प्रेरितां 4:29 - बिलासपुरी नौआं नियम

²⁹ हुण हे प्रभु तिन्हांरियां धमकियां जो सुण; कने अपणे दास्सा जो ये वरदान दे भई तेरा वचन बड़े हौंसले ने सुणाईये।

प्रेरितां 4:29 ပူးပေါင်းရင်းမြစ်များ

प्रेरितां 13:46

तां पौलुसे कने बरनबासे निडर हुईने गलाया, “जरूरी था भई परमेशरा रा वचन पैहले तुहांजो सुणाया जान्दा; पर ताहली जे तुहें तिसरा इन्कार कराँ ये, कने अप्पूँजो अनन्त जीवना रे लायक नीं ठहराँदे, तां हुण अहें अन्यजाति लोकां ले जाणा।

प्रेरितां 14:3

कने पौलुस कने बरनबास बौहत दिनां तका तित्थी रये, कने प्रभुये रे भरोसे पर हिम्मता ने गल्लां कराँ थे; कने प्रभुये तिन्हांरे हत्थां ते बड़े-बड़े चमत्कारी नशाण दस्सीने कने नोखे काम्म करीने ये साबित कित्या भई अनुग्रह रे बारे च तिन्हांरा सन्देश सच्चा था।

प्रेरितां 19:8

फेरी पौलुस यहूदी सभा घर च जाईने तिन्नां महीनयां तका निडर हुईने बोलदा रैया, कने परमेशरा रे राज्जा रे बारे च विवाद करदा कने समझांदा रैया।

प्रेरितां 26:26

राजा बी ये गल्लां जाणाँ, तिसरे सामणे जे हऊँ निडर हुईने गलाया राँ; कने मिन्जो विश्वास आ, भई इन्हां गल्लां चते कोई बी तिसते छिपीरी नीं, काँह्भई ये घटना सारयां लोके सुणिरी भई यीशु मसीह सौगी क्या हुईरा।

प्रेरितां 28:31

कने सै जे तिसला औवां थे, तिन्हां सब्बीं ने मिलदा रैया कने बिणा रोक टोक बौहत निडर हुईने परमेशरा रे राज्जा रा प्रचार करदा कने प्रभु यीशु मसीह री गल्लां सखांदा रैया।

प्रेरितां 4:13

ताहली जे तिन्हें पतरस कने यूहन्ना रा हौंसला देख्या, तां सै तिन्हांजो अनपढ़ कने सिधे-साधे माहणु समझीने हैरान हुये; फेरी तिन्हें पछयाणया भई ये यीशुये सौगी रईरे।

प्रेरितां 4:21

फेरी तिन्हें पतरस कने यूहन्ने जो धमकाई ने छडित्या, काँह्भई लोकां रिया वजह ते तिन्हांजो सजा देणे रा कोई दाव नीं मिलया, इस खातर भई सै जे घटना हुईरी थी तिसरिया वजह ते सब लोक परमेशरा री बडयाई करया राँ थे।

प्रेरितां 4:31

तां जे सै प्राथना करी चुक्के, तां जगह तित्थी जे सै कट्ठे थे हिल्लीगी, कने सै सब पवित्र आत्मा ते भरीगे, कने परमेशरा रा वचन हिम्मता ने सुणांदे रै।

प्रेरितां 9:27

पर बरनबासे तिस्सो अप्पूँ सौगी प्रेरितां ला नेईने तिन्हांजो दस्या भई इने किस तरिके ने दमिश्क नगरा जो जान्दे वगत रस्ते च प्रभुये जो देख्या, कने तिने इसने गल्लां कित्तियां; फेरी दमिश्क नगरा च शाऊले बेझिझक हुईने यीशुये रे नौआं रा प्रचार कित्या।

प्रेरितां 9:28

शाऊल प्रेरितां सौगी यरूशलेम नगरा च औन्दा-जान्दा रैया

1 कुरिन्थियों 14:13

इस वजह ते सै जे होर भाषा बोल्लो, तां सै प्राथना करो भई तिसरा मतलब बी दस्सी सक्को।

2 कुरिन्थियों 3:12

इस खातर अहें अपणिया इसा आशा रिया वजह ने भरोसे ने बोलां ये।

फिलिप्पियां 1:14

कने प्रभु च सै जे विश्वासी ये, तिन्हां चते जादातर विश्वासियां जो मेरे कैद हुणे रिया वजह ने बड़ा जोश आया, कने जादा ते जादा जोशा ने परमेशरा रा वचन निधड़क हुईने सुणाई रायें।

1 थिस्सलुनीकियां 2:2

पर तुहें खुद जाणाँ ये भई अहें पैहले फिलिप्पी शहरा च दुख भोगणे कने उपद्रव सैहणे ते बाद बी अहांरे परमेशरे येढ़ि हिम्मत दित्ति, भई अहें परमेशरा री खुशखबरी बड़े बरोधा रे उपरान्त बी तुहांजो सुणाई सक्को।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।