प्रेरितां 26:4 - बिलासपुरी नौआं नियम

⁴ “तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये।

प्रेरितां 26:4 ပူးပေါင်းရင်းမြစ်များ

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 24:14

पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

गलातियां 1:13

यहूदी धर्मा च हऊँ पैहले कियां जीया राँ था, तिस्सो तुहें सुणी चुक्कीरे, कने तुहें ये बी जाणाँ ये भई मैं परमेशरा रिया कलीसिया जो कितना सताईरा कने तिसारा नौं नशाण तक मटयाणे री कोशिश कित्ती।

फिलिप्पियां 3:5

ताहली जे हऊँ अट्ठां दिनां रा था, मेरा खतना हुया था। हऊँ इस्राएली लोकां चते आ, हऊँ बिन्यामीन रे गोत्रा रा; मेरे माता-पिता इब्रानी थे तां हऊँ बी इक इब्रानी आ; इक फरीसिये साई मैं मूसा री व्यवस्था रा ध्याना ने पालन कित्तिरा।

2 तिमुथियुस 3:10

किछ बी हो, तू मेरिया शिक्षा जो जाणाँ, मेरा जीणे रा ढंग, जीणे रा मकसद, मेरा विश्वास, मेरी सैहणे री ताकत, मेरा प्यार, मेरा धीरज