प्रेरितां 8:3 - बिलासपुरी नौआं नियम

³ शाऊल कलीसिया जो सताया राँ था; कने घरें-घरें बड़ीने विश्वासी जनाना कने मर्दां जो घसीटी-घसीटी ने जेलखान्ने च पां था।

प्रेरितां 8:3 ပူးပေါင်းရင်းမြစ်များ

प्रेरितां 16:19

तां जे तिसारे मालकें देख्या भई अहां रिया कमाईया री आशा चलीगी, तां पौलुस कने सीलासा जो पकड़ीने चौका च प्रधाना ला खिंजी ने लईगे;

प्रेरितां 22:19

“मैं गलाया, ‘हे प्रभु, सै त अप्पूँ जाणाँ ये भई हऊँ तेरे पर विश्वास करने औल़यां जो जेलखान्ने च पान्दा कने जगें-जगें यहूदी सभा घर च कुटावां था।

प्रेरितां 7:58

कने तिसजो यरूशलेम नगरा ते बाहर निकाल़ी ने पत्थर मारने लगे कने तिन्हांरी हत्या करी ती। गवाहें अपणे कोट शाऊल नौआं रे इक जवाना ले उतारी ने रखीते।

प्रेरितां 8:2

किछ धर्मी लोकें स्तिफनुसा जो कब्रा च रखया कने तिसरे खातर बौहत रोये कने दुख मनाया।

प्रेरितां 9:21

जितणयां लोकें तिसरा प्रचार सुणया, हैरान हुईने तिन्हां चते किछ बोलीराँ थे, “क्या ये सैई माहणु नींआ, सै जे यरूशलेम च मसीह यीशुये रे विश्वासियां जो नष्ट करने री कोशिश करया राँ था। कने क्या ये तिन्हांजो येत्थी पकड़ने कने मुखियायाजकां रे सामणे ले जाणे नीं आईरा था।”

1 कुरिन्थियों 15:9

काँह्भई हऊँ प्रेरितां च सब ते छोट्टा, कने प्रेरित कहलाणे लायक मनीं आ, काँह्भई मैं परमेशरा री कलीसिया जो सताईरा था।

गलातियां 1:13

यहूदी धर्मा च हऊँ पैहले कियां जीया राँ था, तिस्सो तुहें सुणी चुक्कीरे, कने तुहें ये बी जाणाँ ये भई मैं परमेशरा रिया कलीसिया जो कितना सताईरा कने तिसारा नौं नशाण तक मटयाणे री कोशिश कित्ती।

फिलिप्पियां 3:6

हऊँ इतणा बफादार था भई मैं मसीह विश्वासियां जो बौहत सताया, कने यहूदी व्यवस्था रा पालन करने च हऊँ धर्मी था काँह्भई मैं सारे हुक्मां रा पालन कित्या।

1 तिमुथियुस 1:13

हलाँकि हऊँ त पैहले मसीह री निंध्या करने औल़ा, विश्वासियां जो सताणे औल़ा, कने निर्दयी माहणु था; तां बी मसीह माह पर दया कित्ती, काँह्भई मैं अनजाणे च कने अविश्वावासा रिया वजह ने ये काम्म कित्ते थे।

याकूब 2:6

तां बी तुहें गरीबां री बेज्जति कराँ ये। तुहें जाणां ए भई ये अमीर लोक इ हाए सै जे तुहां पर अत्याचार करां ए। सैई सै जे तुहांजो कचैहरियां च जबरदस्ती घसीटी ने नीं लेई जाएं?