प्रेरितां 9:31 - बिलासपुरी नौआं नियम

³¹ इयां सारे यहूदिया, गलील, कने सामरिया प्रदेशा री कलीसिया जो चैन मिलीग्या कने तिन्हांरी तरक्की हुईगी; कने सै प्रभु यीशुये रे डरा कने पवित्र आत्मा रे शान्तिया च चलदी कने बधदी गई।

प्रेरितां 9:31 ပူးပေါင်းရင်းမြစ်များ

प्रेरितां 12:24

पर परमेशरा रा वचन बधदा कने फैलदा गया कने विश्वासियां री संख्या बधदी गई।

प्रेरितां 16:5

इयां कलीसिया रे लोक विश्वासा च पक्की हुन्दी गई कने तादाता च हर दिन बधदी गई।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 20:32

कने हुण हऊँ परमेशरा जो, कने तिसरे अनुग्रह रे वचना जो तुहांजो दई देन्दा; सै जे प्रभु यीशु मसीह च तुहांरा विश्वास मजबूत करी सक्को कने परमेशरा रे जरिये सब पवित्र कित्तिरे लोकां च सहभागी हुईने तुहांरा उत्तराधिकार दिलाई सक्कां।

प्रेरितां 5:11

कने यरूशलेम री सारी कलीसिया पर कने इन्हां गल्लां रे सुणने औल़यां पर बड़ा डर छाईग्या।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 8:1

शाऊल स्तिफनुस रिया हत्या च सहमत था। तिस दिन यरूशलेम नगरा री कलीसिया पर बड़ा सताव शुरु हुआ कने प्रेरितां जो छड्डिने बौहत सारे लोक यहूदिया कने सामरिया प्रदेशां च नट्ठीने बिखरी गे।

रोमियो 14:17

काँह्भई परमेशरा रे राज्जा च खाणा पीणा मायना नीं रखदा, पर परमेशरा ने ठीक रैहणा, शान्ति कने पवित्र आत्मा ने आनन्द बौहत मायना रखा।

रोमियो 14:19

इस खातर अहें तिन्हां गल्लां जो करने री सदा कोशिश करदे रौ तिन्हांते जे लोक मिली जुली ने रई सक्को कने इक दुज्जे रे विश्वासा जो मजबूत करने च मदद करी सक्को।

रोमियो 15:13

सारियां आशां रा देणे औल़ा परमेशर तुहांजो बड़े आनन्द कने शान्तिया ने भरी दो, तियां जे भई तिसच तुहांरा विश्वास आ, ताकि पवित्र आत्मा रिया सामर्था ते तुहें आशा ने भरी जाओ।

रोमियो 5:5

कने ये आशा अहांजो निराश नीं हुणे देन्दी, काँह्भई पवित्र आत्मा सै जे परमेशरे अहांजो दित्तिरा, तिसरे जरिये परमेशरा रा प्यार अहांरे दिलां च भरी तरा।

1 कुरिन्थियों 14:12

इस खातर तुहें बी ताहली जे आत्मिक वरदान्नां रिया धुन्ना च हो, तां येढ़ि कोशिश करा भई तुहांरे वरदान्नां रिया तरक्किया ते कलीसिया री तरक्की हो।

1 कुरिन्थियों 14:26

अरे साथी विश्वासियो क्या करना चहिन्दा? ताहली जे तुहें कट्ठे हुआं ये, तां हरेक रे दिला च भजन, उपदेश, होरीं भाषां, प्रकाशन या होरीं भाषा रा मतलब दसणा रैया। सब किछ कलीसिया री आत्मिक तरक्किया खातर हूणा चहिन्दा।

2 कुरिन्थियों 10:8

कने जे हऊँ अपणे तिस अधिकारा रे बारे च किछ होर घमण्ड करूँ, सै जे प्रभुये तुहांरे विश्वासा जो बिगाड़ने रे खातर नीं बल्कि तुहांजो विश्वासा च मजबूत करने खातर अहांजो दित्तिरा, तां इसरे खातर हऊँ शर्मिन्दा निआं।

