प्रेरितां 5:15 - बिलासपुरी नौआं नियम

¹⁵ इसरा ये परिणाम हुया भई लोक बमाराँ जो मंजयां कने मंजोलुआं पर सुआई ने ल्याणे लगे कने गल़ियां च रखणे लगे, भई तां जे पतरस आओ, तां तिसरा परछौंवा इ तिन्हां चते किसी पर पई जाओ।

प्रेरितां 5:15 ပူးပေါင်းရင်းမြစ်များ

मत्ती 14:36

कने तिसने अरज करने लगे भई सै तिन्हांजो अपणे कपड़यां रिया कनारिया नेई छोणे देओ; कने जितने जे तिसने छोये, सै सब जणे ठीक हुईगे।

मत्ती 9:21

काँह्भई सै छोणे ते पैहले अपणे मना च सोच्चीराँ थी, “जे हऊँ जरा बी इसरे कपड़यां जो छुई लुँ, तां बी मांह ठीक हुई जाणा।”

मरकुस 6:55

सै नेड़े-तेड़े रे सारयां लाकयां च दौड़ीने गए कने सै बमाराँ जो मंजोलिया पर रखीने तिसा जगह पर लेईगै तित्थी जे तिन्हें लोकां जो बोलदे सुणया भई यीशु ऊत्थी गया था।

यूहन्ना 14:12

हऊँ तुहांजो सच-सच बोलां, जो कोई माह पर विश्वास करगा तिस सै काम्म करने, तिन्हांजे हऊँ कराँ, इन्हां कम्मां ते बी बधीने तिस बड्डे-बड्डे काम्म करने काँह्भई हऊँ पिता लौ जाय राँ।

प्रेरितां 28:9

ताहली जे येढ़ा हुआ तां तिस टापुये रे बाकी बमार लोक पौलुस ले आये कने ठीक हुईने गै।

प्रेरितां 5:16

यरूशलेम रे आसे-पासे रे नगराँ ते बौहत लोक बमाराँ कने बुरीआत्मा रे सताई रयां जो ल्याई-ल्याईने, कट्ठे हुआं थे, कने सब ठीक करी दित्ते जां थे।