प्रेरितां 6:1 - बिलासपुरी नौआं नियम

¹ तिन्हां दिना च तां जे चेले गिणतिया च बौहत बधणे लगे, तां यूनानी भाषा बोलणे औल़े यहूदी चेलयां इब्रानी भाषा बोलणे औल़यां यहूदी चेलयां पर कुड़कुड़ाने लगे, भई हर रोज किया सेवा च अहां रियां विधवां री देख-भाल नीं हुंदी।

प्रेरितां 6:1 ပူးပေါင်းရင်းမြစ်များ

मत्ती 23:13

“अरे कपटी शास्त्रियो कने फरीसियो, परमेशरा तुहांजो भयानक सजा देणी! तुहें लोकां जो परमेशरा रे अधीन हुणे ते रोकां ये, तुहें तिन्हां माह्णुआं साई ये सै जे स्वर्गा रे राज्जा रा दरवाजा बन्द करी दें इस खातर भई दुज्जे परमेशरा रे नगरा च प्रवेश नीं करी सक्को; तुहें खुद त तिसच दाखल नीं हूणा चाहन्दे कने होरीं जो बी तिसच जाणे ते रोकां ये।

प्रेरितां 11:20

पर तिन्हां चते किछ विश्वासी साइप्रसवासी कने कुरेनी वासी थे, सै अन्ताकिया नगरा च आईने यूनानियां जो बी प्रभु यीशुये रिया खुशखबरिया रियां गल्लां प्रचार करने लगे।

प्रेरितां 11:26

कने ताहली जे सै तिसने मिलया तां तिस्सो अन्ताकिया नगरा जो लैई आया; कने येढ़ा हुआ भई पौलुस कने बरनबास इक्की साल्ला तका कलीसिया ने सौगी मिलदे कने बौहती लोकां जो प्रभु यीशु मसीह रा उपदेश देन्दे रै; कने सब्बीं ते पैहले अन्ताकिया बिच लोकें चेलेयां जो मसीही बोल्या।

प्रेरितां 11:29

तां चेलयां ये फैसला कित्या भई सब अपणे-अपणे धना रे मुतावक यहूदिया प्रदेशा च रैहणे औल़े मसीह विश्वासिया रे खातर अपणिया सामर्थय रे मुतावक सहायता करें।

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 2:45

सै अपणिया-अपणिया जायदात्ता कने समाना जो बेची-बेच्चीने तेढ़ी जे किसी री जरूरत हुआं थी बंडी देआं थे।

प्रेरितां 2:47

कने परमेशरा री स्तुति कराँ थे, कने सब लोक तिन्हांते खुश थे : कने सै जे छुटकारा पां थे, तिन्हांजो प्रभु हर रोज़ तिन्हां च मलाई देआं था।

प्रेरितां 4:35

कने प्रेरितां जो देआं थे; कने तेढ़ी जे किसी जो बी जरूरत हुआं थी, तितना इ सब बन्डी लेआं थे।

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

प्रेरितां 5:14

प्रभुये पर विश्वास करने औल़यां री संख्या बधदी गई। मर्द कने जनानां रा इक बड्डा समूह बणीग्या।

प्रेरितां 5:28

“क्या अहें तुहांजो समझाई ने हुक्म नीं दित्या था भई तुहें इस नौआं ते उपदेश देहां देन्दे? तां बी देक्खा, तुहें सारे यरूशलेम जो अपणे उपदेशा ते भरीत्या कने तिस माहणुये रिया हत्या रा दोष अहां पर मढ़ना चाँह थे।”

प्रेरितां 6:2

तां तिन्हें बारा प्रेरितें, चेलयां रिया मण्डलिया जो अप्पूँ ला सद्दीने गलाया, “ये ठीक निआं भई अहें परमेशरा रे वचना रा प्रचार करना बन्द करी दईये कने ख्वाणे-प्याणे री सेवा च लगीरे रौ।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

प्रेरितां 9:29

कने निधड़क हुईने प्रभु यीशुये रे नौआं रा प्रचार कराँ था; कने यूनानी भाषा बोलणे औल़े यहूदियां सौगी गल्ल-बात कने बाद-बवाद कराँ था; पर सै तिस्सो मारने रा जतन करने लगे।

प्रेरितां 9:39

तां पतरस उट्ठीने तिन्हां सौगी चली गया, कने तां जे तित्थी पुज्जया तां सै तिस्सो तित्थी लईगे। सब विधवें रोन्दियां-रोन्दियां तिसले खढ़ी ने, सै कुरते कने कपड़े जे दोरकास तिन्हांने सौगी रैंहदे बणाईरे थे, दसणे लगियां।

प्रेरितां 9:41

तिने हत्था रे सहारे ने तिसाजो ठुआलया, कने पवित्र लोकें कने विधवां जो सद्दीने तिसाजो ज्यूंदा दस्सीत्या।

रोमियो 12:7

जे किसी जो दुज्यां री सेवा करने रा बरदान मिलीरा, तां सै सेवा करो; जे कोई सखाणे औल़ा हो, तां सै सखाणे च लगीरा रौ;

1 कुरिन्थियों 10:10

कने नां तुहें कुड़कुड़ाओ, तियां जे तिन्हां चते कितणे कुड़कुड़ाये कने नाश करने औल़े दूतां रे जरिये नाश कित्ते गये।

2 कुरिन्थियों 11:22

क्या सै इब्रानी ये? तां हऊँ बी इब्रानी आ। क्या सै इस्राएली ये? तां हऊँ बी इस्राएली आ। क्या सै अब्राहम रे बंशा रे? तां हऊँ बी अब्राहम रे बंशा रा।

फिलिप्पियां 3:5

ताहली जे हऊँ अट्ठां दिनां रा था, मेरा खतना हुया था। हऊँ इस्राएली लोकां चते आ, हऊँ बिन्यामीन रे गोत्रा रा; मेरे माता-पिता इब्रानी थे तां हऊँ बी इक इब्रानी आ; इक फरीसिये साई मैं मूसा री व्यवस्था रा ध्याना ने पालन कित्तिरा।

1 तिमुथियुस 5:3

तिन्हां विधवां रा, तिन्हांरी देखभाल करने औल़ा कोई बी नीं हो तिन्हांरा आदर करा।

1 तिमुथियुस 5:9

विधवां रिया सूचिया च तिसा राई नौं लिख्या जाओ तिसारी उम्र जे साट्ठ साल्लां ते ऊपर हो, कने सै जे अपणे पतिये रे परति बफादार रैई हो,

इब्रानियों 13:1

इक दूये जो भाई-भैणा साई प्यार करदे रौआ।

याकूब 1:27

अहांरे परमेशर कने पिता रे सामणे सच्ची कने शुद्ध भगती सैई तिसच जे अनाथां कने विधवां री तिन्हांरे दुख तकलीफां च मदद करो, कने खुद अप्पूँजो कोई संसारिक कलंक नीं लगणे दित्या हो।

याकूब 4:5

क्या तुहें पवित्रशास्त्रा च लिखी रिया इसा गल्ला जो बेकार समझां ये, “परमेशरे अहांजो जीवन दित्या इसा वजह ते सै मजबूतिया ने चाँह भई अहें सिर्फ तिसरे इ ओ।”

याकूब 5:9

साथी विश्वासियो, अप्पूँ चियें इक्की दूये री शकैतां मता करदे, नैत परमेशरा बी तुहांजो सजा देणी; देक्खा, न्याय करने औल़ा त अन्दर औणे रे खातर दरवाजे पर खढ़िरा।