प्रेरितां 6:9 - बिलासपुरी नौआं नियम

⁹ तां तिस यहूदी सभा घरा चते तिन्हांजो जे अजाद कित्तिरे लोक बोलां थे, कुरेनी, सिकन्दरिया, किलिकिया कने आसिया रे लोकां चते कई आईने स्तिफनुसा ने बैहस करने लगे।

प्रेरितां 6:9 ပူးပေါင်းရင်းမြစ်များ

मत्ती 10:17

पर धार्मिक अगुवेयां ते चौकस हुईने रौआ, काँह्भई तिन्हां तुहांजो धोखे च बन्दी बणाईने यहूदी पंचैतां रे हवाले करना, कने तिन्हांरे सभा घरा च तुहां पर कोड़े बरसाणे।

मत्ती 23:34

इस खातर देक्खा, हऊँ तुहांले भविष्यवक्तयां कने बुद्धिमानां कने शास्त्रियां जो भेज्जां; कने तुहें तिन्हां चते किछ जो मारी देणा, कने किछ लोक क्रूसा पर चढ़ाणे कने किछ जो अपणे यहूदी सभा घराँ च कोड़े मारने कने इक्की नगरा ते दुज्जे नगरा च खदेड़दे फिरगे।

मत्ती 27:32

बाहर जान्दे हुये तिन्हांजो शमौन नौआं रा इक कुरेनी माहणु मिलया। तिन्हे तिस पर जोर पाया भई सै यीशुये रा क्रूस चक्की ने चलो।

मरकुस 13:9

“पर तुहें अपणे बारे च त्यार हुई जावा; काँह्भई लोकां तुहांजो महासभा रे हवाले करना कने तुहांजो यहूदी सभा घराँ च मारया-कुट्टया जाणा, कने मेरिया वजह ते तुहें राजपालां कने राजयां रे सामणे खड़े कित्ते जाणे, ताकि तुहें मेरे खातर गवाही देओ।

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 13:45

पर यहूदी अगुवे भीड़ा जो देखीने डाह ने भरीगे, कने निंध्या करदे पौलुसा रियां गल्लां रे बरोधा च बोलणे लगे।

प्रेरितां 15:23

कने तिन्हें चिट्ठी तिन्हांरे साथ भेज्जी : “अन्ताकिया नगर कने सीरिया कने किलिकिया प्रदेशा रे रैहणे औल़े विश्वासियां जो सै जे अन्यजातियां रे लोकां चते हुये, प्रेरितां कने प्राचीन विश्वासियां रा नमस्कार।

प्रेरितां 15:41

कने सै सीरिया कने किलिकिया प्रदेशा ते हुन्दे हुये कलीसिया रे लोकां जो मजबूत करदा गया।

प्रेरितां 16:6

सै फ्रूगिया कने गलातिया प्रदेशा चते हुईने गये, काँह्भई पवित्र आत्मे तिन्हांजो आसिया प्रदेशा च वचन सुनाणे ते मना कित्या।

प्रेरितां 18:24

अपुल्लोस नौआं रा इक यहूदी माहणु, तिसरा जन्म जे सिकन्दरिया नगरा च हुईरा था, सै जे विद्वान माहणु कने पवित्रशास्त्रा जो खरे ढंगा ने जाणाँ था, इफिसुस च आया।

प्रेरितां 19:10

दुईं साल्लां तका येढ़ा इ हुंदा रैया, येत्थी तका भई आसिया प्रदेशा रे रैहणे औल़े क्या यहूदी क्या यूनानी सब्बीं प्रभुये रा वचन सुणी लया।

प्रेरितां 19:26

तुहें देखां ये कने सुणया रायें भई नां सिर्फ इफिसुस नगरा च, पर तकरीवन सारे इ आसिया प्रदेशा रिया जगह च इने पौलुसे येढ़ा बोल्ली-बोलीने सब्बीं लोकां जो समझाया कने भरमाईरा बी आ, भई हत्थां री कारीगरी हई, सै ईश्वर नींये।

प्रेरितां 21:27

ताहली जे सै सात्त दिन पूरे हुणे पर थे, तां आसिया प्रदेशा रे किछ यहूदी लोकें पौलुसा जो मन्दरा च देखीने सब्बीं लोकां जो भड़काया, कने तिस्सो पकड़ील्या,

प्रेरितां 21:39

पौलुसे गलाया, “हऊँ तां तरसुस नगरा रा यहूदी माहणु आ! किलिकिया प्रदेशा रे मन्ने-तन्ने नगरा रा रैहणे औल़ा। हऊँ तेरने विनती कराँ भई मिन्जो लोकां ने गल्लां करने दे।”

प्रेरितां 22:19

“मैं गलाया, ‘हे प्रभु, सै त अप्पूँ जाणाँ ये भई हऊँ तेरे पर विश्वास करने औल़यां जो जेलखान्ने च पान्दा कने जगें-जगें यहूदी सभा घर च कुटावां था।

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 23:34

ताहली जे राजपाले चिट्ठी पढ़ी, तां तिने पुच्छया भई पौलुस किस प्रदेशा ते था। ताहली जे तिने सिख्या भई सै किलिकिया ते था।

प्रेरितां 24:18

तिस इ वगत तिन्हें मिन्जो मन्दरा च, पवित्र होणे रे रीति रिवाजा जो पूरा करदे हुये देख्या तिसा जगह नांत कोई भीड़ थी नांई कोई शोर था। पर तित्थी आसिया प्रदेशा रे किछ यहूदी थे, तिन्हे जे दंगा कित्या था,

प्रेरितां 26:11

कने हर यहूदी सभा घर च हऊँ तिन्हांजो ताड़ना देई-देईने यीशुये री निंध्या करवां था, येत्थी तक भई गुस्से रे मारे येढ़ा पागल हुईग्या भई दुज्यां नगराँ च बी जाई-जाईने तिन्हांजो सतां था।

प्रेरितां 6:10

पर सै तिसा बुद्धिमानिया ने कने पवित्र आत्मा ने बोलां था, सै तिसरे सामणे नीं टिकि सक्के।

1 कुरिन्थियों 1:20

किति आ ज्ञानी, किति आ शास्त्री कने किति आ इस जुगा रा विवादी? क्या परमेशरे संसारा रे सारे ज्ञान्ना जो मूर्खता साबित नीं कित्या?

गलातियां 1:21

हऊँ यरूशलेम छडणे ते बाद सीरिया कने किलिकिया रे प्रदेशां च गया।