प्रेरितां 8:7 - बिलासपुरी नौआं नियम

⁷ काँह्भई ताहली जे फिलिप्पुस बुरीआत्मा जो हुक्म देआं था, तां बुरीआत्मा बौहतां चते बडिया अवाज़ा च रड़ांदियां निकल़ी गईयां, कने बौहत लकवे रे रोगी कने लंगड़े बी ठीक हुये;

प्रेरितां 8:7 ပူးပေါင်းရင်းမြစ်များ

मत्ती 10:1

इस खातर यीशुये अपणे बारा चेलयां जो अप्पूँ ले सद्दीने, तिन्हांजो बुरीआत्मा जो बाहर कडणे कने कई किस्मा रे रोगां कने दुख तकलीफां जो दूर करने रा अधिकार दित्या।

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

मरकुस 9:26

तां बुरी आत्मा चिल्लाया कने तिस्सो बौहत मरोड़ीने, निकल़ीगी; कने मुण्डु मूईरेयां साई दिख्या, येत्थी तकौ भई बौहत लोक बोलणे लगे भई ये मरीगरा।

लूका 10:17

जिस बगत यीशुये रे बहत्तर चेले अपणी सेवा री यात्रा ते मौज मनांदे हुये वापस आईगे, तां यीशुये ने बोलणे लगे “प्रभु, जिस बगत अहें तुहांरे नौआं रा इस्तेमाल कराँ ये, तां बुरीआत्मायें बी अहांरा कैहणां मन्नां इयां।”

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

प्रेरितां 5:16

यरूशलेम रे आसे-पासे रे नगराँ ते बौहत लोक बमाराँ कने बुरीआत्मा रे सताई रयां जो ल्याई-ल्याईने, कट्ठे हुआं थे, कने सब ठीक करी दित्ते जां थे।

प्रेरितां 8:6

सै जे गल्लां फिलिप्पुसे बोलियां लोकें तिन्हांजो सुणीने कने सै जे चमत्कार सै दस्सां था तिन्हांजो देखी-देखीने, इक चित हुईने मन लगाया।

इब्रानियों 2:4

परमेशरे बी चिन्ह कने अदभुत काम्म कने कई किस्मा रे सामर्था रे कम्मां रे जरिये कने अपणिया इच्छा रे मुतावक लोकां जो पवित्र आत्मा रे जरिये बरदान देईने ये साबित कित्या।