प्रेरितां 9:38 - बिलासपुरी नौआं नियम

³⁸ लुद्दा नगर याफा नगरा रे नेड़े था, चेलयां येढ़ा सुणीने भई पतरस त तित्थी इ हाया, दो माहणु भेज्जीने तिसने विनती किति, “अहांले औणे खातर देर मत करदा।”

प्रेरितां 9:38 ပူးပေါင်းရင်းမြစ်များ

प्रेरितां 10:5

कने हुण याफा नगरा च माहणु भेज्जीने शमौना जो, तिसरा नौं जे पतरस आ, सद्दी ले।

प्रेरितां 10:8

कने तिन्हांजो सब गल्लां दस्सीने पतरसा जो ल्यौणे खातर याफा नगरा जो भेज्या।

प्रेरितां 11:13

तिने अहांजो दस्या, भई तिने इक्की स्वर्गदूता जो अपणे घरा च खढ़िरा देख्या तिने जे तिसने गलाया, ‘याफा च माहणु भेज्जीने शमौना जो तिस्सो जे पतरस बोलां ये, सद्दी ले।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:5

“हऊँ याफा नगरा च प्राथना करया राँ था, कने बेसुध हुईने इक दर्शण देख्या भई इक बड्डिया चादरा साई चऊँ कुणयां ते लटकाई रा, अम्बरा ते उतरी ने मेरले आया।

प्रेरितां 9:19

फेरी रोटी खाईने ताकत मिली, सै किछ दिनां तका तिन्हां चेलयां ने सौगी रैया सै जे दमिश्क नगरा च थे

प्रेरितां 9:32

फेरी येढ़ा हुआ भई पतरस तिन्हां प्रदेशां च फिरदा हुआ, तिन्हां पवित्र लोकां ले बी पुज्जया सै जे लुद्दा नामक नगरा च रैयां थे।

प्रेरितां 9:36

याफा नगरा च तबीता नामक विश्वासी थी। यूनानी भाषा च तिसारा नौं दोरकास था। सै बौहत सारे भले-भले काम्म कने मदद कराँ थी।

प्रेरितां 9:42

पर ये गल्ल सारे याफा नगरा च फैलीगी; कने बौहतीं प्रभु यीशुये पर विश्वास कित्या।

प्रेरितां 9:43

कने पतरस याफा नगरा च शमौन नौआं रे किसी चमड़े रे काम्म करने औल़े रे घरें बौहत दिन रैया।