प्रेरितां 9:21 - बिलासपुरी नौआं नियम

²¹ जितणयां लोकें तिसरा प्रचार सुणया, हैरान हुईने तिन्हां चते किछ बोलीराँ थे, “क्या ये सैई माहणु नींआ, सै जे यरूशलेम च मसीह यीशुये रे विश्वासियां जो नष्ट करने री कोशिश करया राँ था। कने क्या ये तिन्हांजो येत्थी पकड़ने कने मुखियायाजकां रे सामणे ले जाणे नीं आईरा था।”

प्रेरितां 9:21 ပူးပေါင်းရင်းမြစ်များ

प्रेरितां 2:12

कने “सै सब हैरान हुये कने घबराई ने इक्की दुज्जे ने बोलणे लगे ये क्या हुया राँ?”

प्रेरितां 2:6

तां जे ये अवाज़ हुई तां भीड़ कट्ठी हुईगी कने लोक घबराईगे, काँह्भई हर इक्की जो येई सुणां था भई मेरिया इ भाषा च गलाया रायें।

प्रेरितां 3:10

तिस्सो पछयाणी लया भई ये सैई लंगड़ा भिखारी आ सै जे मन्दरा रे सुन्दर फाटका पर बैठीने भिख मंगां था; कने तिसा गल्ला ते सै जे तिस सौगी हुई थी सै बौहत हैरान हुये।

प्रेरितां 4:13

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

प्रेरितां 7:59

सै स्तिफनुसा पर पत्थर मारदे रै, कने सै येढ़ा बोलीने प्राथना करदा रैया, “हे प्रभु यीशु, मेरी आत्मा जो लईले।”

प्रेरितां 8:3

शाऊल कलीसिया जो सताया राँ था; कने घरें-घरें बड़ीने विश्वासी जनाना कने मर्दां जो घसीटी-घसीटी ने जेलखान्ने च पां था।

प्रेरितां 9:22

पर शाऊल होर बी जादा सामर्था ने प्रचार करदा गया कने दमिश्क नगरा च रैहणे औल़े यहूदियां जो ये प्रमाणित करदे हुये भई येई मसीह आ, तिन्हांजो हराणे लगया।

2 थिस्सलुनीकियां 1:10

ये तिस दिन हूणा, ताहली जे प्रभुये अपणे पवित्र लोकां ते महिमा पाणे कने सब विश्वास करने औल़यां ते आदर पाणे खातर फेरी भीं औंणा; कने तुहां बी तिन्हांरे बिच हूणा काँह्भई तुहें अहांरे सन्देशा पर विश्वास कित्या।

1 यूहन्ना 3:1

बचार करीने देक्खा, भई परमेशर पिता अहांने केढ़ा प्यार कित्या, भई अहें परमेशरा रे बच्चे बणी सक्को, कने सै सच्चमुच अहें हाये बी ये, इसा वजह ने संसारा रे लोक अहांजो नीं जाणदे, काँह्भई तिन्हें परमेशर पिता जो बी नीं जाणया।