प्रेरितां 9:24 - बिलासपुरी नौआं नियम

²⁴ पर तिन्हां रिया योजना रा पता शाऊला जो लगीग्या। सै रात-दिन फाटकां पर तिसजो मारने रिया ताक्का च लगीरे रैयाँ थे।

प्रेरितां 9:24 ပူးပေါင်းရင်းမြစ်များ

प्रेरितां 20:19

यनिके बड्डिया दीनता ने, कने आँसू बहाई-बहाई ने, कने तिन्हां परीक्षां च सै जे यहूदियां रिया साजिशा रिया वजह ते मेरे परा पईयां, फेरी बी हऊँ प्रभुये री सेवा करदा इ रैया;

प्रेरितां 20:3

तां जे तिन्न महीने रैईने सै तित्थी ते जहाजा पर सीरिया प्रदेशा खा जाणे जो त्यार था, तां यहूदी अगुवेयां तिसजो मारने री योजना बणाई, इस खातर तिन्हें ये फैसला कित्या भई मकिदुनिया हुईने वापस हुई जाओ।

प्रेरितां 23:30

कने ताहली जे मिन्जो पता लगया भई सै इस माहणुये रिया घाता च त्यार हुईने बैठिरे, तां मैं ताहलु इ तिस्सो तेरले भेजित्या; कने दोष लाणे औल़यां जो बी हुक्म देईत्या भई तेरे सामणे तिस परा इल्जाम लाओ।”

प्रेरितां 25:11

“जे हऊँ अपराधी आ कने मारी दित्या जाणे रे लायक कोई काम्म कित्तिरा, तां हऊँ मरने ते नीं मुकरदा; पर तिन्हां गल्लां रा जे माह पर दोष लांये, जे तिन्हां चते कोई बी गल्ल सच्च नीं ओ, तां किसी जो बी ये अधिकार नींआ भई सै मिन्जो इन्हांरे हवाले करो। हऊँ बादशाह कैसरा री दोहाई देआं।”

प्रेरितां 25:3

कने तिसने विनती करीने ये चाहया भई सै पौलुसा जो यरूशलेम च सद्दो, काँह्भई सै तिस्सो मारने खातर घात लाईने रस्ते ची लुक्खीरे थे।

प्रेरितां 9:25

पर राति जो तिसरे चेलयां तिस्सो टोकरे च बठाल़ीने, कने पत्थराँ री बणीरी बड्डिया ऊच्चिया दीवारा परा ते लटकाईने त्वारीत्या।

2 कुरिन्थियों 11:32

ताहली जे हऊँ दमिश्क नगरा च था, तां अरितास राजे रे राजपाले मिन्जो पकड़ने खातर दमिश्क नगरा रे दवाराँ पर पैहरा लगाईरा था।