कुलुस्सियां 1:12 - बिलासपुरी नौआं नियम

¹² तुहें अहांरे पिता परमेशर रा धन्यवाद करदे रौआ, तिने जे तुहांजो स्वर्गा च अपणयां पवित्र लोकां खातर त्यार कित्ती रिया बिरासता जो सांझा करने रे लायक बणाया।

कुलुस्सियां 1:12 ပူးပေါင်းရင်းမြစ်များ

मत्ती 25:34

फेरी राजे यनि मांह अपणे सज्जे पासे औल़यां ने बोलणा, मेरे पिता ते आशीष पाईरे लोको औआ! कने सै राज जे तुहांरे खातर संसारा जो बनाणे ते पैहले त्यार कित्तिरा तिसजो ग्रहण करा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 20:17

यीशुये तिसाजो गलाया, मेरयां पैराँ ने लिपटी ने मिन्जो मत रोक, काँह्भई हऊँ अजें तक पिता ले नीं गईरा, तू मेरे भाईयां लौ जा, कने तिन्हांजो दस हऊँ अपणे परम पिता कने तुहांरे परम पिता, अपणे परमेशर कने तुहांरे परमेशरा ले जाया रां।

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

रोमियो 11:17

इस्राएली लोक जैतून डाल़ां रियां डाल़ियां साई ये कने पूर्वज अब्राहम, इसहाक कने याकूब डाल़ां रियां जड़ां साई ये। जे किछ डाल़ियां तोड़ी दित्तियां जाओ, कने तुहें अन्यजातियां रे लोक जंगली डाल़ां रियां डाल़ियां साई ये कने तिन्हां डाल़ां पर कलम कित्ते गईरे तां तुहें तिन्हां जैतून रे खरयां डाल़ां री जड़ां री खुराका रा हिस्सा हुईगे,

रोमियो 15:27

हाँ, तिन्हें ये खुशिया ने कित्या, कने सै यरूशलेम च रैहणे औल़यां रे कर्जदार ये। काँह्भई जे अन्यजातियां रे लोक यहूदियां री आत्मिक आशीषां च हिस्सेदार हुये, तां तिन्हाजो बी जरूरी आ भई तिन्हारे खातर बी संसारिक सुख जुटाणे चाहिन्दे।

रोमियो 8:17

काँह्भई अहें तिसरे बच्चे, इस खातर सै आशीष जे परमेशर अपणे लोकां खातर रखां तिसजो अहां पाणा, कने मसीह रे खातर बी सै जे परमेशरे रखीरा, तिस्सो बी अहां मसीह ने सौगी पाणा; काँह्भई जे अहें मसीह साई दुख सैं तां अहां बी तिस सौगी महिमा पाणी।

रोमियो 9:23

कने परमेशरे बी अपणी जादा महिमा परगट करने खातर अहांजो तिसते भरीत्या सै जे तिसरिया दया रिया वजह ने हुया, अहां चते तिन्हांजो परमेशरे अपणी महिमा पाणे खातर त्यार कित्तिरा।

1 कुरिन्थियों 8:6

तां बी अहांरे खातर इक इ परमेशर आ, यनि सै पिता सै जे सारियां चीजां रा सृष्टीकर्ता कने तिसरे खातर जे अहें जींये; कने इक इ प्रभु आ, यनि यीशु मसीह तिसरे जरिये सब्बीं चिज़ां री सृष्टि हुई कने तिसरे जरिये जे अहें जीयें।

1 कुरिन्थियों 9:23

हऊँ ये सब किछ खुशखबरिया खातर कराँ ताकि हऊँ दुज्यां लोकां ने तिसरियां आशीषां रा सहभागी हुई जाऊँ।

2 कुरिन्थियों 11:14

इसच कोई हैरानिया री गल्ल नीं, काँह्भई शैतान बी त परमेशरा रे चमकणे औल़े दूता रा रुप धारण करी लेआं।

2 कुरिन्थियों 5:5

तिने जे अहांजो इस मकसदा रे खातर त्यार कित्तिरा, सै परमेशर इ हाया, तिने जे बयाने रे रुपा च अहांजो पवित्र आत्मा दित्तिरा।

इफिसियां 1:11

ये सारियां गल्लां परमेशरा रिया योजना कने फैसले रे मुतावक हुई, कने परमेशरे मसीह च अहौं अपणे लोक हुणे रे खातर अपणिया इच्छा रे मुतावक चुणया, सै जे परमेशरे पैहले तेई तैह करीने रखीरा था।

इफिसियां 1:18

हऊँ परमेशरा ने ये बी प्राथना कराँ भई सै तुहौं सच्चाईया जो समझणे च तुहांरी मदद करगा, भई तुहें तिसा आस्सा जो जाणी लो तिसरे खातर जे तिने तुहांजो सद्दीरा; कने तुहें इसा गल्ला जो जाणो भई सै आशीषां जे परमेशर अपणयां लोकां जो देणे रा वायदा कराँ सै कितणियां महान इ।

इफिसियां 2:18

काँह्भई अहें दुईं किस्मा रे लोक इक्की आत्मा रे जरिए पिता गे पुजणे जोगे हुए।

इफिसियां 3:6

कने भेत येआ भई मसीह यीशुये च खुशखबरिया रे जरिये यहूदियां साई अन्यजाति लोकां बी आशीष पाणी, कने अन्यजाति कने यहूदी इक शरीरा साई हुणे कने परमेशरा रे कित्तिरे वायदे रे साझी हुणे।

इफिसियां 4:6

परमेशर इक्को इ हा कने सै सबनीं रा पिता, सैई सब्बीं रे ऊपर आ, सब्बीं च सैई काम्म कराँ, कने सब्बीं च सैई समाईरा।

