प्रेरितां 27:17 - बिलासपुरी नौआं नियम

¹⁷ फेरी जहाजा रे कर्मचारी दल रे माहणुएं तिसाजो चक्कीने कई कोशिशां ते जहाजा जो थल्ले ते लेईने उपरा तक रस्से ने कस्सीने बन्हीत्या, कने सुरतिस खाड़िया रे चोर रेता पर फसी जाणे रे डरा ते तिन्हें लंगर जो थोड़ा जेआ थल्ले उतारी ने जहाजा जो हवा रे बहावा सौगी-सौगी बैहणे रे खातर छड्डीत्या।

प्रेरितां 27:17 ပူးပေါင်းရင်းမြစ်များ

प्रेरितां 27:16

तां कौदा नौआं रे इक्की छोट्टे जे टापुये रिया आड़ा च बगदे-बगदे अहें मुश्कला ने जीवन बचाणे औल़ी किश्तिया जो वशा च करी सक्के।

प्रेरितां 27:26

पर अहांजो किसी टापुये पर जाईने रुकणे पौणा।”

प्रेरितां 27:29

तां जे पत्थराँ औल़ियां जगहां ते बचणे रे डरा ते तिन्हें जहाजा री पछाड़िया खौ चार लंगर सट्टे, कने सबेर हुणे री कामना करदे रै।

प्रेरितां 27:40

फेरी तिन्हें लंगरा जो खोली ने समुद्रा च छड्डीत्या कने तिस बगत पतवाराँ रे बन्धन ढीले करी ते, कने हवा रे सामणे रा अगला पाल चढ़ाईने कनारे खा चले।

प्रेरितां 27:41

पर दुईं समुद्राँ रे संगमा रिया जगह जो पढ़ीने तिने जहाजा जो रोकया, कने तिसरा अगला हिस्सा त रुकिग्या कने टल़ी नीं सक्की; पर पछाड़ी लैहराँ रे जोरा ते टुटणे लगी।