प्रेरितां 26:2 - बिलासपुरी नौआं नियम

² “हे राजा अग्रिप्पा तितनियां गल्लां रा जे यहूदी अगुवे माह पर दोष लाया रायें, आज्ज तेरे सामणे तिन्हांरा जवाब देणे ते हऊँ अप्पूँजो धन्या समझां,

प्रेरितां 26:2 ပူးပေါင်းရင်းမြစ်များ

मत्ती 10:19

ताहली जे तिन्हां तुहांजो पकड़वाणा तां इसा गल्ला री चिन्ता नीं करयों भई तुहां कियां बोलणा कने क्या बोलणा; काँह्भई जो किछ तुहांजो बोलणा हुँगा सै तिस वगत तुहांजो दस्सी दित्या जाणा।

लूका 12:11

“ताहली जे लोक तुहांजो यहूदी सभा घराँ च, राजयां कने राजपालां रे सामणे तुहां पर मुकद्दमा चलाणे खातर लेई जो, तां इसा गल्ला री चिन्ता नीं करयों भई अपणे बचावा खातर क्या जवाब देईये।

लूका 21:12

पर इन्हां सारियां गल्लां ते पैहले, तिन्हां माह पर विश्वास करने रिया वजह ने तुहें पकड़ने, कने सताणे, कने यहूदी सभा घराँ च सौंपणे, कने जेल्लां च पाये जाणे, कने राजयां कने राजपालां रे सामणे लैई जाणे।

प्रेरितां 25:26

पर मैं इसरे बारे च कोई पक्की गल्ल नीं पाई भई बादशाह जो लिखुं, इस खातर मैं इस्सो तुहांरे सामणे कने खास करीने हे राजा अग्रिप्पा, तेरे सामणे लन्दीरा, भई जाँचणे ते बाद मिन्जो किछ लिखणे जो मिलो।

प्रेरितां 26:1

अग्रिप्पे पौलुसा ने गलाया, “तिज्जो अपणे बारे च बोलणे रा हुक्म आ।” तां पौलुस चुप रैहणे खातर हत्था रा ईशारा करीने जवाब देणे लगया,

प्रेरितां 26:19

“इस खातर हे राजा अग्रिप्पा, मैं तिस स्वर्गीय दर्शणा रा पालन कित्या,

प्रेरितां 26:26

राजा बी ये गल्लां जाणाँ, तिसरे सामणे जे हऊँ निडर हुईने गलाया राँ; कने मिन्जो विश्वास आ, भई इन्हां गल्लां चते कोई बी तिसते छिपीरी नीं, काँह्भई ये घटना सारयां लोके सुणिरी भई यीशु मसीह सौगी क्या हुईरा।

प्रेरितां 26:3

खास करीने इस खातर भई तू यहूदियां रे सब्बीं रीति रिवाजां कने विवादां जो जाणाँ। इस खातर हऊँ विनती कराँ, धीरजा ने मेरी सुणी लै।

प्रेरितां 26:7

तिसा प्रतिज्ञा रे पूरे हुणे री आशा लाईने, अहांरे बारा गोत्र अपणे सारे मना ते रात दिन परमेशरा री अराधना करदे आया रायें। हे राजा, इसा इ आशा रे बारे च यहूदी अगुवे मांह पर दोष लांये।