प्रेरितां 23:9 - बिलासपुरी नौआं नियम

⁹ तां बड़ा हल्ला मचया कने किछ शास्त्री सै जे फरीसी थे, उट्ठीने ये बोलीने बैहस करने लगे, “अहें इस माहणुये च कोई बुराई नीं देखदे, जे कोई आत्मा या स्वर्गदूत तिसने बोलां तां फेरी क्या?”

प्रेरितां 23:9 ပူးပေါင်းရင်းမြစ်များ

मरकुस 2:16

किछ यहूदी शास्त्री सै जे फरीसी बी थे तिन्हें ये देखीने भई सै त पापियां कने चुंगी लेणे औल़यां ने सौगी रोटी खाईराँ, इस खातर तिन्हें यीशुये रे चेलयां जो बोल्या, “सै त पापियां कने चुंगी लेणे औल़यां ने सौगी खां-पीआं!”

लूका 23:22

पिलातुसे तिज्जी दफा तिन्हाते पुच्छया, कांह? “इने माहणुये क्या जुरम कीतिरा? इस्सो मौता री सजा देणे लायक मिन्जो इसच येढ़ि कोई गल्ल नीं मिली। इस खातर माह इसजो सिर्फ कोड़े लवाई ने छडी देणा।”

लूका 23:4

फेरी पिलातुस मुखियायाजकां कने लोकां खा मुड़ीने गलाया, “मिन्जो इस माहणुये च कोई बी दोष नीं दिखदा।”

लूका 5:30

कने फरीसी कने तिन्हांरे शास्त्री, तिसरे चेलयां ने ये बोलीने शकैत करने लगे, “तुहें चुंगी लेणे औल़यां कने पापियां ने सौगी खां-पीयें?”

यूहन्ना 12:29

फेरी सै लोक जे तिथी खढ़िरे थे कने सुणया राँ थे तिन्हें बोल्या भई “बद्दल़ गरजया।” होरसी बोल्या, “कोई स्वर्गदूत इसने गलाया।”

प्रेरितां 11:17

“इस खातर तां जे परमेशरे तिन्हांजो बी सैई दान दित्या, सै जे अहांजो प्रभु यीशु मसीह पर विश्वास करने ते मिलया था; तां हऊँ कुण था सै जे परमेशरा जो रोकी सकुं?”

प्रेरितां 22:6

“ताहली जे हऊँ चलदे-चलदे दमिश्क नगरा रे नेड़े पुज्जया, तां येढ़ा हुआ भई दपैहरा रे बगता इकदम इक बड्डी ज्योति अम्बरा ते मेरे चऊँ पासयां चमकी।

प्रेरितां 22:7

कने हऊँ धरतिया पर पई गया कने येढ़ि अवाज़ सुणी, ‘हे शाऊल, हे शाऊल, तू मिन्जो काँह सताया राँ?’

प्रेरितां 23:29

तां मैं जाणी लया भई सै यहूदी व्यवस्था रिया बैहसा रे बारे च तिस परा दोष लांये, पर मारी देणे खातर तिसच कोई दोष नीं मिलदा।

प्रेरितां 23:8

काँह्भई सदूकी लोकां रा ये विश्वास आ, भई नां मरने ते बाद भीं ते जिऊंदा हूणा, नां स्वर्गदूत, नां आत्मा इ; पर फरीसी इन्हां सब्बीं च विश्वास कराँ ये।

प्रेरितां 25:25

पर मैं जाणी लया भई इने येढ़ा किछ नीं कित्तिरा भई मारीत्या जाओ; कने तां जे भई तिने खुद बादशाह री दोहाई दित्ति, तां मैं पौलुसा जो रोम नगरा जो भेजणे रा फैसला कित्या।

प्रेरितां 26:31

कने तियां जे सै जाया राँ थे अप्पूँ चियें बोलणे लगे, “इने माहणुये येढ़ा त किछ नीं कित्या, सै जे मौती रिया सजा या जेल्ला च पाणे लायक हो।”

प्रेरितां 27:23

काँह्भई परमेशर तिस राजे हऊँ आ, कने तिसरी सेवा कराँ, तिसरे स्वर्गदूते पिछलिया राति मेरले आईने गलाया,

प्रेरितां 5:39

पर जे परमेशरा खा ते हये, तां तुहें इन्हांजो कदीं मनी खत्म करी सकदे। किति येढ़ा नीं हो भई तुहें परमेशरा ने बी लड़ने औल़े बणो।”

प्रेरितां 9:4

कने सै धरतिया पर पईग्या कने प्रभुये री ये अवाज़ सुणी, “शाऊल, तू मिन्जो काँह दखी कराँ?”

1 कुरिन्थियों 10:22

क्या अहें प्रभुये जो गुस्सा दिलां ये? क्या अहें तिसते ताकतवर ये?