प्रेरितां 24:14 - बिलासपुरी नौआं नियम

¹⁴ पर ये हऊँ तेरे सामणे मन्नी लेआं, भई यीशु मसीह पर विश्वास करने औल़यां लोकां जो ये कुपन्थ बोलां ये, पर हऊँ अपणे पूर्वजां रे परमेशरा री सेवा करया राँ; कने सै जे गल्लां व्यवस्था कने भविष्यवक्ता री कताबां च लिखी रियां, तिन्हां सब्बीं पर विश्वास कराँ।

प्रेरितां 24:14 ပူးပေါင်းရင်းမြစ်များ

मत्ती 10:32

“सै जे कोई माहणुआं रे सामणे बिणा डरे ये मन्नी लो भई हऊँ तेरा चेला, तां हऊँ बी तिस्सो स्वर्गा च रैहणे औल़े अहांरे पिता रे सामणे अपणा चेला मन्नी लेंगा।

मत्ती 22:40

सारी व्यवस्था कने भविष्यवक्तयां रे ग्रन्थ इन्हां दुईं हुक्मां पर टिकिरे।”

मत्ती 7:12

इस खातर हरेक माहौल्ला च लोकां ने तुहांरा बर्ताव ठीक तियां इ हो जिस तरिके रे बर्तावा री आशा जे तुहें अपणे खातर करां ये, काँह्भई व्यवस्था कने भविष्यवक्तयां री शिक्षा बी येई हाई।

लूका 1:70

तियां जे तिने बौहत पैहले ते अपणे पवित्र भविष्यवक्तयां रे जरिये बोल्या था,

लूका 16:16

तदुआं तक जे मूसा री व्यवस्था कने भविष्यवक्तयां रे लिखिरे सन्देश, बपतिस्मा देणे औल़े यूहन्ने रे औणे तक परमेशरा रे राजा रे बारे च प्रचार कित्या। पर हुण परमेशरा रे राज्जा री खुशखबरी सुणाई जाया राँई कने हर कोई तिसच इच्छुक हुईने दाखल हुया राँ।

लूका 16:29

पर अब्राहमे तिसजो गलाया, तिन्हाले त मूसा कने भविष्यवक्तयां री कताबां इयां, सै तिन्हारी सुणो कने तिन्हांरा पालन करो।

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

प्रेरितां 10:43

तिसरे सब भविष्यवक्ता गवाही देआंये भई जो कोई तिस पर विश्वास करगा, तिस्सो तिसरे नौआं रे जरिये पापां री माफी मिलणी।”

प्रेरितां 13:15

मूसा री व्यवस्था कने भविष्यवक्तयां री कताब पढ़ने ते बाद यहूदी सभा घरा रे सरदारे तिन्हांजो गलाया, “हे भाईयो, जे तुहांरे मना च लोकां जो उपदेश देणे री कोई गल्ल इ तां बोल्ला।”

प्रेरितां 15:5

पर फरीसियां रे दला चते तिन्हें जे विश्वास कित्या था, तिन्हां चते कईयें उट्ठीने गलाया, “होरीं जाति रे लोकां जो खतना कराणे कने मूसा री व्यवस्था जो मनणे रा हुक्म देणा चहिन्दा।”

प्रेरितां 19:23

तिस बगत यीशु मसीह पर विश्वास करने औल़यां लोकां रे बारे च बड़ा हुल्लड़ हुआ।

प्रेरितां 19:9

पर ताहली जे किछ लोकें कठोर हुईने तिस पर विश्वास करने जो मना किया पर लोकां रे सामणे मसीह पर विश्वास करने औल़यां जो बुरा बोलणे लगे, तां तिने तिन्हांजो छड्डीत्या कने चेलयां जो लग करित्या, कने हर रोज तुरन्नुसा रिया पाठशाला च वाद-विवाद करदा रैया।

प्रेरितां 22:14

“तां तिने गलाया, ‘अहांरे पूर्वजां रे परमेशरे तिज्जो इस खातर ठहराईरा भई तू तिसरिया इच्छा जो जाणो, कने तिस धर्मिये जो देखो कने तिसरे मुँआं ते गल्लां सुणो।

प्रेरितां 24:22

फेलिक्स सै जे यीशु मसीह पर विश्वास करने औल़यां लोकां रियां गल्लां ठीक-ढंगा ने जाणाँ था, तिन्हांजो येढ़ा बोलीने टाल़ीत्या, “ताहली जे पलटना रे सरदार लूसियासा औणा, तां तुहांरियां गल्लां रा न्याय करगा।”

प्रेरितां 24:5

काँह्भई अहें इस माहणुये जो इक उत्पात मचाणे औल़ा पाया। सारी दुनिया रे बौहत सारे यहूदी लोकां इने दंगे भड़काईरे, कने ये नासरियां रे कुपंथा रा मुखिया।

प्रेरितां 25:8

पर पौलुसे अपणा बचाव करदे हुये जवाब दित्या, “मैं नांत यहूदियां री व्यवस्था रे कने नां मन्दरा रे, कने नांई बादशाह कैसरा रे बरोधा च कोई अपराध कित्तिरा।”

