प्रेरितां 23:6 - बिलासपुरी नौआं नियम

⁶ तां पौलुसे ये जाणीने, भई किछ सदूकी लोक कने किछ सदूकी लोकां जो सभा च हाक पाईने गलाया, “हे भाईयो, हऊँ फरीसी कने फरीसियां रे वंशा रा, कने मेरा न्याय मरीरयां री आशा कने भीं ते जिऊंदा हुणे रे बारे च हुया राँ।”

प्रेरितां 23:6 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 22:23

तिस दिन किछ सदूकी सै जे मरने ते बाद जिऊंदा हुणे जो नीं मनदे, तिसले आये कने तिसते पुच्छया,

मत्ती 3:7

ताहली जे तिने बौहत सारे फरीसियां कने सदूकियां जो बपतिस्मा लेणे खातर अप्पूँ ले औंदे देख्या, तां यूहन्ने तिन्हाजो गलाया, “जहरीले सर्पा साई बुरे लोको, हऊँ तुहांजो खबरदार कराँ भई हरेक सै जे पाप कराँ तिसजो परमेशरा इक दिन सजा देणी, कने ये नीं सोच्चा भई तुहां इसा सजा ते बची जाणा।

प्रेरितां 22:3

“हऊँ त यहूदी माहणु आ, मेरा जन्म किलिकिया प्रदेशा रे तरसुस नगरा च हुईरा; पर इस नगरा च गमलीएल रे पैराँ च बैठीने पढ़या, कने पूर्वजां री व्यवस्था जो खरिया रितिया पर सखाया गया; कने परमेशरा खातर येढ़ि लगाईरी थी, तेढ़ी जे तुहां सब्बीं जो आज्ज लगी री।

प्रेरितां 22:30

दुज्जे दिन तिने असली गल्ल जाणने रिया इच्छा ते भई यहूदी तिस पर काँह दोष लाया रायें, तिसरे बन्धन खोल्लीते; कने मुखियायाजकां कने सारी महासभा जो कट्ठा हुणे रा हुक्म दित्या, कने पौलुसा जो थल्ले नेईने तिन्हांरे सामणे खड़ा करित्या।

प्रेरितां 22:5

इस गल्ला खातर महायाजक कने महांसभा रे सब बजुर्ग गवाह ये भई तिन्हांते हऊँ यहूदी भाईयां रे नौआं पर चिट्ठियां लईने दमिश्क नगरा जो जाया राँ था, भई सै जे तित्थी हो तिन्हांजो बी सजा दिलाणे खातर बन्हीने यरूशलेम जो ल्याऊं।

प्रेरितां 23:1

पौलुसे महासभा खौ नज़राँ गडाई ने देख्या, कने बोल्या “हे भाईयो, मैं अज्जा तका परमेशरा खातर सच्चे मना ने जीवन बिताई रा।”

प्रेरितां 23:15

इस खातर हुण महासभा समेत पलटना रे सरदारा जो समझावा, भई पौलुसा जो तुहांले ली आओ, येढ़ा मन्नीने भई तुहां तिसरे बारे च होर बी ढंगा ने पड़ताल़ करना चाँये; कने अहां तिसरे पुजणे ते पैहले इ तिस्सो मारने खातर त्यार रैहणा।”

प्रेरितां 23:20

तिने गलाया, “यहूदी अगुवेयां साजस कित्तिरी भई तेरने विनती करो भई कल पौलुसा जो महासभा च ल्याओ, मन्नो भई सै होर बी ठीक ढंगा ने तिसरी जाँच करना चाँये।

प्रेरितां 23:7

तां जे तिने ये गल्ल बोल्ली तां फरीसियें कने सदूकियां च झगड़ा हुणे लगया; कने सभा च फूट पईगी।

प्रेरितां 24:15

कने परमेशरा ते आशा रखां तेढ़ी जे सै खुद बी रखां ये, भई धर्मिये कने अधर्मिये दुईं जो परमेशरा मौती ते जिऊंदा करना।

प्रेरितां 24:21

इसा इक्की गल्ला जो छड्डिने सै जे मैं इन्हांरे बिच खड़े हुईने बोल्ली थी, ‘मूईरेयां चते जिऊंदा हुणे रे बारे पर हऊँ विश्वास कराँ इस खातर आज मेरा तुहांरे सामणे मुक्दमा हुया राँ।’”

प्रेरितां 28:20

इस खातर मैं तुहांजो सदया भई तुहांजो मिलूँ कने गल-बात करूँ; काँह्भई इस्राएल री आशा यनि मसीह रे खातर हऊँ इस जंजीरा च जकड़ी रा।”

फिलिप्पियां 3:5

ताहली जे हऊँ अट्ठां दिनां रा था, मेरा खतना हुया था। हऊँ इस्राएली लोकां चते आ, हऊँ बिन्यामीन रे गोत्रा रा; मेरे माता-पिता इब्रानी थे तां हऊँ बी इक इब्रानी आ; इक फरीसिये साई मैं मूसा री व्यवस्था रा ध्याना ने पालन कित्तिरा।

कुलुस्सियां 1:5

तुहें ये कराँ ये काँह्भई तुहें भरोसे सौगी तिस ईनामा जो पाणे री आशा कराँ ये, सै जे परमेशरे स्वर्गा च तुहांरे खातर त्यार कित्तिरा, इस बारे च तुहें पैहले तेई सुणी चुक्कीरे, ताहली जे लोक पैहले तुहांले आये कने तुहांजो सच्चा सन्देश दित्या सै जे मसीह यीशुये री खुशखबरी।

इब्रानियों 6:19

अहांरी आशा मजबूत इ कने ये हिल्ली नीं सकदी कने ये अहांजो परमेशरा ते भटकणे नीं देन्दी, वल्कि ये अहांजो परमेशरा रे मन्दरा रिया पवित्र जगह तक लेई जांई,