प्रेरितां 28:4 - बिलासपुरी नौआं नियम

⁴ तां जे तिन्हें निवासियें सप्पा जो तिसरे हत्था ने लटकोई रा देख्या, तां अप्पूँ चियें गलाया, “सचमुच ये माहणु हत्यारा हुँगा भई समुद्रा ते तां बची गया, तां बी अहांरी देबिये पौलुसा जो ज्यूंदा रैहणे नीं दित्या।”

प्रेरितां 28:4 ပူးပေါင်းရင်းမြစ်များ

मत्ती 23:35

जिसते धर्मी हाबिल ते लेईने बरिक्याह रे पुत्रा जकर्याह तक, तिस्सो जे तुहें परमेशरा रे मन्दरा कने बेदिया रे बिच मारीत्या था, जितणयां धर्मी लोकां रा खून धरतिया पर बगाईरा, तिन्हां रिया हत्या रे दोषी तुहें हुणे।

मत्ती 27:25

सारयां लोकें जबाब दित्या, “इसरे खून्ना री जबाबदेही अहें कने अहांरे बच्चे स्वीकार कराँ ये।”

लूका 13:2

ये गल्लां सुणीने यीशुये जबाब दित्या, “क्या तुहें येढ़ा समझां ये भई ये गलीली, बाकी सबनीं गलीलियां ते जादा पापी थे? क्या तांई इस खातर तिन्हां पर येढ़ि आफ़त आई?

लूका 13:4

तुहें तिन्हां ठारा माहणुआं रे बारे च क्या सोचां ये, तिन्हां पर जे शीलोह लाके च पथराँ री बणीरी सबनीं ते ऊच्ची दवाल रुढ़ि कने सै तिसा हेठ दबोईने मरीग्ये; तां क्या सै यरूशलेम च रैहणे औल़यां चा ते जादा पापी थे?

यूहन्ना 7:24

मुँह देखीने न्याय नीं करा, पर सच्चाईया रे मुतावक ठीक न्याय करा।”

प्रेरितां 28:2

कने तित्थी रे रैहणे औल़यां अहां पर महान दया करीने अहांजो ग्रहण कित्या; काँह्भई बरखा बरसणे ते ठण्ड हुया राँ थी, इस खातर तिन्हें आग्ग बाल़ीने अहां सब्बीं जो सकाया।

प्रेरितां 28:3

ताहली जे पौलुसे लकड़ियां रा अंगड़ु कट्ठा करीने अग्गी पर रखया, तां इक सप्प सेक्का ते निकल़या कने तिसरे हत्था च लपेठि गया।

प्रेरितां 28:5

तां तिने सप्पा जो अग्गी च ठुटकित्या, कने तिस्सो किछ नुक्शान नीं हुया।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”