प्रेरितां 7:30 - बिलासपुरी नौआं नियम

³⁰ “ताहली जे पूरे चाल़ी साल मिद्यान देशा च बीत्तीगे, तां परमेशरे स्वर्गदूता रे रुपा च सिनै पहाड़ा रे सुनसान जगह च तिस्सो बल़दे हुये बुटड़े रिया लोई च दर्शण दित्या।

प्रेरितां 7:30 ပူးပေါင်းရင်းမြစ်များ

मरकुस 12:26

मूईरयां चते जिऊंदा हुणे रे बारे च: क्या तुहें मूसा रिया कताबा च परमेशर जल़दिया हुईया झाड़िया चते मूसा ने गल्ल करां, तिसा जगह परमेशर बोलां भई हऊँ अब्राहमा रा परमेशर, कने इसहाका रा परमेशर, कने याकूब रा परमेशर आ?

लूका 20:37

पर इसा गल्ला जो भई मूईरे ज्यून्दे हुई जायें : मूसे बी बल़दे हुये बुटड़यां री कहाणिया च प्रगट कित्या भई सै प्रभुये जो अब्राहम, इसहाक कने याकूब रा परमेशर बोल्लां।

प्रेरितां 7:17

“पर तां जे तिस वायदे रे पूरा हुणे रा बगत नेड़े आया सै जे परमेशरे अब्राहमा ने कित्या था, तां मिस्र देशा च सै लोक बधीने बौहत हुईगे।

प्रेरितां 7:31

मूसा जो ये दर्शण देखीने हैरानी हुई, कने ताहली जे देखणे खातर सै नेड़े गया तां प्रभु परमेशरा री ये अवाज़ आई,

प्रेरितां 7:32

‘हऊँ तेरे पूर्वज, अब्राहम, इसहाक कने याकूब रा परमेशर आ,’ तां मूसा डरा रे मारे कम्बीग्या, येत्थी तका भई तिस्सो देखणे री हिम्मत नीं रई।

प्रेरितां 7:35

“तिस मूसा जो जे तिने येढ़ा बोलीने नां करी ती थी, ‘तिज्जो किने अहां पर हाकम कने न्यायी बणाईरा?’ तिस्सो इ परमेशरे राजपाल कने छुड़ाणे औल़ा बणाईने, तिस स्वर्गदूता रे जरिये तिने जे झाड़िया च दर्शण दित्या था, भेज्या।

गलातियां 4:25

कने हाजिरा मानो अरब रा सिनै पहाड़ा आ, सै अज्जके यरूशलेम री तरफ ईशारा कराँ इ काँह्भई सै अपणे बच्चयां सौगी दासता रा जीवन भुगती राईं।