प्रेरितां 9:6 - बिलासपुरी नौआं नियम

⁶ पर हुण उट्ठीने नगरा च जा, कने जो किछ तू करना सै तिज्जो दस्या जाणा।”

प्रेरितां 9:6 ပူးပေါင်းရင်းမြစ်များ

मत्ती 19:30

पर बौहत सारे सै जे अप्पूँजो खास समझां ये, हुण सै खास नीं रैहणे; कने सै जे खास नीं समझे जायें, सै औणे औल़े बगता च बौहत खास हुई जाणे।

लूका 3:10

तां लोकां री भीड़ तिसते पुछणे लगी, “अहांजो परमेशरा रिया इसा सजा ते बचणे खातर क्या करने पौणा?”

प्रेरितां 10:22

तिने गलाया, “कुरनेलियुस सुबेदार सै जे धर्मी कने परमेशरा ते डरने औल़ा कने जितने यहूदी लोक तिसरे बारे च जाणाँ ये सै बोलां ये भई सै बौहत भला माहणु आ। इक पवित्र स्वर्गदूते तिसजो गलाया, भई शम्मौन, पतरसा जो मिलणे खातर किसी जो जोप्पा जाणे जो बोल कने तिन्हांजो येत्थी ल्याव भई जो किछ सै बोलणा चाँह तिस्सो तू सुणी पाओ।”

प्रेरितां 10:32

इस खातर किसी जो याफा नगर भेज्जीने शमौन्ना जो सद्दीलै, तिस्सो जे पतरस बी बोलां ये। सै समुद्रा रे कनारे, चमड़े रा काम्म करने औल़े शमौन रे घरें मैहमान आ।’

प्रेरितां 10:6

सै शमौन, चमड़े रा काम्म करने औल़े रे घरें परौणा, तिसरा घर समुद्रा रे कण्डे आ।”

प्रेरितां 2:37

तां सुणने औल़यां लोकां जो ये विश्वास हुईग्या था भई तिन्हें कोई गल़त काम्म कित्या, कने सै पतरस कने प्रेरितां ते पुछणे लगे, “हे भाईयो, अहें क्या करिये?”

प्रेरितां 22:10

तां मैं गलाया, ‘हे प्रभु, हऊँ क्या करूँ?’ प्रभुये मेरने गलाया, ‘उट्ठीने दमिश्क नगरा च जा, कने जो किछ तेरे करने खातर ठहराईरा तित्थी तिज्जो सै सब दस्सीत्या जाणा।’

प्रेरितां 26:16

पर तू उट्ठ, अपणे पैराँ पर खड़ा हो; काँह्भई मैं तिज्जो इस खातर दर्शण दित्या भई तिज्जो तिन्हां गल्लां रा बी सेवक कने गवाह बणाऊं, सै जे तैं देखी रियां, कने तिन्हांरा बी तिन्हां खातर जे मांह तिज्जो दर्शण देणा।

प्रेरितां 9:5

तिने पुच्छया, “हे प्रभु, तू कुण आ?” तिने गलाया, “हऊँ यीशु आ, तिस्सो जे तू सतावां।

रोमियो 10:20

फेरी यशायाह भविष्यवक्ता परमेशरा रे खातर बड़िया हिम्मता ने बोलां, “सै जे मिन्जो नीं खोज्जां थे, तिन्हें मिन्जो पाईल्या: कने सै जे मिन्जो पुछदे बी नीं थे, तिन्हां पर हऊँ प्रगट हुईग्या।”

रोमियो 10:3

काँह्भई सै तिसा धार्मिकता जो नीं जाणी पाये सै जे परमेशरा ते मिलां इ, कने तिन्हें अपणी इ धार्मिकता जो बनाणे री कोशिश कित्ती, इस खातर तिन्हे परमेशरा रिया धार्मिकता रे खातर अप्पूँजो नीं सौंपया।

रोमियो 5:20

व्यवस्था इस खातर दित्ति गई ताकि सारे लोकां जो पता चली जो भई सै कितणे पापी थे। पर तियां जे लोकें जादा ते पाप कित्ते तियां इ परमेशरा रा अनुग्रह तिसते बी कई मान जादा हुया,

रोमियो 7:9

हऊँ बगैर व्यवस्था ते पैहले जिऊंदा था, पर ताहली जे हुक्म आया, तां पाप जिन्दगिया च आया, कने हऊँ मरीग्या।

फिलिप्पियां 2:12

इस खातर मेरे प्यारे मित्रो, ताहली जे हऊँ तुहांजो सौगी था ताहली तियां जे तुहें हुक्मां रा पालन कित्या, हुण ताहली जे भई हऊँ तुहां सौगी निआं तां तुहें होर जादा लगना ने तिन्हांरा पालन करा। परमेशरा रे प्रति पूरे आदर भावा ने अपणे छुटकारे जो पूरा करने रे खातर तुहें लोक काम्म करदे जावा।

याकूब 4:6

बुरियां इच्छां रा डटी ने मुकाबला करने रे खातर सै जादा ते जादा अनुग्रह देआं; तियां जे भई पवित्र शस्त्र बोलां, “परमेशर घमण्डियां रा बरोध कराँ, पर नम्र लोकां पर किरपा कराँ।”