प्रेरितां 9:27 - बिलासपुरी नौआं नियम

²⁷ पर बरनबासे तिस्सो अप्पूँ सौगी प्रेरितां ला नेईने तिन्हांजो दस्या भई इने किस तरिके ने दमिश्क नगरा जो जान्दे वगत रस्ते च प्रभुये जो देख्या, कने तिने इसने गल्लां कित्तियां; फेरी दमिश्क नगरा च शाऊले बेझिझक हुईने यीशुये रे नौआं रा प्रचार कित्या।

प्रेरितां 9:27 ပူးပေါင်းရင်းမြစ်များ

प्रेरितां 11:22

ताहली जे तिन्हांरी चर्चा यरूशलेम रे विश्वासियें सुणी, तां तिन्हें बरनबास जो अन्ताकिया नगरा च भेजित्या।

प्रेरितां 11:25

फेरी बरनबास अन्ताकिया नगरा जो छड्डिने शाऊला जो टोलणे खातर तरसुसा नगरा जो चलिग्या।

प्रेरितां 12:25

बरनबास कने शाऊल यरूशलेम नगरा ते यहूदी प्रदेशा रे विश्वासियां री सहायता खातर पैसा देणे ते बाद यरूशलेम ते अन्ताकिया नगरा जो वापस आये। तिन्हां सौगी यूहन्ना बी था तिस्सो जे मरकुस बोल्ला थे।

प्रेरितां 13:2

तां जे सै उपवासा सौगी अराधना करया राँ थे, तां पवित्र आत्मे गलाया, “मेरे खातर बरनबास कने शाऊला जो तिसा सेवा खातर लग करा तिस खातर जे मैं तिन्हांजो चुणीरा।”

प्रेरितां 15:2

पौलुस कने बरनबास तिन्हांने सैहमत नीं थे, तिन्हांरी बौहत बैहस कने झगड़ा हुआ तां ये मन्नया गया भई पौलुस कने बरनबास कने तिन्हां चते किछ विश्वासी लोक इसा गल्ला रा समाधान करने प्रेरितां कने प्राचीनां ले यरूशलेम जो जाओ।

प्रेरितां 4:13

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

प्रेरितां 4:29

हुण हे प्रभु तिन्हांरियां धमकियां जो सुण; कने अपणे दास्सा जो ये वरदान दे भई तेरा वचन बड़े हौंसले ने सुणाईये।

प्रेरितां 4:36

यूसुफ साइप्रस नौआं रे टापुये च रैहणे औल़ा इक लेवी था तिसरा नौं प्रेरितें बरनबास रखया था; तिसरा मतलब जे दुज्जेयां जो हिम्मत देणे औल़ा माहणु आ।

प्रेरितां 9:17

तां हनन्याह उट्ठीने तिस घरा च गया तित्थी जे शाऊल था कने तिस पर अपणा हात्थ रखीने गलाया, “भाई शाऊल, प्रभु यीशु, सै जे तिस रस्ते च, तिसते जे तू आया तिज्जो दुस्या था, तिने इ मिन्जो भेजीरा भई तू फेरी भीं देखणे लगो कने पवित्र आत्मा ते पूरा भरी जाओ।”

प्रेरितां 9:29

कने निधड़क हुईने प्रभु यीशुये रे नौआं रा प्रचार कराँ था; कने यूनानी भाषा बोलणे औल़े यहूदियां सौगी गल्ल-बात कने बाद-बवाद कराँ था; पर सै तिस्सो मारने रा जतन करने लगे।

1 कुरिन्थियों 15:8

सब्बीं ते बाद मिन्जो बी दिखाई दित्या, पर हऊँ इस तरिके ने प्रेरित बणया सै जे बौहत विचित्र आ।

1 कुरिन्थियों 9:6

क्या सिर्फ मिन्जो कने बरनबासा जोई अपणा जीवन जीणे खातर काम्म करना जरूरी आ?

गलातियां 2:13

बाकी यहूदी विश्वासियें बी इस दिखावे च पतरसा रा साथ दित्या। येत्थी तक भई इस दिखावे रिया बजह ने बरनबास बी कपटी हुईने भटकिग्या।

गलातियां 2:9

इस तरिके ने तिन्हें माह पर परमेशरा रे तिस अनुग्रह जो समझील्या कने कलीसिया रे अगुवे समझे जाणे औल़े याकूब, कैफा, कने यूहन्ने, मिन्जो कने बरनबासा जो सहयोगी बणाईने भेज्या। कने सै सहमत हुईगे भई अहें अन्यजातियां रे बिच उपदेश देन्दे रौ कने सै खतना कित्ती रयां लोकां रे बिच।