प्रेरितां 7:56 - बिलासपुरी नौआं नियम

⁵⁶ कने गलाया, “देक्खा, हऊँ स्वर्गा जो खुलीरा, कने माहणुये रे पुत्रा जो परमेशरा रे सज्जे पासे खौ खढ़िरा देख्यारा।”

प्रेरितां 7:56 ပူးပေါင်းရင်းမြစ်များ

मत्ती 25:31

“ताहली जे माहणुये रे पुत्रा यनि मांह वापस अपणिया महिमा च औणा कने सारे स्वर्गदूत मेरे सौगी औणे, तां मांह सब्बी लोकां पर राज करने खातर अपणे राजकीय संघासणा पर बैठणा।

मत्ती 3:16

कने यीशु बपतिस्मा लेईने तियां जे पाणिये चते बाहर निकल़या, तिसरे खातर स्वर्ग खुलीग्‍या, कने तिने परमेशरा रे आत्मे जो इक कबूतरा साई उतरदे कने अपणे ऊपर औन्दे देख्या।

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

मरकुस 1:10

ताहली जे यीशु पाणिये चते निकल़ीने बाहर आया, तां इकदम तिसजो स्वर्ग खुल्हीरा दुस्या कने तिस पर कबूतरा रे रुपा च पवित्र आत्मा उतरया।

लूका 3:21

पर यूहन्ने जो जेल्ला च पाणे ते पैहले ताहली जे बौहत सारे लोक बपतिस्मा लैईराँ थे तां यीशुये बी बपतिस्मा लैया। इसते बाद ताहली जे सै प्राथना करी रां था, तां स्वर्ग खुलीग्या।

यूहन्ना 1:51

यीशुये तिसने भीं गलाया, “हऊँ तेरने सच्च बोलां भई तूं स्वर्गा जो खुलदे कने परमेशरा रे दूतां जो माहणुये रे पुत्रा यनि मेरे ऊपर उतरदे कने ऊपर जान्दे देखणा।”

प्रेरितां 10:11

कने तिने देख्या, भई अम्बर खुली गया कने इक बड्डी चादर चऊँ पासयां ते बझीरी, धरतिया पर उतरया राईं।

प्रेरितां 10:16

तिन्न बार येढ़ा इ हुआ; तां ताहलूं इ सै बड्डी चादर अम्बरा जो वापस हुईगी।

प्रेरितां 7:57

तां तिन्हें जोरा रिया अवाज़ा च रड़ाईने कान्न बन्द करी ले, कने सारे लोक तिसजो मारने पैईगे;

प्रकाशितवाक्य 11:19

फेरी परमेशरा रा सै मन्दर जे स्वर्गा चा, सै खोल्या गया, कने तिसरे मन्दरा च तिसरिया वाचा रा सन्दूक दुस्या; कने तित्थी बिजल़ियां, अवाज़, गर्जन, हिलण हुये कने बड्डे-बड्डे आणी रे गोल़े पै।

प्रकाशितवाक्य 19:11

फेरी मैं स्वर्गा जो खुल्हीरा देख्या, कने तित्थी मेरे सामणे इक चिट्टा घोड़ा था; तिस पर इक स्वार आ, सै जे बफादार आ कने सच्चा कहलाया जां; कने सै धार्मिकता ने न्याय कने लड़ाई कराँ।

प्रकाशितवाक्य 4:1

इन्हां गल्लां ते बाद ताहली जे मैं इक होर दर्शण देख्या, तां क्या देक्खां भई स्वर्गा च इक दरवाजा खुल्हीरा, कने तिस्सो जे मैं पैहले तुरहिया री अवाज़ा साई अप्पूँ ने गल्लां करदे सुणया था, सैई मेरने बोलां, “येत्थी ऊपर आई जा; कने मांह तिज्जो सै गल्लां दसणियां, तिन्हांरा जे इन्हां गल्लां ते बाद हूणा जरूरी आ।”