तिने अपणे इकलौते पुत्रा जो तिन्हांरे खातर बलिदान करित्या, ताकि हर इक माहणु सै जे तिस पर विश्वास करो, सै नाश नीं हो, पर अनन्त जीवन पाओ।

रोमियो 8:29

काँह्भई तिन्हांजो जे तिने पैहले ते चुणीरा कने तैह कित्या भई सै तिसरे पुत्रा साई बणी जाओ ताकि तिसरा पुत्र कई भाईयां च पैहला हूणा।

2 कुरिन्थियों 4:4

इस संसारा रे इश्वरे (शैताने) तिन्हां अविश्वासी लोकां री बुद्धि अन्ही करी तरी, इसी खातर सै मसीह रे बारे री उत्तम खुशखबरिया कने तिसरी महिमा समझदे नींये। मसीह परमेशरा रा स्वरूप आ।

2 कुरिन्थियों 4:6

काँह्भई पवित्रशास्त्र बोलां, “परमेशरे जोतिया जो अन्धकारा च चमकणे रा हुक्म दित्या।” हुण परमेशर अहांरे दिलां च चमकीरा, ताकि परमेशरा री महिमा यीशु मसीह च दिखीरी, ये अहें तुहौं दस्सी सक्को।

फिलिप्पियां 2:6

भले इ परमेशरा साई तिसरा स्वाभाव था, फेरी बी तिने परमेशरा रे बराबर हुणे री सारी शक्तियां कने अपणे खास अधिकाराँ जो रखणे पर जोर नीं दित्या।

कुलुस्सियां 1:13

काँह्भई सैई अहांजो शैतान्ना रिया सामर्था ते छुड़ाईने अपणे प्यारे पुत्रा रे राज्जा च ली आया,

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।

इब्रानियों 1:6

कने फेरी परमेशरे अपणे पैहलौठे पुत्रा जो संसारा च भेजणे ते पैहले ये बोल्या, “परमेशरा रे सब स्वर्गदूत तिसरे अग्गे मत्था टेक्कें।”

इब्रानियों 11:27

तिने विश्वासा रे जरिये राजे रे गुस्से ते बिणा डरे मिस्र देशा जो छड्डीत्या। काँह्भई सै तियां जाया राँ था तियां जे भई सै परमेशरा जो देख्यारा था, तिस्सो जे कोई देक्खी नीं सकदा।

प्रकाशितवाक्य 3:14

तिने बी मिन्जो बोल्या, “लौदीकिया नगरा रिया कलीसिया रे दूता जो ये सन्देश लिख: हऊँ इ आमीन कने बफादार कने सच्चा गवाह, कने परमेशरा रिया सृष्टिया री मूल वजह इ, हऊँ ये बोलां: