प्रेरितां 28:9 - बिलासपुरी नौआं नियम

⁹ ताहली जे येढ़ा हुआ तां तिस टापुये रे बाकी बमार लोक पौलुस ले आये कने ठीक हुईने गै।

प्रेरितां 28:9 ပူးပေါင်းရင်းမြစ်များ

मत्ती 4:24

सारे सीरिया प्रदेशा च तिसरी खबर फैलीगी; इस खातर लोक येढ़े सारयां माहणुआं जो सै जे बमार थे, कने कई तरह री बमारियां कने दुखां ने जकड़ोईरे थे, कने तिन्हां च जे बुरी आत्मां थिआं, तिन्हांजो जे मिर्गी औआं थी कने लकवे रे मारीरे थे, तिसले लौणे लगे। यीशुये तिन्हांजो ठीक कित्या।

प्रेरितां 13:6

सै तिस सारे टापुये चियें जान्दे हुये पाफुस नगरा तक पुज्जे। तित्थी तिन्हांजो बार-यीशु नौआं रा इक यहूदी टोणा कने झूट्ठा भविष्यवक्ता मिलया।

प्रेरितां 28:10

तिन्हें अहांरा बौहत आदर कित्या, कने ताहली जे अहें तिन्नां महीनयां ते बाद चलने लगे तां जो किछ अहां खातर जरूरी था, जहाजा पर रखीत्या।

प्रेरितां 28:8

पुबलियुस रा पिता बुखार कने खून बगणे रा रोगी था। इस खातर पौलुसे तिसरे कमरे च जाईने प्राथना कित्ती कने तिस परा हाथ रखीने तिस्सो ठीक करित्या।

प्रेरितां 5:12

प्रेरितां रे जरिये बड़े हैरान करने औल़े काम्म कने चमत्कारी नशाण लोकां च दस्या जां थे, कने सारे मसीह विश्वासी इक मन हुईने सुलैमाना रे बराण्डे च कट्ठे हुआं थे।

प्रेरितां 5:15

इसरा ये परिणाम हुया भई लोक बमाराँ जो मंजयां कने मंजोलुआं पर सुआई ने ल्याणे लगे कने गल़ियां च रखणे लगे, भई तां जे पतरस आओ, तां तिसरा परछौंवा इ तिन्हां चते किसी पर पई जाओ।