प्रेरितां 3:14 - बिलासपुरी नौआं नियम

¹⁴ तुहें यीशुये रा इन्कार कित्या सै जे पवित्र कने धर्मी था कने इक हत्यारे जो तुहां खातर छडणे जो विनती कित्ती,

प्रेरितां 3:14 ပူးပေါင်းရင်းမြစ်များ

मत्ती 27:20

मुखियायाजकें कने बजुर्ग यहूदी नेतयां लोकां जो बहकाया भई सै पिलातुसा ते बरअब्बा जो छडणे री कने यीशुये जो मारने री मांग करा।

मरकुस 1:24

तिने चिल्लाई ने गलाया, “हे यीशु नासरी, अहांजो तेरते क्या काम्म आ? क्या तू अहांरा नाश करने आईरा? हऊँ तिज्जो जाणाँ, भई तू कुण आ, तू परमेशरा रा पवित्र पुत्र आ!”

मरकुस 15:11

पर मुखियायाजकें लोकां जो भड़काया भई सै पिलातुस ते यीशुये रे बदले बरअब्बा जो छडणे री माँग करो।

मरकुस 15:7

तिस वगत बरअब्बा नौआं रा इक माहणु था, सै जे किछ होर लोकां सौगी जेल्ला च था, काँह्भई तिने जे रोमी सरकारा रे बरोधा च दंगा करीने किछ लोकां री हत्या कित्तिरी थी।

लूका 1:35

इसा गल्ला पर स्वर्गदूते तिसाजो जबाब दित्या, “पवित्र आत्मा तेरे ऊपर उतरना, कने परमप्रधान परमेशरा री महान सामर्थ तू पर छाणी। इस खातर तेरते सै जे न्याणा जमणा सै पवित्र हूणा, कने सै परमेशरा रा पुत्र कहलाया जाणा।

लूका 23:25

पिलातुसे तिस माहणुये जो छडित्या सै जे मार कुट करने कने खून्ना रे जुरमा च जेल्ला च बन्द कीतिरा था, कने यीशुये जो तिन्हारे हवाले करित्या भई सै तेढ़ा जे चांयें, करा।

यूहन्ना 16:10

धार्मिकता रे बारे च इस खातर काँह्भई हुण हऊँ परमेशर पिता लौ जाईराँ कने तुहां मिन्जो नीं देखणा।

यूहन्ना 18:40

तां सै फेरी भीं जोरा-जोरा ने रौल़ा पाणे लगे, इस्सो नीं पर बरअब्बा जो छड्डी दे। बरअब्बा खुंखार मुजरिम था।

प्रेरितां 13:28

“तिन्हें मारी देणे लायक कोई दोष तिसच नीं पाया, तां बी पिलातुस राजपाल ते विनती कित्ती भई तिस्सो मारया जाओ।

प्रेरितां 2:27

काँह्भई तू मेरे प्राणा जो अधोलोका च नीं छडणा; कने नां अपणे पवित्र माहणुये जो सड़ने देणा।

प्रेरितां 22:14

“तां तिने गलाया, ‘अहांरे पूर्वजां रे परमेशरे तिज्जो इस खातर ठहराईरा भई तू तिसरिया इच्छा जो जाणो, कने तिस धर्मिये जो देखो कने तिसरे मुँआं ते गल्लां सुणो।

प्रेरितां 4:27

“काँह्भई सचमुच तेरे सेवक यीशुये रे बरोधा च, तिस राजे तैं अभिषेक कित्या, हेरोदेस कने पुन्तियुस पिलातुस बी अन्यजातियां कने इस्राएलियां ने सौगी इस नगरा च कट्ठे हुये,

प्रेरितां 5:28

“क्या अहें तुहांजो समझाई ने हुक्म नीं दित्या था भई तुहें इस नौआं ते उपदेश देहां देन्दे? तां बी देक्खा, तुहें सारे यरूशलेम जो अपणे उपदेशा ते भरीत्या कने तिस माहणुये रिया हत्या रा दोष अहां पर मढ़ना चाँह थे।”

प्रेरितां 7:52

भविष्यवक्तयां चते किस्सो तुहांरे पूर्वजें नीं सताया? तिन्हें तिस मसीहे रे औणे रा पुराणे बगता ते सन्देश देणे औल़यां जो मारीत्या; कने हुण तुहें बी तिसरे पकड़वाणे औल़े कने मारने औल़े बणे।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

याकूब 5:6

सै लोक जे अपणा बचाव खुद नीं करी सक्कां थे, तिन्हां लोकां जो तुहें दोषी ठैहराया कने मारी बी दित्या।

1 पतरस 3:18

हऊँ इस खातर सै बोलां भई, मसीहे बी दुख सैहण कित्या कने अहांरे पापां रे खातर इक इ बार मरया। सै धर्मी माहणु था सै जे पापी लोकां रे खातर मरया, ताकि सै तुहांजो परमेशरा रे नजदीक ल्याई सक्को। तिसरी शारीरिक मौत त हुईगी, पर सै परमेशरा रिया आत्मा रे जरिये जिऊंदा कित्या गया।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

प्रकाशितवाक्य 3:7

तिने बी मिन्जो बोल्या, “फिलदिलफिया नगरा रिया कलीसिया रे दूता जो ये सन्देश लिख: हऊँ इ पवित्र कने सच्चा, कने मेरले दाऊद री चाबी, कने सै जे हऊँ खोल्लां तिस्सो कोई बन्द नीं करी सकदा, कने सै जे हऊँ बन्द कराँ तिस्सो कोई खोल्ही नीं सकदा, ये हऊँ बोलां: