प्रेरितां 5:21 - बिलासपुरी नौआं नियम

²¹ सै येढ़ा सुणीने सवेर हुन्दे इ मन्दरा च जाईने उपदेश देणे लगे। तां महायाजक कने तिसरे साथियें आईने महासभा जो कने इस्राएलियां रे सब पुरनियां जो कट्ठा कित्या, कने जेलखान्ने च पैहरेदाराँ जो बोलीने भेज्या भई तिन्हांजो लयावा।

प्रेरितां 5:21 ပူးပေါင်းရင်းမြစ်များ

मत्ती 5:22

पर हऊँ तुहांजो बोलां, भई सै माहणु जे अपणे भाईये पर गुस्सा कराँ, तिसरा परमेशरा न्याय करना, कने सै जे कोई अपणे भाईये जो निकम्मा समझीने तिसरी बेज्जति करगा तिस्सो बड्डिया सभा च परमेशरा बौहत भयानक सजा देणी; कने जे कोई अपणे भाईये जो ‘अरे मूर्ख!’ करीने बोल्लो सै नरका रिया अग्गी च सजा रा हकदार हूणा।

लूका 22:66

ताहली जे दिन हुया तां मुखियायाजकां कने शास्त्रियां समेत लोकां रे बजुर्ग नेतयां री इक सभा हुई; फेरी सै लोक तिस्सो अपणी बड्डी सभा च ली आये।

यूहन्ना 18:35

पिलातुसे गलाया, तू जाणां भई हऊँ यहूदी नींआ, तैं येढ़ा क्या कित्तिरा भई तेरे लोकें कने मुखियायाजकें तिज्जो मेरे हवाले करित्या?

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

प्रेरितां 22:15

काँह्भई तू तिसरिया दुखा ते सब्बीं माहणुआं रे सामणे तिन्हां गल्लां रा गवाह हूणा सै जे तैं देख्या कने सुणेया।

प्रेरितां 22:5

इस गल्ला खातर महायाजक कने महांसभा रे सब बजुर्ग गवाह ये भई तिन्हांते हऊँ यहूदी भाईयां रे नौआं पर चिट्ठियां लईने दमिश्क नगरा जो जाया राँ था, भई सै जे तित्थी हो तिन्हांजो बी सजा दिलाणे खातर बन्हीने यरूशलेम जो ल्याऊं।

प्रेरितां 5:17

तां महायाजक कने तिसरे सब साथी सै जे सदूकियां रे मण्डल़िया रे थे चेलयां रा हिरख करीने तिन्हांरे खिलाफ कार्यवाई करने रे बारे च तैह कित्या।

प्रेरितां 5:27

तिन्हें चेलयां जो ल्याईने महासभा रे सामणे खड़ा करित्या तां महायाजके तिन्हांते पुच्छया,

प्रेरितां 5:34

पर गमलीएल नौआं रा इक फरीसी सै जे व्यवस्थापक कने सब्बीं लोकां च खरा था, कचैहरिया च खड़े हुईने प्रेरितां जो थोड़िया देरा खातर बाहरा जो भेजणे रा हुक्म दित्या।

प्रेरितां 5:41

सै इस गल्ला ते खुश हुईने महासभा रे सामणे ते चलीगे, भई अहें यीशुये रे खातर बदनाम हुणे लायक त बणे।