प्रेरितां 26:22

“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ,

प्रेरितां 26:27

हे राजा अग्रिप्पा क्या तू भविष्यवक्तयां रा विश्वास कराँ? हाँ, हऊँ जाणाँ भई तू विश्वास कराँ।”

प्रेरितां 26:4

“तियां जे मेरा चाल-चल़ण बच्छपना तेई अपणे लोकां रे बिच कने यरूशलेम च तेढ़ा जे था, तिस्सो कई साथी यहूदी जाणाँ ये।

प्रेरितां 26:6

कने हुण इस वायदे रिया आशा रिया वजह ते सै जे परमेशरे अहांरे पूर्वजां ने कित्या था, माह पर मुकद्दमा चलया राँ।

प्रेरितां 28:22

पर तेरा विचार क्या? तिस्सो इ अहें तेरते सुणना चांये, काँह्भई अहें जाणाँ यें भई हर जगह इस मता रे बरोधा च लोक गल्लां कराँ ये।”

प्रेरितां 28:23

तां यहूदियें तिस खातर इक दिन तैह कित्या, कने मते लोक तिसले कट्ठे हुये, कने सै परमेशरा रे राज्जा री गवाही देन्दा हुआ। कने मूसा री व्यवस्था कने भविष्यवक्तयां री कताबां चते यीशुये रे बारे च समझाई-समझाई ने सवेरे ते संझा तका दसदा रैया।

प्रेरितां 3:13

अब्राहम कने इसहाक कने याकूब रे परमेशर, कने अहांरे पूर्वजां रे परमेशरे अपणे सेवक यीशु री महिमा कित्ती, तिस्सो जे तुहें यहूदी अगुवेयां ले मारने जो पकड़वाईत्या। ताहली जे राजपाल पिलातुसे तिस्सो छडणे रा बचार कित्या, तां तुहें तिसरे सामणे तिसरा इन्कार कित्या।

प्रेरितां 5:30

अहांरे पूर्वजां रे परमेशरे यीशुये जो मूईरयां चते ज्यूंदा कित्या, तिस्सो जे तुहें क्रूसा पर लटकाईने मारीत्या था।

प्रेरितां 7:32

‘हऊँ तेरे पूर्वज, अब्राहम, इसहाक कने याकूब रा परमेशर आ,’ तां मूसा डरा रे मारे कम्बीग्या, येत्थी तका भई तिस्सो देखणे री हिम्मत नीं रई।

प्रेरितां 9:2

कने तिसरे दमिश्क नगरा रे यहूदी सभा घराँ रे अगुवेयां जो ये चिट्ठी लिखणे जो विनती कित्ती, तिसते शाऊला जो तित्थी जे कोई मसीह पर विश्वास करने औल़े मिलो, फेरी चाये सै जनाना ओ, या चाये मर्द, तां सै तिन्हांजो बन्दी बणाई सक्को कने फेरी वापस यरूशलेम नगरा च ली आओ।

रोमियो 1:9

परमेशर तिसरी सेवा जे हऊँ अपणे पूरे दिला ते तिसरे पुत्रा री खुशखबरिया रा प्रचार करने रे जरिये कराँ, सैई मेरा गवाह भई हऊँ कियां तुहांजो हमेशा अपणियां प्राथनां च याद करदा रैयां,

रोमियो 3:21

पर हुण बिणा व्यवस्था रे पालन करने ते परमेशरा री धार्मिकता परगट हुई, तिसरी गवाही जे व्यवस्था कने भविष्यवक्ता दें,

1 कुरिन्थियों 11:19

पर बटवारा बी तुहां च जरूर हुंगा, इस खातर भई सै लोक जे तुहां च खरे निकली रे सै सामणे आई जाओ!

गलातियां 5:20

मूर्ति पूजा, जादू-टोणा, बैर-बरोध, लड़ाई-झगड़ा, हिरख, गुस्सा, स्वार्थ, मनमुटाव, फूट,

2 तिमुथियुस 1:3

हऊँ तिस परमेशरा रा धन्यवाद कराँ, तिसरी सेवा जे हऊँ कराँ, तियां जे मेरे पूर्वजें शुद्ध अन्तरात्मा ने कित्तिरी। ताहली जे कदीं हऊँ प्राथना कराँ हऊँ हमेशा तिज्जो अपणियां प्राथनां च लगातार याद कराँ।

तीतुस 3:10

सै माहणु जे कलीसिया च फूट पां तिस्सो इक या दो बार चेतावनी दे, कने इसते बाद तिसते लग रै,

1 पतरस 1:11

मसीह रा आत्मा तिन्हां च था कने तिन्हांजो दस्यारां था भई मसीहे कियां दुख सैहणा कने तिस्सो महान आदर दित्या जाणा। इस खातर तिन्हें ये पता लगाणे री खोज कित्ती भई मसीह कुण हूणा कने ये कदीं हूणा।

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”