प्रेरितां 4:10 - बिलासपुरी नौआं नियम

¹⁰ तां तुहें सब होर सारे इस्राएली लोक जाणी लो भई नासरत रा रैहणे औल़े यीशु मसीह रे नौआं ते कित्या गैईरा। तिस यीशुये जो जे तुहें क्रूसा पर चढ़ाया था, पर परमेशरे तिसजो मूईरेयां चते ज्यूंदा कित्या। आज तिसरे इ नौआं रे जरिये ये माहणु तुहांरे सामणे भला-चंगा खढ़िरा।

प्रेरितां 4:10 ပူးပေါင်းရင်းမြစ်များ

मत्ती 2:23

कने नासरत नौआं रे नगरा च जाईने बसीग्या, ताकि सै बचन पूरा ओ, सै जे भविष्यवक्तयां यीशुये रे बारे च दस्या था : भई “तिस्सो लोकां जाणना भई सै नासरत नगरा ते आ।”

लूका 18:37

तिन्हें तिस्सो दस्या भई नासरत गाँवां रा यीशु जाईराँ।

प्रेरितां 2:32

इस इ यीशुये जो परमेशरे जिऊंदा कित्या, तिसरे जे अहें सारे गवाह ये।

प्रेरितां 2:36

“इस खातर हुण इस्राएल रे सारे माहणु पक्के तरिके ने जाणी लो भई परमेशरे तिस इ यीशुये जो तिस्सो जे तुहें क्रूसा पर चढ़ाया, प्रभु बी ठहराया कने मसीह बी।”

प्रेरितां 28:28

इस खातर तुहें जाणो भई परमेशरा रे इस छुटकारे री कथा अन्यजातियां ले भेज्जी गईरी, कने तिन्हां ग्रहण करनी।”

प्रेरितां 3:6

तां पतरसे गलाया, “चाँदी कने सोना त मेरले निआं, पर जो किछ मेरले आ तिस्सो हऊँ तिज्जो देआं; यीशु मसीह नासरिये रे नौआं ते उट्ठ कने चल फिर।”

रोमियो 1:4

कने पवित्र आत्मा रे जरिये यीशु मसीह मूईरेयां चते जिऊंदा हुईने सामर्था सौगी परमेशरा रा पुत्र घोषित कित्या गया।