प्रेरितां 7:8 - बिलासपुरी नौआं नियम

⁸ कने परमेशरे अब्राहमा ने खतने रा वायदा कित्या; ताहली जे अब्राहमा रे पुत्र इसहाका रा जन्म हुया, तां अठवें दिन तिसरा खतना कित्या; कने इसहाका ते याकूब कने याकूब ते बारा कुलपति पैदा हुये, तिन्हांरा बी खत़ना कित्या गया।”

प्रेरितां 7:8 ပူးပေါင်းရင်းမြစ်များ

मत्ती 1:2

अब्राहमा रा पुत्र इसहाक था कने इसहाका रा पुत्र याकूब हुया फेरी याकूब ते यहूदा कने तिसरे ग्यारा भाई जम्मे,

यूहन्ना 7:22

इसा वजह ने मूसे तुहांजो खतने रा हुक्म दित्या (ये नियम मूसे रा नीं था बल्कि तुहांरे पूर्वजां ते चलदा आईराँ), कने तुहें विस्राम रे दिन माहणुये रा खतना कराँ ये।

प्रेरितां 2:29

“हे भाईयो, हऊँ कुलपति दाऊद रे बारे च तुहांजो हिम्मता ने बोल्ली सक्कां भई सै त मरी गया कने गड्डी बी दित्तिरा कने तिसरी कब्र अज्जो आज्ज अहांले येत्थी इ हई।

रोमियो 4:10

पर ये कदीं हुया? ताहली जे तिसरा खतना हुई चुक्कीरा था या ताहली जे सै बिणा खतने ते था? खतना हुणे ते बाद नीं, पर खतना हुणे ते पैहले।

गलातियां 3:15

मेरे साथी विश्वासियो, हुण हऊँ तुहांजो हर रोज के जीवना ते इक उदाहरण देई कराँ, देक्खा, ताहली जे दो माहणु इक बसीयत बणां यें कने सै तिस्सो पक्का कराँ ये, तां कोई बी माहणु तिसजो बदली नीं सकदा कने किछ जोड़ी बी नीं सकदा। परमेशरा रा ये वायदा बी येढ़ा इ हाया।

गलातियां 3:17

मेरा मतलब येआ भई परमेशरे अब्राहमा ने बाचा बन्ही, व्यवस्था सै जे परमेशरे मूसा जो चार सौ तीह साल्लां ते बाद दित्ति थी ये व्यवस्था बाचा जो तोड़ी नीं सकदी कने तियां इ वायदे जो बेकार नीं बणाई सकदी।

इब्रानियों 7:4

हुण ये सोच्चा भई मेलिकिसिदक कितना महान था तिस्सो जे जाणे-माणे पूर्वज अब्राहमे कब्जा कित्ती रियां चीजां रा दसवां हिस्सा दित्या।