प्रेरितां 7:25 - बिलासपुरी नौआं नियम

²⁵ मूसे सोच्या भई तिसरे भाईयां ये समझणा भई परमेशरा मूसे रे जरिये दासत्व ते तिन्हांजो अजाद करना, पर तिन्हें नीं समझया।

प्रेरितां 7:25 ပူးပေါင်းရင်းမြစ်များ

मरकुस 9:32

पर सै गल्ल तिन्हां रिया समझा नीं आई, कने सै तिसते पुछणे ते डराँ थे।

लूका 18:34

पर यीशु सै जे किछ बोलीराँ था, चेले तिसरियां गल्लां रा मतलब नीं समझी पाये : कने ये गल्ल तिन्हाते छुपीरी रैई, कने तिने जो किछ गलाया था सै तिन्हां रिया समझा च नीं बैट्ठया।

लूका 9:45

पर चेले इसा गल्ला जो नीं समझी पाये थे भई सै अपणिया मौती रे बारे च गलाईरां था, कने येई गल्लां तिन्हांते छिपीरी रैईयां भई सै तिन्हांजो जाणी नीं पाओ, कने सै सब जणे इसा गल्ला रे बारे च यीशुये ते पुछणे ते डराँ थे।

प्रेरितां 14:27

तित्थी पुज्जी ने तिन्हें कलीसिया रे लोकां जो कट्ठा कित्या कने दस्या भई परमेशरे तिन्हां सौगी हुईने कितणे बड्डे-बड्डे काम्म कित्ते, कने परमेशरे अन्यजाति लोकां जो कियां यीशु मसीह पर विश्वास करने रे लायक बणाया।

प्रेरितां 15:4

ताहली जे सै यरूशलेम नगरा च पुज्जे, तां कलीसिया रे लोक कने प्रेरित कने प्राचीन तिन्हांने खुशिया ने मिले, कने पौलुस कने बरनबासे दस्या भई परमेशरे तिन्हांने सौगी हुईने केढ़े-केढ़े काम्म कित्तिरे थे।

प्रेरितां 15:7

तां पतरसे बौहत बैहस हुणे ते बाद खड़े हुईने तिन्हांजो गलाया, “भाईयो, तुहें जाणाँ ये भई बौहत दिन पैहले परमेशरे तुहां चते मिन्जो चुणीलरा भई मेरे जरिये अन्यजातियां रे लोक खुशखबरी सुणीने विश्वास करो।

प्रेरितां 21:19

तां तिने तिन्हांजो नमस्कार करीने, जो-जो काम्म परमेशरे तिसरिया सेवा रे जरिये अन्यजातियां च कित्तिरे थे, इक-इक करीने सब दस्से।

प्रेरितां 7:24

तिने इक्की इस्राएली माहणुये पर गल़त हुंदा देखीने तिस्सो वचाया, कने मिस्री लोकां जो मारीने तिसरा बदला लेया।

प्रेरितां 7:26

दुजे दिन तां जे सै अप्पूँ बाटियें लड़या राँ थे, तां सै तिन्नु चियें जाये रां था; कने येढ़ा बोल्ली तिन्हांजो मेल करने खातर तिन्हांजो समझाया, ‘हे माहणुओ, तुहें तां भाई-भाई ये, इक्की दुजे पर काँह अन्याय कराँ ये।’

रोमियो 15:18

काँह्भई हऊँ सिर्फ तिन्हां गल्लां जोई बोलणे री हिम्मत करी सक्कां सै जे मसीहे अन्यजातियां बिच परमेशरा जो मनणे खातर मेरे जरिये कित्या। सै तिने वचन कने कर्मा रे जरिये,

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 3:9

काँह्भई अहें दोन्नो इकट्ठे परमेशरा रे खातर काम्म कराँ ये; तुहें इक्की खेता साई ये सै जे परमेशरा रा कने तुहें इक्की मकान्ना साई ये तिसजो जे परमेशर बणाईराँ।

2 कुरिन्थियों 6:1

परमेशरा सौगी काम्म करने रे नाते अहें तुहां लोकां ने बिनती कराँ ये भई परमेशरा रा सै अनुग्रह जे तुहांजो मिलीरा, तिस्सो बेकार नीं जाणे देआ।

कुलुस्सियां 1:29

इसरे खातर हऊँ मसीह री शक्तिया रे मुतावक सै जे माह च सामर्था ने काम्म कराँ इ, तन-मन लाईने मेहणत करी कराँ।