प्रेरितां 5:5 - बिलासपुरी नौआं नियम

⁵ ये गल्लां सुणदे इ हनन्याह थल्ले पईग्या, कने मरीग्या; कने सब सुणने औल़यां पर बड़ा डर हुई गया।

प्रेरितां 5:5 ပူးပေါင်းရင်းမြစ်များ

प्रेरितां 13:11

हुण देख, प्रभु परमेशरा तिज्जो सजा देणी; कने तू किछ बगता तका अन्हे रैहणा कने सूरजा जो नीं देखणा।” तां ताहलूं इ तिसरियां आक्खीं धुंधलि़यां कने फेरी नेहरियां हुई गियां, कने सै हत्था ने उरे-परे टोहणे लगीग्या भई कोई तिसरा हाथ पकड़ीने तिस्सो चलाणे च मदद करे।

प्रेरितां 2:43

कने यरूशलेम नगरा रे सारे लोक डरीगे, कने मते सारे हैरान करने औल़े काम्म कने चमत्कार प्रेरितां ते परगट हुणे लगे।

प्रेरितां 5:13

पर मसीह पर विश्वास नीं करने औल़यां चते किसी जो बी ये हिम्मत नीं हुंदी थी भई तिन्हां सौगी मिली जाओ; तां बी लोक तिन्हांरी बडयाई कराँ थे।

1 कुरिन्थियों 4:21

तुहें क्या चांये? क्या हऊँ डन्डा लईने तुहांले आऊं, या प्यार कने नम्रता रिया आत्मा सौगी?

2 कुरिन्थियों 13:10

इस खातर तुहां ते दूर हुन्दे हुये बी हऊँ इन्हां गल्लां जो तुहांजो लिखिराँ ताकि ताहली जे हऊँ तुहांले आऊं, तां मिन्जो प्रभुरे जरिये दित्तिरे अधिकारा ने तुहांजो नुक्शान पहुँचाणे नीं बल्कि तुहांरी आत्मिक बढ़ौतरिया रे खातर तुहांजो सख्ती नीं बरतणी पौ।

2 कुरिन्थियों 13:2

ताहली जे दुज्जी बार हऊँ तुहांजो था, मैं तुहांजो सावधान कित्या था कने हुण तां जे हऊँ तुहां ते दूर आ, हऊँ तुहांजो भीं ते सावधान कराँ, भई जे हऊँ फेरी भीं तुहांले औंगा, तां तिन्हे जे पैहले पाप कित्तिरे कने सै जे पाप करी रायें तिन्हां पर मांह दया नीं करनी।

2 कुरिन्थियों 7:11

देक्खा, सै दुख जे परमेशरा रिया तरफा तेआ तिने तुहांरे जीवना च क्या-क्या बदलाव कित्तिरा, तियां जे भई कितना उत्साह, अप्पूँजो बचाणे री चिन्ता, गुस्सा, डर, मेरने मिलणे री बेचैनी, सेवा रे प्रति तुहांरा जोश, कने पापा रे प्रति न्याय चुकाणे री भावना। तुहें हर गल्ला च ये साबित कित्या भई इस बारे च तुहें पूरी तरह निर्दोष थे।

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।

प्रकाशितवाक्य 11:5

जे कोई तिन्हौं नुक्शान करना चाओ, तां तिन्हांरे मुँआं ते आग्ग निकल़ीने तिन्हांरे दुश्मणां जो भस्म कराँ इ, कने जे कोई तिन्हांरा नुक्शान करना चाहंगा, तां जरूर इसा इ रितिया ते मारी दित्या जाणा।