2 कुरिन्थियों 12:19

हुण तुहें क्या सोच्ची रायें भई इक्की लम्मे बगता ते अहें तुहांरे सामणे अपणा बचाव करी रायें? पर अहें त परमेशरा रे सामणे मसीह रे चेले रे रुपा च बोल्ली राँये। मेरे प्यारे मित्रो, अहें सै जे किछ बोल्ली राँये, तुहौं विश्वासा च मजबूत करने खातर इ बोल्ली राँये।

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 7:1

मेरे प्यारे मित्रो, काँह्भई परमेशरे अहांने ये वायदे कित्तिरे, इस खातर औआ सै जे किछ अहांरे शरीरा कने आत्मा जो अपवित्र कराँ तिसजो धोई देईये, कने परमेशरा रा आदर करदे हुये पूरे तरिके ने पवित्र जीवन जीओ।

इफिसियां 4:12

ताकि सै परमेशरा रे लोकां जो तिसरी सेवा करने रे खातर त्यार करी सक्को तिसते जे मसीह रा शरीर यनि कलीसिया होर बी मजबूत हुईजो।

इफिसियां 4:16

अहें सारे जितने मसीह पर विश्वास कराँ ये, तिसरे जिस्मा रे अंगाँ साई ये। तियां जे इक्की माहणुये रा जिस्म सारे जोड़ा रे जरिये जुड़ीरा कने ताहली जे जिस्मा रे सारे अंग ठीक-ढ़ंगा ने काम्म कराँ ये, तां शरीर बधां कने मजबूत हुआं; इस तरिके ने ताहली जे अहें सारे मसीह रे दित्तिरे कम्मा जो कराँ ए अहां मजबूत कने परिपक्व हुणे कने इक्की दूये जो जादा प्यार करना।

इफिसियां 4:29

तुहांरे मुँआं ते कोई बुरी गल्ल नीं निकल़णी चाहिन्दी, पर जरूरता रे मुतावक सैई निकल़ो सै जे दुज्यां रिया तरक्किया खातर मददगार हो, ताकि तिसते जे सुणने औल़े रा भला हो।

इफिसियां 5:21

मसीह रे प्रति आदर रखणे रिया वजह ते इक्की दूये रे अधीन रौआ।

फिलिप्पियां 2:1

जे मसीह च तुहांरा कोई उत्साह हया, कने जे तिसरे प्यारा ते कोई सुख आ, जे पवित्र आत्मा सौगी तुहांरी संगती हई, कने जे मसीह तुहांरे प्रति कोई करुणा कने दया दस्सी,

कुलुस्सियां 1:10

ताकि तियां जे प्रभु चाँह तुहें तियां जी सकगे, कने तुहां हरेक गल्ला च प्रभुये जो खुश करना, कने तुहां हर तरिके रे भले काम्म करदयां रैहणा, कने तुहें परमेशरा जो अच्छे तरिके ने जाणगे।

1 थिस्सलुनीकियां 5:11

इस वजह ते इक्की दूये जो हौंसला देओ कने इक्की दूये जो परमेशरा पर विश्वास करने रे खातर मदद करो, तेढ़ा जे तुहें कराँ बी ये।”

1 तिमुथियुस 1:4

कने तिन्हांने बोल भई येढ़ि मन घड़न्त कहाणियां कने पूर्वजां रियां खत्म नीं हुणे औल़ियां कहाणियां पर मन नीं लगाओ, तिन्हांते जे सिर्फ विवाद इ पैदा हुआं ये। कने सै विवाद परमेशरा रिया योजना जो रोकां ये, सै जे तिन्हां लोकां रे जरिये इ हुई सक्कां सै जे परमेशरा पर विश्वास कराँ ये।

इब्रानियों 4:9

इस खातर हल्तियें बी इक जगह परमेशरा रे लोकां खातर त्यार इ तित्थी जे सै पूरी तरह आराम करी सक्कां ये। तिन्हां तियां आराम करना तियां जे सत्तवें दिन परमेशरे आराम कित्या था।

यहूदा 1:20

पर मेरे प्यारे मित्रो, तुहांजो पवित्र विश्वासा च बधणे खातर इक्की दूये री मदद करदे रैहणा चाहिन्दा कने पवित्र आत्मा रिया अगुवाईया रे जरिये तुहांजो प्राथना करनी चाहिन्दी।