प्रेरितां 9:20 - बिलासपुरी नौआं नियम

²⁰ कने सै इकदम यहूदी सभा घराँ च यीशुये रा प्रचार करने लगया भई यीशु इ परमेशरा रा पुत्र आ।

प्रेरितां 9:20 ပူးပေါင်းရင်းမြစ်များ

मत्ती 27:43

इने परमेशरा पर भरोसा रखया; जे सै इस्सो चाँह, तां हुण इसजो छडवाई लो, काँह्भई इने गलाया था, हऊँ परमेशरा रा पुत्र आ।”

मत्ती 27:54

फेरी सुबेदार कने होर सिपाही सै जे तिस सौगी यीशुये रा पैहरा देई कराँ थे, हिल्लण कने सै जे किछ तित्थी हुया था तिस्सो देखीने बड़े भरी डरिये कने गलाया, “सच्ची जो ये परमेशरा रा पुत्र था।”

मत्ती 4:3

तां परखणे औल़े शैताने नेड़े आईने तिसजो गलाया, “जे तू परमेशरा रा पुत्र आ, तां इन्हां पत्थराँ जो हुक्म देईने साबित कर, भई ये रोटियां बणी जो, ताकि तू खाई सक्को।”

यूहन्ना 1:49

नतनएले तिसजो जबाब दित्या, “गुरू, तू परमेशरा रा पुत्र आ, तू इस्राएल रा राजा।”

यूहन्ना 19:7

यहूदी अगुवेयां तिस्सो जबाब दित्या, “अहांरी इक व्यवस्था इ कने तिसा व्यवस्था रे मुतावक मौती रिया सजा रे लायक आ, काँह्भई ये अप्पूँजो परमेशरा रा पुत्र हुणे रा दावा करां।”

यूहन्ना 20:28

थोमे जबाब दित्या, “मेरे प्रभु, हे मेरे परमेशरा!”

यूहन्ना 20:31

पर ये सै जे लिखे गईरे, इस खातर भई तुहें विश्वास करो भई यीशु इ मसीह आ, सैई परमेशरा रा पुत्र आ। कने तिस पर विश्वास करीने अनन्त जीवन पाओ।

प्रेरितां 13:14

पिरगा नगरा ते अग्गे बधीने सै पिसिदिया जिले रे अन्ताकिया नगरा च पुज्जे; कने विस्रामा रे दिन यहूदी सभा घर च जाईने बैठीगे।

प्रेरितां 13:33

भई परमेशरे यीशुये जो मूईरयां चते ज्यूंदा करीने, सै वायदा अहां रियां औल़ादां खातर पूरा कित्या; येढ़ा जे भजन संहिता च परमेशरे मसीह रे बारे च बोल्या, ‘तू मेरा पुत्र आ; मैं तिज्जो राजा हुणे खातर नियुक्त कित्या।’

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 13:5

कने सलमीसा च पुज्जी ने, परमेशरा रा वचन यहूदियां रे यहूदी सभा घराँ च सुणाया। यूहन्ना तिसजो जे मरकुस बोलां ये तिन्हांरा सेवक था।

प्रेरितां 14:1

इकुनियुम नगरा च येढ़ा हुआ भई सै यहूदियां रे सभा घराँ च सौगी-सौगी गये, कने इयां गल्लां कित्ती यां भई यहूदियां कने यूनानियां चते मतयां विश्वास कित्या।

प्रेरितां 16:13

विस्रामा रे दिन अहें नगरा रे फाटका ते बाहर नदिया रे कनारे येढ़ा समझीने गये भई तित्थी यहूदियां री प्राथना करने री जगह हुंगी, कने बैठीने सै जनानां जे तित्थी कट्ठियां हुई रियां थिआं, तिन्हांने गल्लां करने लगे।

प्रेरितां 17:10

विश्वासियें रातो-रात पौलुस कने सीलास जो थिस्सलोनिया नगरा ते बिरिया नगरा च भेजित्या; कने सै तित्थी पुज्जी ने यहूदियां रे यहूदी सभा घर च गये।

प्रेरितां 17:17

इस खातर सै यहूदी सभा घर च यहूदी लोकां कने परमेशरा ते डरने औल़े यूनानी, कने बजारा रे चौराहे च सै लोक जे तिस्सो मिले थे तिन्हांने हर रोज वाद-विवाद कराँ था।

प्रेरितां 17:2

पौलुस अपणी रितिया रे मुतावक तिन्हां ला गया, कने तिन्न हफ्ते तका पवित्रशास्त्रा ते तिन्हांने वाद-विवाद करदा रैया;

प्रेरितां 18:19

तिन्हें इफिसुस नगरा च पुज्जी ने प्रिस्किल्ला कने अक्विला जो छडया, कने अप्पूँ यहूदी सभा घर च जाईने यहूदियां ने वाद-विवाद करने लगया।

प्रेरितां 18:4

कने पौलुस हर विस्राम रे दिन यहूदी सभा घर च वाद-विवाद करीने यहूदियां कने यूनानियां जो बी यीशु मसीह पर विश्वास करने जो समझां था।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 8:36

रस्ते च चलदे-चलदे सै इक्की पाणिये रिया जगह पुज्जीगे। तां खोज्जे गलाया, “देख येत्थी पाणी आ, हुण मिन्जो बपतिस्मा लेणे च क्या रोक इ।”

प्रेरितां 8:37

फिलिप्पुसे गलाया, “जे तू सारे मना ते विश्वास करो तां बपतिस्मा लई सक्कां।” तिने जवाब दित्या “हऊँ विश्वास करां भई यीशु मसीह ही परमेशरा रा पुत्र आ।”

प्रेरितां 9:22

पर शाऊल होर बी जादा सामर्था ने प्रचार करदा गया कने दमिश्क नगरा च रैहणे औल़े यहूदियां जो ये प्रमाणित करदे हुये भई येई मसीह आ, तिन्हांजो हराणे लगया।

रोमियो 1:4

कने पवित्र आत्मा रे जरिये यीशु मसीह मूईरेयां चते जिऊंदा हुईने सामर्था सौगी परमेशरा रा पुत्र घोषित कित्या गया।

गलातियां 1:16

कने ताहली जे परमेशरा री इच्छा हुई भई सै माह पर अपणे पुत्रा जो परगट करो ताकि हऊँ अन्यजातियां रे बिच तिसरिया खुशखबरिया रा प्रचार करूँ। तिस बगत इकदम मैं माहणुआं ते कोई राय नीं लैई।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

प्रकाशितवाक्य 2:18

तिने बी मिन्जो बोल्या, थुआतीरा नगरा रिया कलीसिया रे दूता जो ये सन्देश लिख: “हऊँ परमेशरा रा पुत्र आ कने मेरियां आक्खीं अग्गी रिया लपटा साई चमकी रियां, कने मेरे पैर चमकदे पितला साई ये, हऊँ ये बोलां: