प्रेरितां 6:5 - बिलासपुरी नौआं नियम

⁵ ये गल्ल सारिया मण्डलिया जो खरी लगी, कने तिन्हें स्तिफनुस नौंवां रे इक्की माहणुये जो सै विश्वास कने पवित्र आत्मा ने भरीरा था, कने फिलिप्पुस, कने प्रुखुरुस, कने नीकानोर, कने तिमोन, कने परमिनास, कने अन्ताकिया वासी नीकुलाउस जो सै जे यहूदी मता च आईगरा था, चुणील्या।

प्रेरितां 6:5 ပူးပေါင်းရင်းမြစ်များ

मत्ती 23:15

ओ कपटी शास्त्रियो कने फरीसियो, तुहांजो परमेशरा भयानक सजा देणी! तुहें किसी जो अपणे पंथा च लौणे खातर बड़े दूर जायें, कने ताहली जे सै तुहांरे पंथा च आई जां तां तुहें तिस्सो अपणे ते बी दुगणा नरका रे लायक बणाई दें।

प्रेरितां 11:19

स्तिफनुस रे मारे जाणे ते बाद बौहत सारे विश्वासी लोक यरूशलेम छड्डिने बिखरी गरे थे कने फिरदे-फिरदे फीनीके प्रदेश कने साइप्रस टापुये कने अन्ताकिया नगरा च पुज्जे; पर यहूदियां जो छड्डिने किसी होरी जो परमेशरा रा वचन नीं सुणांदे थे।

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 11:22

ताहली जे तिन्हांरी चर्चा यरूशलेम रे विश्वासियें सुणी, तां तिन्हें बरनबास जो अन्ताकिया नगरा च भेजित्या।

प्रेरितां 11:24

सै इक भला माहणु था, कने पवित्र आत्मा कने विश्वासा ते भरीरा था; कने होर बौहत सारे लोक प्रभुये च आईगे।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:27

तिन्हां दिनां च किछ विश्वासी सै जे भविष्यवक्ता थे यरूशलेम ते अन्ताकिया च आये।

प्रेरितां 13:1

अन्ताकिया नगरा री कलीसिया च कई भविष्यवक्ता कने उपदेशक थे; तियां जे : बरनबास कने शमौन तिसरा दुज्जी नौं जे नीगर था; कने लूकियुस कुरेनी, कने चौथाई देशा रे राजे हेरोदेस रा दुध भाई मनाहेम, कने शाऊल।

प्रेरितां 15:22

फेरी यरूशलेम री सारी कलीसियां रे लोकां समेत प्रेरितां कने प्राचीनां जो ये खरा लगया भई अप्पूँ चते किछ माहणुआं जो चुणीने, मतलब यहूदा तिस्सो जे बरसब्बा बोलां ये, कने सीलासा जो सै जे विश्वासियां च अगुवे; कने तिन्हांजो पौलुस कने बरनबासा सौगी अन्ताकिया नगरा रिया कलीसिया च भेज्या।

प्रेरितां 2:4

सै सब पवित्र आत्मा ने भरीगे, कने तियां जे आत्मा तिन्हांजो बोलणे री सामर्थ देयां था, सै लग-लग भाषा बोलणे लगे।

प्रेरितां 21:8

दुज्जे रोज अहें तित्थीते चलीने कैसरिया नगरा च आये, कने फिलिप्पुस खुशखबरी प्रचार करने औल़े रे घरा च सै जे सत्तां चते इक था; जाईने तित्थी रै।

प्रेरितां 22:20

तां जे तेरे गवाह स्तिफनुसा रा खून बगया राँ था तां हऊँ बी तित्थी खढ़िरा था कने इसा गल्ला च सहमत था, कने तिस्सो मारने औल़यां रे कपड़यां री रखवाली करया राँ था।’

प्रेरितां 6:10

पर सै तिसा बुद्धिमानिया ने कने पवित्र आत्मा ने बोलां था, सै तिसरे सामणे नीं टिकि सक्के।

प्रेरितां 6:3

इस खातर, मेरे भाईयो, अप्पूँ चते सात्त खरे माहणुआं जो सै जे पवित्र आत्मा कने बुद्धिया ने भरीरे हो, चुणी लवा, भई अहें तिन्हांजो ये काम्म दई-देईये।

प्रेरितां 6:8

स्तिफनुस अनुग्रह कने सामर्था ते भरी ने लोकां च बड्डे-बड्डे काम्म कने चमत्कार दस्सां था।

प्रेरितां 7:1

तां महायाजके पुच्छया, “क्या ये इल्जाम सच्चे?”

प्रकाशितवाक्य 2:15

तियां इ तेरे बिच किछ येढ़े लोक ये, सै जे नीकुलईयां री शिक्षां जो मन्नां ये।

प्रकाशितवाक्य 2:6

पर हाँ, तूह च ये खरी गल्ल इ : भई तू नीकुलईयां रे कम्मां ते नफरत कराँ, तिन्हांते जे हऊँ बी नफरत कराँ।