प्रेरितां 3:19 - बिलासपुरी नौआं नियम

¹⁹ इस खातर, मन फिरावा कने वापस आई जावा भई तुहांरे पाप माफ कित्ते जाओ, तिसते जे प्रभुये रे सामणे तसल्लिया ने रमान्ना रे दिन आओ,

प्रेरितां 3:19 ပူးပေါင်းရင်းမြစ်များ

मत्ती 13:15

काँह्भई ये लोक मेरियां गल्लां सुणने रे लायक नींये, मेरियां गल्लां तिन्हांरे मनां च नीं उतरदियां; ताकि सै अपणियां आक्खीं ते किछ बी नीं देक्खो, कने सै कन्नां ते किछ नीं सुणी पाओ या भई अपणे मना ते कदीं नीं समझो, कने कदीं मेरेखौ मुड़ीने आओ, कने तिसते जे हऊँ तिन्हांरा छुटकारा करूँ।’ ”

मत्ती 18:3

कने बोल्या “हऊँ तुहांजो सच्च बोलां भई जे तुहें बदली ने बच्चयां साई नम्र नीं ओ, तां परमेशरा तुहां पर राज करने जो सैहमत नीं हूणा।

लूका 1:16

ताहली जे तिस बड्डे हुई जाणा, ताहली तिस अपणे प्रचारा ते मते सारयां इस्राएली लोकां जो तिन्हारे प्रभु परमेशरा पासे लैई औणा।

लूका 22:57

पतरसे इसा गल्ला ते नां किति कने गलाया, “नारी, हऊँ त तिस्सो जाणदा तक निआं!”

प्रेरितां 1:6

इस खातर ताहली जे सै फेरी भीं कट्ठे हुये, तिन्हें यीशुये ते ये स्वाल कित्या, “प्रभु, क्या सै वगत आईगरा ताहली जे तुहां इस्राएल रा राजा बणीने सब्बीं लोकां पर राज करना?”

प्रेरितां 11:18

येढ़ा सुणी ने यहूदी विश्वासी चुप रै, कने परमेशरा री बडयाई करीने बोलणे लगे, “तां परमेशरे अन्यजातियां जो बी अनन्त जीवना खातर मन फराणे रा दान दित्तिरा।”

प्रेरितां 11:21

परमेशरा रा सामर्थ तिन्हां पर था, कने बौहत सारे अन्यजातियां रे लोकें तिन्हांरे सन्देशा पर विश्वास कित्या कने प्रभु यीशुये री तरफ फिरे।

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 17:26

“इक्की माहणुये ते तिने माहणुआं रियां सारियां जातियां बणाईयां ताकि सै सारिया धरतिया पर बसी जाओ; कने तिने इ लोकां रा बगत तैह करित्या कने तिसा जगह री, तित्थी जे सै रौ, सीमायें बन्ही तियां,

प्रेरितां 2:38

पतरसे तिन्हांने गलाया, “मन फिरावा, कने तुहां चते सब अपणे-अपणे पापां री माफिया खातर यीशु मसीह रे नौआं ते बपतिस्मा लौ; तां तुहां पवित्र आत्मा रा दान पाणा।

प्रेरितां 28:27

काँह्भई इन्हां लोकां रा मन कठोर ये कने इन्हांरे कान्न सुणी नीं सकदे, कने इन्हें अपणियां आक्खीं बन्द कित्ती रियां, इस खातर इन्हां रियां आक्खीं देखी नीं सकदियां, कने कान्न सुणी नीं सकदे, कने ये मना ते समझी नीं सकदे, जे ये नीं हुन्दा तां सै फिरी जान्दे, कने हऊँ तिन्हांजो चंगा करी देन्दा।’

प्रेरितां 3:20

कने सै यीशुये जो भेज्जो तुहां खातर सै जे पैहले तेई मसीह चुणी रखीरा।

प्रेरितां 3:21

जरूरी आ भई यीशु स्वर्गा च तिस बगता तक रौ तदुआं तका जे सब्बीं गल्लां रा सुधार नीं करी लो, तिसरे बारे च जे पुराणे वगता ते परमेशरे अपणे पवित्र भविष्यवक्तयां रे मुँआं ते दस्सीरा।

रोमियो 11:25

अन्यजातियां रे मेरे साथी विश्वासियो, हऊँ चाँह भई तुहें इस भेता जो समझो ताकि तुहें अपणे बारे च घमण्ड नीं करो। इस्राएल रे किछ लोक येढ़े इ कठोर बणाई दित्तिरे, कने येढ़े इ कठोर बणीने रैहणे तदुआं तक जे भई कई अन्यजातियां रे लोक मसीह च नीं आई जाणे।

2 थिस्सलुनीकियां 1:10

ये तिस दिन हूणा, ताहली जे प्रभुये अपणे पवित्र लोकां ते महिमा पाणे कने सब विश्वास करने औल़यां ते आदर पाणे खातर फेरी भीं औंणा; कने तुहां बी तिन्हांरे बिच हूणा काँह्भई तुहें अहांरे सन्देशा पर विश्वास कित्या।

2 थिस्सलुनीकियां 1:7

कने तुहें सै जे पीड़ा सैयां राँये कने अहांजो बी तिस चैन देणा। ये तिस वगत हूणा ताहली जे प्रभु यीशुये अपणे सामर्थी दूतां सौगी, भड़की रिया अग्गी च स्वर्गा ते प्रगट हूणा,

2 तिमुथियुस 2:25

तिस्सो अपणे बरोधियां जो बी इसा आशा ने विनम्रता सौगी समझाणा चाहिन्दा भई परमेशरा तिन्हांरे मना जो बदलने च कने मसीह री सही शिक्षां जो बी जाणने च मदद करनी।

इब्रानियों 4:1

ताहली जे परमेशरे अहांने वायदा कित्तिरा भई अहें विस्राम रिया जगह प्रवेश करगे, तां अहांजो इस खातर चौकस रैहणा चाहिन्दा ताकि तुहां चते कोई तित्थी जाणे ते बंचित नीं रौ।

1 पतरस 2:25

पैहले तुहें भटकी रियां भेड्डां साई थे, पर हुण अपणे प्राणां रे चरवाहे कने देख-रेख करने औल़े ले वापस आई चुक्कीरे।

2 पतरस 3:8

पर मेरे प्यारे मित्रो, इसा इक्की गल्ला जो मता भुलदे: प्रभुरे खातर इक दिन हजार साल्ला रे बराबर ये कने हजार साल इक्की दिना रे बराबर आ; तिसरे खातर इक दिन कने हजार साल दोन्नों बराबर ये।

प्रकाशितवाक्य 21:4

कने तिस तिन्हांरियां आक्खीं ते सारे आंसु पुंजी देणे; इसते बाद मौत नीं रैहणी, कने नां दुख, नां वलाप, नां पीड़ा रैहणी; काँह्भई पुराणियां गल्लां बीती गियां।”