इफिसियां 5:11

अन्धकारा रे बेकार कम्मां च शामिल मता हुन्दे, बल्कि तिन्हांरियां बुराईयां जो सामणे ल्यावा।

इफिसियां 5:20

कने सब गल्ला रे खातर अहांरे प्रभु यीशु मसीह रिया वजह ने अहांरे पिता परमेशरा रा हमेशा धन्यवाद करा।

इफिसियां 5:4

तुहां च नांत गन्दियां गल्लां रा इस्तेमान हूणा चाहिन्दा, नांईं मूर्खां औल़ा खप्प खान्ना या फालतू हसी-मजाक नीं हूणा चाहिन्दा; ये गल्लां तुहांजो शोभा नीं देन्दियां, बल्कि तुहांरे बिच धन्यवाद इ सुणया जाओ।

इफिसियां 5:8

ये हऊँ इस खातर बोल्ली कराँ भई इक बगत था ताहली जे तुहें अन्धकारा च थे, पर हुण तुहें प्रभुये च ज्योति ये; इस खातर ज्योतिया रे बच्चयां साई जीओ।

कुलुस्सियां 2:2

ताकि तिन्हांरे मनां जो तसल्ली मिलो कने सै अप्पूँ चियें प्यारा ने इक हुईने रौ, कने हऊँ चाँह भई तिन्हां लोकां रा पूरा भरोसा ओ, काँह्भई सै परमेशरा रिया योजनां रा भेत पूरे तरिके ने समझी सक्को, सै जे खुद मसीह आ।

कुलुस्सियां 3:15

तुहांरे दिलां पर मसीह री शान्ति राज करो, काँह्भई तुहें सारे इक्की शरीरा रा हिस्सा ये; इस खातर इक्की दूये सौगी तुहें शाँतिया ने रैहणे रे खातर सद्दीरे। कने सदा परमेशरा रा धन्यवाद करदे रौआ।

कुलुस्सियां 3:17

वचना च या कम्मां च जो किछ बी करो सब प्रभु यीशुये रे नौआं ते करा, कने तिसरे इ जरिये हर बगत पिता परमेशरा जो धन्यवाद देन्दे रौआ।

तीतुस 2:14

तिने अप्पूँजो अहांरे खातर बलिदान करित्या ताकि अहांजो हरेक पापा ते छडवाई लो कने शुद्ध करीने अपणे खास लोक बणाई लो, सै जे भले काम्म करने च पूरे समर्पित ये।

इब्रानियों 12:23

कने तुहें परमेशरा रे पैहलौठे बच्चे रिया कलीसिया च आईगरे, तिन्हारे नौं जे स्वर्गा च लिखे गईरे। ये धर्मी लोकां री आत्मा इ सै जे हल्तिये स्वर्गा चे, कने तिन्हांजो सिद्ध कित्या गया कने तुहें खुद परमेशरा ले आईगरे सै जे सारियां गल्लां रा न्याय करने औल़ा।

इब्रानियों 3:1

मेरे पवित्र साथी विश्वासियो, तुहें सै जे परमेशरा रे जरिये सद्दे गईरे, इस खातर मसीह यीशुये रे बारे च सोच्चा सै जे अहांरे खातर परमेशरा रा सनेहा ल्यौणे औल़ा कने महायाजक बी आ, तिस राजे अहें अंगीकार कराँ ये कने विश्वास बी कराँ ये।

इब्रानियों 3:14

काँह्भई जे अहें अपणे पैहले विश्वासा पर अपणिया मौती तक लगातार मजबूत रै, तां अहें इकट्ठा काम्म करने च मसीह ने सौगी जुड़ी जायें।

याकूब 3:9

कदी-कदी ये अहांरे प्रभु पिता री बडयाई कराँ इ कने परमेशरा रे रुपा च बणाईरे लोकां रे खलाफ जैहर उगल़ां इ।

1 पतरस 5:1

हऊँ खुद सै जे इक प्राचीन आ, कलीसिया रे तिन्हां प्राचीनां ने विनती कराँ सै जे तुहांरे बिच ये। हऊँ मसीह रे दुखां रा इक गवाह कने प्रगट हुणे औल़ी महिमा च शामिल हूणा। हऊँ तुहांजो विनती कराँ,

1 यूहन्ना 1:3

जो किछ अहें देख्या कने यीशु मसीह रे बारे च सुणया तिसरी गवाही तुहौं बी देआंये, इस खातर भई अहां सौगी तुहांरी संगती ओ; अहांरी ये संगती पिता ने कने तिसरे पुत्र यीशु मसीह ने सौगी।

प्रकाशितवाक्य 21:23

कने तिस नगरा च सूरज कने चन्द्रमे रिया रोशनिया री जरूरत नीं, काँह्भई परमेशरा रे तेजा ने तिसच उजियाला हुया राँ, कने मेमना तिसरा दीपक आ,

प्रकाशितवाक्य 22:14

“आशीषित सैये, सै जे अपणे कपड़े धोई लें, ताकि तिन्हांजो जीवना रे डाला ले औणे रा अधिकार मिलणा, कने तिन्हां फाटकां ते हुईने नगरा च प्रवेश करना।

प्रकाशितवाक्य 22:5

कने फेरी तित्थी रात नीं हूणी, कने तिन्हांजो दिऊए कने सूरजा रे उजाले री जरूरत नीं हूणी, काँह्भई प्रभु परमेशरा तिन्हांजो रोशनी देणी, कने तिन्हां युगां-युगां तक राज करना।