प्रेरितां 4:30 - बिलासपुरी नौआं नियम

³⁰ चंगा करने खातर तू अपणा हाथ अग्गे कर भई चमत्कारी नशाण कने हैरान करने औल़े काम्म तेरे पवित्र दास यीशुये रे नौआं ते कित्ते जाओ।”

प्रेरितां 4:30 ပူးပေါင်းရင်းမြစ်များ

यूहन्ना 4:48

यीशुये तिसने गलाया, “तदुआं तक जे तुहें चमत्कारा रे काम्म नीं देक्खी लेंगे ताहलुआं तक तुहां विश्वास नीं करना।”

प्रेरितां 2:22

“हे इस्राएलियो, ये गल्लां सुणा: यीशु नासरी इक माहणु था तिसरा परमेशरा खा ते हुणे रा सबूत तिन्हां सामर्था रे कम्मा कने हैरानिया रे कम्मां कने चमत्काराँ ते परगट आ, सै जे परमेशरे तुहांरे बिच तिसरे जरिये करीने दस्से तिस्सो जे तुहें अप्पूँ इ जाणाँ ये।

प्रेरितां 2:43

कने यरूशलेम नगरा रे सारे लोक डरीगे, कने मते सारे हैरान करने औल़े काम्म कने चमत्कार प्रेरितां ते परगट हुणे लगे।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

प्रेरितां 3:16

कने तिस विश्वासा ते सै जे यीशु मसीह रिया वजह ने, इस माहणुये जो तिस्सो जे तुहें जाणाँ ये कने तिस्सो जे तुहें इस वगत बी देख्या राँये, सामर्थ दित्ति गैईरी। सै माहणु यीशुये रे नौआं च कने यीशु मसीह च विश्वासा रे जरिये विल्कुल ठीक-ठाक हुईरा तियां जे भई तुहें अप्पूँ खुद देखी सक्कां ये।

प्रेरितां 3:6

तां पतरसे गलाया, “चाँदी कने सोना त मेरले निआं, पर जो किछ मेरले आ तिस्सो हऊँ तिज्जो देआं; यीशु मसीह नासरिये रे नौआं ते उट्ठ कने चल फिर।”

प्रेरितां 4:10

तां तुहें सब होर सारे इस्राएली लोक जाणी लो भई नासरत रा रैहणे औल़े यीशु मसीह रे नौआं ते कित्या गैईरा। तिस यीशुये जो जे तुहें क्रूसा पर चढ़ाया था, पर परमेशरे तिसजो मूईरेयां चते ज्यूंदा कित्या। आज तिसरे इ नौआं रे जरिये ये माहणु तुहांरे सामणे भला-चंगा खढ़िरा।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,

प्रेरितां 5:12

प्रेरितां रे जरिये बड़े हैरान करने औल़े काम्म कने चमत्कारी नशाण लोकां च दस्या जां थे, कने सारे मसीह विश्वासी इक मन हुईने सुलैमाना रे बराण्डे च कट्ठे हुआं थे।

प्रेरितां 6:8

स्तिफनुस अनुग्रह कने सामर्था ते भरी ने लोकां च बड्डे-बड्डे काम्म कने चमत्कार दस्सां था।